3Johan 1:2 - Matu Chin New Testament 2006

² Ka lungna ka puei, soeprep boeih te anepnoeila a awmna ham oen sadingla na awm thaina ham ka thangthui. Muithla ben ah sadingla na awm tila ka ming.

Matu Bible

² Thintlo aw, na hinglu loh a hoeikhang vanbangla, a cungkuem dongah nang hoeikhang sak ham neh sading sak ham ka thangthui.

3Johan 1:2 Iomraidhean Croise

Mathai 9:12

Jesuh lawng ahimi kah awldoetna te a yaak tih, “Sading thlaang lawng sibawi ngoe nawh, tede thlaangtlo bueng lawng ni angoe,” a tina.

Philipi 2:27

Ahih tah duek dalh toela tlo tangtang. Tede Pathen lawng a reen, ahih bueng nawh tih kai khaw n'reen van tih ka tengah kawthena bohlang aka law ham koei dawng kalawng ka sa avan sueng sak.

Philipi 2:4

Namami ham bueng te huh thai ohla thlaangtloe ham theenna khaw huh thai van ham awm.

2Thessalonika 1:3

Maya manau thli, nangmi hamla Pathen tengah awmngaih ciil ka thui u poepa. Te tila awmngaih ciil thui te aka soeng ni, metihtiah nangmi kah oengna tah roeng hang tangkiik tih nangmi pakhat oen khat na lung u te a roeng hang tare dawngah ni.

2Thessalonika 2:13

Bawipa lawng a lungna maya manau thli, nangmi kawngah kaimi lawng Bawipa tengah awmngaih awl thui poepa ham awm. Metihtiah Muithla kah huham tharana rang oen Pathen kah aciim thlaanghing la coeng ham oen ah nangmi lawng awltak te na oengna rang oen thlawnna te na dangna u ham Pathen lawng nangmi te lamhacuekla n'tuek u.

James 5:12

Maya manau thli, atloe boeih lak ah awlkamna na sai u vengah awl taap u boel. Nangmi lawngah vaan phoei oen khawseh, dilai phoei oen khawseh, atloe tloe phoei oen khawseh awl taap u boel. “Oeih” tila thui na ngaih atah, “Oeih” ti bueng te mah thui mai hawn; “Moenih” tila thui na ngaih atah “Moenih,” ti bueng mah thui mai hawn. Te tila na thui u atah Pathen kah awlcekna dawng kalawng na loeih ai.

1Peter 4:8

Atloe boeih lak ah pakhat oen khat thinkaw tak oen lung uh, metihtiah lungna lawngtah thawlhna boeih te a khuk a dah dawngah ni.

2Peter 3:18

Mami kah Bawipa Jesuh Khrih lungvatna oen mingna dawngah roeng hang uh. Amah tengah ruep-awmna tah tahe kalawng ayoeyah awm hawn seh. Amen.

3Johan 1:1

Ahaamca teng kalawng- Ka lungna Kaia, ataktangla ka lungduet tengah:

Olphong 2:9

Patang raina na tawng te ka ming; na khawdeng te khaw ka ming, tede nang tah kuirang tangtang! Judah thlaang nawh de, Judah thlaang la ka awm aka ti hue lawng na thaang a the sak u te ka ming; Ahimi tah Seitan kah thlaang ni!