2Timothy 4:18 - Matu Chin New Testament 2006

¹⁸ Bawipa lawng athe-arana boeih kalawng n'loeih sak tih amah kah vaan Ram ah te adingsuekla n'ceh puei ai. Amah tengah ruep-awmna dungyan toe awm hawn seh! Amen.

Matu Bible

¹⁸ Boeipa loh khoboe thae boeih lamkah kai n'hlawt vetih vaan kah amah ram khuila n'daem sak ni. Amah te kumhal ah kumhal duela thangpomnah om saeh. Amen.

2Timothy 4:18 Iomraidhean Croise

Mathai 13:43

Tevengah thlaangdoeng thli tah ana pa Pathen kah Ram ah khaw angla see u ai. Tedawngah yaakna haa aka khueh lawng ya u lah!” a tina.

Mathai 25:34

Tecoengah Sengpahrang lawng a bantang ben ah aka awm hue te, ‘Law uh, nangmi a Pa kah yotheenna aka paang hue! Law u lang dilai suen cuek veng kalawng nangmi ham a roek abah sut Vaan ram te paang u lah.

Mathai 6:13

Noekdakna aka rai hlang kaimi sawah pha sak ohla, Seitan kut khui kalawng n'deem sak u lah, tila thangthui uh.’

Luka 11:4

Kaimi sawah thawlhpalhna aka sai boeih te khawdawp ka ngaai u van angla kaimi kah thawlhna he khawdawp van ngaai van lah. Aka rai tangkiik noekdakna te kaimi tengah van pha sak boel’ tila thangthui uh.” a tina.

Luka 12:32

“Rih u boel, metihtiah nangmi te na Pa lawng Vaan Ram peek ham a ngaih.

Luka 22:29

a Pa lawng ka tengah ukna aana m'peek van angla nangmi khaw kan pe van ai.

Johan 17:15

Dilai dawng kalawng ahimi he na lawh hamla kavan bih nawh, tede Thlaangthe Puei teng kalawng ading asuekla thlipdah ham ni kavan bih.

Rom 11:36

Thaihu boeih he amah lawng a sai, thaihu boeih amah rang oen awm tih amah ham ni. Pathen tengah ayoeyahla ruep-awmna awm hawn seh! Amen.

Rom 16:27

Pakhat bueng la aka awm tih cuihna boeih oen aka soep Pathen tah Jesuh Khrih rang oen dungyan toe ruep-awmna awm hawn seh! Amen.

1Korin 1:21

Thlaanghing lawng amah kah cuihna oen Pathen te a ming thaina nawh ham amah lawng a cuihna oen a sai poen. Kaimi lawng ka phawng, “ngau-athuuna” a ti u awlthang he aka tangna thlaang te thlawn hamla Pathen lawng awl a khueng.

1Korin 10:13

Nangmi sawah aka law noekna te thlaang boeih tengah aka thoeng noekdakna van mai ni. Tede Pathen tah awlkam cak tih nangmi lawng na taa thai nawh toe atah noekna te van thoeng sak aih manawh; nangmi tengah noekdakna avan pha vengah ueh thaina ham tharana te m'peek vetih loeihna hamla lawngpui avan roek ai.

1Korin 15:50

Maya manau thli ka thuingaihna tah thi-asa oen a sai pum lawngah he Pathen Ram te paang thai manawh, tecoengah aka duek thai lawngah aka duek thai nawh te khueh thai manawh.

2Korin 1:10

Nangmi lawngah kaimi he thangthuina oen nan bawm u van angla, rih awm tangkiik duekna kalawng kaimi he amah lawng n'thlawn tih hailam ben ah khaw n'thlawn baal hun ai.

Galati 1:5

Pathen tengah dungyan toela ruep-awmna tah awm hawn seh! Amen.

