Caeltueih 17:4 - Matu Chin New Testament 2006

⁴ Ahimi timkah khatsut lawngtah a yaakming u tih Pawl oen Silas te a bawngyawng u; tedawngah nu mawtkung thli oen Pathen aka bok Krik thlaang thli broe lawngkhaw a bawngyawng u van.

Matu Bible

⁴ Te vaengah amih khuikah hlangvang tah ngailaem tih Paul neh Silas taengla kibaeng uh. Greek rhoek khuiah huta rhaengpuei a yet loh a bawk uh tih tanglue rhoek khaw a yool mai moenih.

Caeltueih 17:4 Iomraidhean Croise

Johan 7:35

Aana khuehkung Judah thlaang thli lawngah amami khat oen khat te, “Mami lawng huh nawh ham mela a ceh vik ai? Mami phun Judah thlaang thli a awmna Krik khawpui la cet vetih Krik thlaang thli te a cang puei ai aw?

Caeltueih 13:43

Thlaangping te sinakok bok-im kalawng a ceh boeih u coengah Pawl oen Barnabas te Judah thlaang thli oen Judah phung la aka kuun Gental thlaang broe lawngah a hu ah bung a vai u. Celtuih rawi lawng ahimi te Pathen lungvatna dawngah awm poe hamla thathluena awl a thui pe.

Caeltueih 13:50

Tede Judah thlaang thli lawngah khawpui khuikah mawtkung thlaang thli oen Pathen aka bok hinyah koei Gental hutaa thli te a ceemtuh u tih Pawl oen Barnabas te heemtek ham a tong u, ahih rawi te a ram khui kalawng a vai u.

Caeltueih 14:1

Tetih toengtoeng la te Ikoniam ah khaw Pawl oen Barnabas tah sinakok bok-im la cet tih awl a thui hih, Judah thlaang thli oen Gental thlaang thli yahawh hlang te oengca la coengg u.

Caeltueih 14:4

Te khawpui khuikah thlaangping tah pek u tih khatsut lawng Judah thlaang te a bawngyawng u tih khatsut lawng celtuih rawi te a bawngyawng u.

Caeltueih 15:22

Tecoengah celtuih thli, ahaamca thli oen khrihcabu lawng Pawl oen Barnabas oen ah Antiok khaaw la tuih haih ham amami bu khuikah thlaang khatsut te tuek hamla awl a tloek u. Ahimi lawngah oengca boeih lawng a hinyah u thlaang pahih Barnabas a ti u Judas oen ah Silas te a tuek u.

Caeltueih 15:27

Tedawngah ca oen kavan thut u he nangmi tengah thui pe hamla Judas oen Silas he kavan tuih u.

Caeltueih 15:32

Judas oen Silas khaw tawngha la a awm hih dawngah ahimi tengah thathluena awl oen thapeekna awl asanhlangla a thui pe hih.

Caeltueih 15:40

Pawl lawngah Silas te a tuek tih oengca thli lawng Pathen kah lungvatna dawngah a nawn u coengah cet hih van.

Caeltueih 16:3

Pawl lawng Timote te ceh puei a ngaih dawngah yahhuivuen a reet sak. Ahih lawng te tila a sai sak te tah te kah aka awm Judah thlaang boeih lawng Timote kah ana pa te Krik thlaang phun tila a ming u dawngah ni.

Caeltueih 17:10

Khaw a yiin thuk atah oengca thli lawng Pawl oen Silas te Berea khaaw la pahoei a tuih u. Ahih rawi lawng a pha atah sinakok bok-im la cet hih.

Caeltueih 17:12

Ahimi timkah thlaang broe lawngah a tangna u tih hinyah koei Krik hutaa thli oen Krik thlaang tawngpa broe lawngkhaw a tangna u.

Caeltueih 17:14

Tedawngah oengca thli lawng Pawl te tuitunlii keeng la te pahoei a tuih u; tede Silas oen Timote tah Berea khaw ah te awm hih.

Caeltueih 17:17

Tedawngah Judah thlaang thli oen khawseh, Pathen aka bok Gental thlaang thli oen khaw sinakok ah awl a thui u poepa tih, rangpui tunna huen ah khaw, cet thuk cet hang thlaang thli oen khawhin roekk ah awl a thui u.

Caeltueih 17:34

Thlaang khatsut tah Pawl oen te bawngyawng u, khonsil ah aka thuum van, ahimi khuikah thlaang pakhat Dionisias lawngkhaw Damaris aka miingna hutaa pakhat oen thlaang-tloe khatsut hue lawngtah a tangna u.

Caeltueih 18:4

Ahih lawngah Sabbath khawhin roekk ah sinakok bok-im ah te awl a thui poepa, Judah thlaang oen Krik thlaang thli lawng a yaakming tih a tangna thai hamla te a yawm.

Caeltueih 19:10

He tila te kum hih khui a sai tih Asia ram ah aka awm thlaang boeih Judah oen Gental thlaang thli lawng Bawipa awl te a yaak u.

Caeltueih 2:44

Oengca boeih te khat la huui u tih a khueh thaihu thli te pakhat oen khat rek ara patoeng u.

Caeltueih 21:28

Ahimi lawngah, “Israel thlaang thli, n'bawm u lah! Ahih he khaaw tawm ah cet tih Israel thlaang thli khaw, Mosi kah Phungawl oen Tempal bok-im he khaw Oelhtaih hamla thlaang boeih te a cang puei. Tecoengah tahe ah Gental thlaang khatsut te Tempal bok-im khuila avan law puei tih he huen ciim he a hok a aih” tila paang u.

Caeltueih 28:24

Thlaang khatsut lawngtah ahih kah awl thui rang oen a yaakming u de thlaangtloe hue lawngtah tangna nawh.

Caeltueih 4:23

Piter oen Johan he a thlah pahoei oen a paya hue tengla meel hih tih khawsoeih ahaamca thli oen Judah thlaang ahaamca thli kah awl thui te ahimi tengah a thui pe.

2Korin 8:5

He tila a sai u he kaimi lawng ka ngaiuepna lak ah yahawh khuengdeng! lamhacuek ah amami te Bawipa tengah pe u; tecoengah Pathen kawngaih la kaimi tengah atheenla pe u.