Caeltueih 14:3 - Matu Chin New Testament 2006

³ Celtuih rawi tah te ah te asan hlang awm tih Bawipa kawng te raltheenla a thui hih, ahih rawi lawng a thui lungvatna kawng awlthang te soeng tila tueng sakna ham kawpoek rai miknoekna oen kawpoek rai sai thaina huham tharana te a peek.

Matu Bible

³ Te dongah Boeipa ham sayalh la a tue puet a loh rhoi tih a lungvatnah ol te a phong. Miknoek neh khobae rhambae amih rhoi kut neh saii ham a paek.

Caeltueih 14:3 Iomraidhean Croise

Marku 16:20

A hubang thli lawng cet u tih peng tawm ah awlthang a thui u, Bawipa tah ahimi tengah bii a bi tih ahimi lawng a thui he soeng tite kawpoekrai saina oen a tueng sak u.

Johan 4:48

Jesuh lawngah ahih nala te, “Nangmi lawngah kawpoekraina oen kawpoekrai thaihu te na huh u nawh atah mevengah khaw na tangna u manawh” a tina.

Caeltueih 13:46

Tede Pawl oen Barnabas lawng raltheenla a thui tare hih tih: “Nangmi tengah Pathen awl he lamhacuekla thui ham ngoe tangtang. Tede nangmi lawng na hoett u tih namah oen namah te dungyan hingna oen a tingtawkk nawh la na poek u atah kan ceh taak u vetih Gental thlaangphun tengla ka cet hih ai.

Caeltueih 2:22

Ka puei Israel thlaangphun thli, ka awl he hutung u lah! Nazaret khaaw kah Jesuh lawng Pathen kah saithaina aana a khueh tite ahih rang oen Pathen lawng a sai kawpoekrai miknoekna oen kawpoekrai thaihu oen ah aciimphanla a tueng sak poen. Te ang thli te namami mik huh ah a sai dawngah nangmi lawng na ming u.

Caeltueih 20:24

Tede ka hingna he n'tu la khaw ka ngaai mai nawh; kai ham avan thloem bii oen ah kai lawng sai hamla Bawipa Jesuh lawng m'peek bii te coeng ham bueng ni ka ngaih. Te tah Pathen kah lungvatna kawng Awlthang Theen phawng ham he ni.

Caeltueih 20:32

Tahe tah nangmi he Pathen kah doencangna oen amah kah lungvatna awlthang khuiah kan peek u poen, te lawngah nangmi te n'roeng sak vetih amah kah thlaang boeih hamla a toen oepsoeh yotheen kam-awmna te m'peek ai.

Caeltueih 4:31

Ahimi lawng a thangthui coeng boet atah ahimi a tunna ahuen te hinghuen. Ahimi tah Ciim Muithla oen betoet u tih Pathen awl te thin awm tangkiik la a thui u.

Caeltueih 5:32

Kaimi tah he thaihu boeih he aka mingkung la ka awm u, Pathen lawngah amah awl aka ngaai thli kutdo la a peek Ciim Muithla te khaw mingkung sausi la awm” a tina u.

Rom 1:16

Awlthang Theen tah ka uepna rapsaat; aka tangna thlaang boeih thlawnna hamla Pathen kah tharana ni. Lamhacuekla Judah thlaangphun ham tih tecoengah Gental thlaangphun hamla khaw awm.

1Thessalonika 2:2

Tesalon khaaw ah nangmi tengla ka law thlan vengah kaimi he Filipi khaaw ah metihtlukla n'thena u tih raina mai awm cakhaw, amah teng kalawng aka law Awlthang Theen te nangmi tengah thui hamla Pathen lawng kaimi he thincakna m'peek u.

Hebrew 2:4

Te tila te ahimi kah sausi te soeng tila a tuengna ham Pathen lawngah miknoekna oen kawpoekrai phun soeprep te a sai tih Ciim Muithla kah kutdo thli te amah kawngaih angla a rek ara.