1Thessalonika 5:23

Ngaimawngna pekung Pathen lawng soeprep ah n'ciim sak u hawn seh, mami kah Bawipa Jesuh Khrih a law vengah nangmi kah pum boeih, na muithla, na hingna, oen pumtaksa te amah lawng kuem selang tah thawlhpalhna boeih kalawng n'loeih sak seh.

2Thessalonika 3:3

Tede Bawipa tah uep-awm thlaang la a awm dawngah nangmi te tha avan ra sak vetih Thlaang The Pui kah kut khui kalawng n'phungtu ai.

1Timothy 1:17

Dungyan Sengpahrang, aka duek thai nawh oen mik oen huh thai nawh pakhat bueng la aka awm Pathen tengah hinyahna oen ruep-awmna tah ayoeyah la awm hawn seh! Amen.

1Timothy 6:16

Ahih bueng he ni aka duek thai nawh; a-u lawngkhaw a tengah yoeii mare thai nawh aangna khuiah te awm. Ahih te a-u lawngkhaw hu vai nawh; a-u lawngkhaw hu thai manawh. Amah tengah hinyahna oen dungyan ukna aana tah awm hawn seh! Amen.

2Timothy 1:12

te dawngah ni kai lawngah he ang khawdeng patang he ka khang. Tede kai tah ka ngaai mawng, metihtiah kai lawngah a-u ka uepna tite ka ming tih ka kut dawngah avan tloeng thaihu te tah te Khawhin toe ah amah lawngah anepla avan kuem ai tite ka tangna.

2Timothy 4:1

Thlaangduek oen thlaanghing awl aka cek ham koei Khrih Jesuh oen Pathen haiah awl ceetceet kan uen. Metihtiah ahih tah Sengpahrang angla uk ham law koep ai.

Hebrew 11:16

Ahimi lawng atheen ngaai ram, vaan benkah ram te ni a ngaai u. Pathen lawng ahimi ham ram pakhat te a roekbah pe dawngah ahimi lawng Pathen te a Pa tila a khue u vengah Pathen tah yak nawh.

Hebrew 12:22

Tede nangmi ngoen tah Zaion Tlaang vanthlaang toeklek toekna oen a awmna, vaan Jerusalem aka hing Pathen kah khawpui la te na law u.

Hebrew 13:21

Nangmi lawngah ngaimawngna akung Pathen kah kawngaih te na sai u thai ham thaihu theen na ngoe boeih te m'pe hawn seh; Jesuh Khrih rang oen amah kawngaih te mami kaw khuiah sai hawn seh. Jesuh tengah ruep-awmna tah dungyan toe ayoeyahla awm hawn seh! Amen.

James 2:5

Maya manau thli aw, hutung u lah! Pathen lawngah he dilai dawngkah khawdeng thlaang thli he oengna ah kuirang la awm ham, amah aka lungna thlaang thli ham a kam pe vaan ram te pang hamla a tuek.

1Peter 1:5

Atue boetna apha vengah tueng sak hamla a khueh oepsoeh thlawnna te oengna rang oen ah Pathen kah huham tharana lawng akhoem abeel tih nangmi ham vaan ah avan khueh ro na pang ham koei ni.

1Peter 5:11

Amah tengah huham tharana tah yoeyahla awm hawn seh! Amen.

2Peter 1:11

He tila te mami kah Bawipa oen Thlawnkung Jesuh Khrih kah dungyan ram ah nangmi kuun thaina te m'peek u ai.

2Peter 3:18

Mami kah Bawipa Jesuh Khrih lungvatna oen mingna dawngah roeng hang uh. Amah tengah ruep-awmna tah tahe kalawng ayoeyah awm hawn seh. Amen.

Jude 1:1

Jesuh Khrih kah tuihyoeihthlaang oen Jeem kah manau Juda lawng Pathen lawngah a khue thlaang-thli, Jesuh Khrih lawng a thlipdah tih Pa Pathen kah lungna khuiah aka awm thli tengah: