2Timothy 4:2 - Matu Chin New Testament 2006

² Tedawngah awlthang te thui lah, (atue atang alawlh amaih ah khaw, alawlh amaih nawh ah khaw) awlthang te thui ngaikhoek. A yaakming thaina ham thui peh, toel-thaam ham angoe atah siim langtah, thaphawh ham angoe atah thathluena awl thui peh, kawdaw thinsan oen cang puei.

Matu Bible

² Ol te hoe pah. Na bihoep tamto akhaw pai thil laeh. Thinsennah thuituennah cungkuem neh toeltham lamtah, sim lamtah, hloep laeh.

2Timothy 4:2 Iomraidhean Croise

Luka 7:23

Kai kah kawng alam dawngah ngaithliwhna aka khueh nawh tah yotheen aka dawng thlaang ni! tila thui pe” a tina.

Luka 7:4

Ahimi te Jesuh tengla law u tih reenna te caalla a bih u, “He thlaang he na bawm roeroe hamla angoe.

Luka 9:60

Jesuh lawng, “Thlaangduek lawng amami thlaangduek te vui u noen seh. Nang tah cet langtah Pathen Ram kawng te thui lah.” a tina.

Caeltueih 13:5

Ahih rawi lawng Salamis khaaw a pha hih veng atah Pathen awl te sinakok bok-im ah a phawng hih. Ahih rawi lawng bii aka bawmkung la Johan Mark te a ceh puei.

Caeltueih 16:13

Sabbath khawhin ah khawpui avooel ben-kah tuivakeeng la ka cet u, te ah te Judah thlaang thli kah thangthui tunna ahuen awm ai tila ka poek u. Kaimi ka ngawl u tih te ah aka tun hutaa thli tengah awl ka thui pe u.

Caeltueih 20:7

Yarh khat khuikah lamhacuek khawhin ah beroep lopaangna thlembuh veel haih hamla ka tun u. Avuen hin ah ceh ham a kamthlah u dawngah Pawl lawng thlaangping tengah yiinthuem toe ah awl a thui.

Caeltueih 28:16

Rom khawpui te kaimi ka pha u atah Pawl te raalkap pakhat lawngah a toet tih amah poek ah awm thai na te a peek u.

Rom 10:15

A thuikung laipai te tuih la a awm nawh atah metila awlthang te a phawng ai? Caciim lawng, “Awlthang Theen van khuenkung laipai thli kah a khow tah theen tangkiik hlang mah aw!” tila a thui angla awm tangtang.

Rom 12:12

Na ngaiuepna na khuehna dawng teah na tha thlue sak uh; raina na tawng u vengah thinsan kawdaw oen awm u lang thangthui yoeyah uh.

Galati 6:6

Khrih kah awlthang aka cang thlaang pakhat lawngah thaihu theen a khueh toen boeih te ahih cangpueikung saya te pe lem seh.

Kolosa 1:25

Tedawngah, Pathen lawng Khrihcabu kah tuihyoeihthlaang la kai he n'khueh poen tih bii m'peek he tah nangmi theenna ham ni. Te bii tah amah kah awlthang asoepla phawng ham te ni;

Kolosa 4:3

Te tila na thangthui u vengah Khrih awlhuep phawngthaina ham, Pathen tengkah atue theen ka dang thaina u hamla kaimi ham khaw thangthui u van. Tahe thong ah ka tlaak he khaw awlhuep ka phawng dawngah ni.

1Thessalonika 1:6

Nangmi lawng kaimi oen Bawipa kah moeiboe te na oett u, patangraina yahawh hlang na tawng u vengah khaw, Ciim Muithla tengkah aka law awlthang te awmngaih oen na do u.

1Thessalonika 5:14

Maya manau thli, nangmi lawngah thayong thlaang te ngaithuenna pe uh, riyawp thlaang te thincakna pe uh, tha aka yoek thlaang te bawmcem uh, thlaang boeih tengah na kaw daw sak ham kan uen u.

1Thessalonika 5:20

Muithla kah bawnghorhna oen a thui awl te ngaai lakna ohla awm boel.

1Timothy 4:13

Kai ka law thlantoe tah rangpui tengah Caciim teena, phungthuina oen cangpueina te yawm langtah atue na khueh boeih te hawna lah.

1Timothy 5:20

Thlaangtloe hue lawngkhaw thawlh sai a rihna van ham thawlhna aka sai boeih te rangpui haiah toelthaam peh.

2Timothy 2:21

A-u khaw athe thaihu boeih te a ceh taak tih aciim acaihla aka awm tah bii phutlo dawngah a hawna ai, metihtiah ahih tah thloeng u tih thaihu theen sai ham oepsoehla aka toen u tih a bawipa kah hawna koeila a awm dawngah ni.

2Timothy 2:25

amah aka ngaih nawh thlaang thli te lunghoeih lungpaih la toelthaam ham awm. Tetih atah ahimi te Pathen lawngah thawlh yutna atue theen a peek vetih awltak te a ming u ai.

2Timothy 3:10

Tede nang lawngtah kai kah cangpueina, khawboe ramlang oen ka hingna dawngah ka mengtengna te na vai poen. Nang lawngtah ka oengna, kawdawna, lungna, uehthaina,

Titus 1:13

tila a thui he soeng tangtang. Tedawngah, he kawng ah he ahimi te atlawh ngaaila toelthaam lah, tetih atah ahimi lawng sa aka ding oengna te a khueh u vetih,

Titus 2:15

He awlkaa thli he cang puei langtah na awlthui hutung thli te tha na peek tih na toelthaam vengah saithaina aana na khueh boeih te haw nah. Nang te a-u lawngkhaw dapsit la n'hu roe boel seh.

Hebrew 13:22

Maya manau thli, thathluena awl ka thui he na vai u hamla kan ceel u. He capat kavan thut he san aih nawh.

Olphong 3:19

Kai lawngtah ka lungna thlaang boeih te ka toel ka thaam tih dan ka tat. Tedawngah na tha thlue sak lang na thawlhna yut lah.