3Johan 1:4 - Matu Chin New Testament 2006

⁴ Ka ca thli te awltak dawngah awm u tila ka yaak thloei ah kai awmngaih sak tare ngai atloe awm nawh.

Matu Bible

⁴ Ka ca rhoek te oltak dongah pongpa uh tila ka yaak vaengah, hekah lakah a len ngai omngaihnah ka khueh moenih.

3Johan 1:4 Iomraidhean Croise

2Korin 6:13

Tahe ah nangmi he kamah kah ca anau thli angla awl kavan thui u: Nangmi tengah thinkaw ka khueh u van la te kaimi tengah khueh u van lah. Na lungbui thawhka te akaula van awng uh!

Galati 2:14

Awlthang theen awltak lawngdoeng ah cet u nawh tila ka ming vengah Piter te rangpui haiah, “Nang he Judah thlaang balboel tah Gental thlaang angla khaw na sak tih Judah thlaang angla khaw na sa nawh. Tetih atah, metila Gental thlaang thli he Judah thlaangphun angla khaw a sakna ham na yawm mangkhak thai ai?” ka tina.

Galati 4:19

Ka lungna ka ca ka nau thli! Nangmi kah thinkaw ah Khrih moeiboe a awm thlantoe tah hutaa lawng camoe a awm vengah tlawhna a ming angla te ka ming koep hun ai.

1Thessalonika 2:11

Ana pa lawng a ca thli te a dawm a thlai angla nangmi pakhat rip te kaimi lawng kan dawm kan thlai u te na ming u.

1Timothy 1:2

Oengna ah ka capa tangtang la aka awm Timote nang hamla ca kavan pat. Pa Pathen oen Bawipa Jesuh Khrih lawngah lungvatna, reenna oen ngaimawngna te m'pe hawn seh.

2Timothy 1:2

Ka lungna ka capa Timote nang tengah ca kavan pat: Pa Pathen oen mami Bawipa Khrih Jesuh lawngah nang te lungvatna, reenna, oen ngaimawngna te m'pe hawn seh.

Philemon 1:10

Tedawngah, thong ka tlaak vengah he Muithla ben ah ahih kah anna pa la ka awm tih Khrih ah ka capa la aka awm Onisimas yuengla na tengah reenna kavan bih.

1Johan 2:1

Ka ca ka nau thli nangmi lawng thawlhna na sai u nawh hamla he ca he kavan thut; tede pakhat khat lawng thawlhna a sai hau atah, Pa, tengah mami yuengla aka bih ham thlaangdoeng Jesuh Khrih n'khueh u.

2Johan 1:4

Pa lawngah mami awl m'peek angla na ca thli khatsut tah awltak dawngah a hing u te ka huh vengah ka awmngaih tangkiik.