3Johan 1:6 - Matu Chin New Testament 2006

⁶ Nang kah lungna kawng te ahimi lawng he kah Khrihcabu tengah a thui u poen. Ahimi khawlawng la poe a cehna u ham Pathen kah kawtlaakla bawmcem u de.

Matu Bible

⁶ Amih loh hlangboel hmaiah nang kah lungnah a phong uh. Pathen neh a tingtawk la amih thak ham te a then la saii.

3Johan 1:6 Iomraidhean Croise

Caeltueih 15:29

kutsaimuei tengah a nawn caak awkk te ca u boel; sathi ca u boel; rawn khak ramsa te ca u boel; hutaa oen tawngpa thawlh u boel. He ang thaihu boeih he nangmi lawng sai nawh ham na kuemsuem u atah theen mai poen. Na sa ding u seh.” tila a thut pe u.

Caeltueih 15:3

Khrihcabu lawng ahimi te yawh a thak u; Fonicia oen Samaria ram ben kalawng poe cet u tih Pathen ben ah Gental thlaangphun thli kah kawthawna kawng te ahimi lawng a thui u tih he kah awlthang lawngah oengca boeih te a awmngaih sak.

Caeltueih 21:5

Tede ahimi tengah khawhin hih rih ka awm u coeng atah ka cet u. Ahimi boeih oen a yu a ca thli lawng khawpui adauben tuikeeng toe la n'thak u, te ah te khuklu oen ka cuengkueng u tih ka thangthui u.

Rom 15:24

tahe tah nangmi tengah ka law thai poen ai tila ka ngaiuep. Sping ram la yin ka ceh vengah nangmi oen huh u ham ka ngaih tih nangmi tengah kawlkalh ka cam coengah tela te ceh ham tah nan bawm u ham ka ngaih.

2Korin 1:16

Judia ram ka ceh vengah nangmi tengkah bawmna ka dangna ham ah Macidonia la ka ceh ah te nangmi tengla ka law silangtah ka mel ben ah khaw ka law koep ai tila ka kamthlah.

Philipi 4:14

Tede raina ka tawng vengah nan bawm u he nangmi kah theenna ni.

Kolosa 1:10

Tedawngah Bawipa kah ngaihna angla nangmi lawng na ming thai vetih amah kawhoena te na sai poepa u thai ai. Nangmi kah hingna lawng thaihu theen soeprep boeih a sai vetih Pathen mingna dawngah te na roeng u ai.

1Thessalonika 2:12

Kaimi lawng nangmi te thathluena awl, ngaimawngna awl kavan thui u tih amah Ram oen ah ruep-awmna te paang hamla nangmi khuekung Pathen awmngaihna koei la na hingna u ham kan thuituen u.

Titus 3:13

Thlaangcal Zenas oen Apollos te khawlawng la a cehna hih ah atheenla bawm lang te rawi kah ngoena boeih te soepsa peh.

1Peter 2:20

Nangmi lawng namami kah saithawlhna dawngah patang khang koei bawh-apaina patang te na khang u atah metila koeh ham koeila a awm ai? Tede asoeng thaihu na sai lal maiah nangmi lawng patang na khang oh atah Pathen lawng yotheenna m'peek ai.

3Johan 1:12

Demetrias kah theenna he thlaang tawm lawng a thui; awltak roe lawng ahih kah theenna he a thui. Mami lawngkhaw atheenna te n'thui u tih kai lawng ka thui he soeng tila na ming u.