2Timothy 3:8 - Matu Chin New Testament 2006

⁸ Janni oen Jambri lawng Mosi te a oelh a taih hih angla he thlaang thli lawngkhaw awltak te a oelh a taih u, ahimi tah a kawpoek lawng bii aka bi tlaih nawh lungmong thlaang la awm u tih oengna ben ah dok u poen.

Matu Bible

⁸ Te dongah Jenne neh Jambres loh Moses a kamkaih rhoi bangla he rhoek long kaw oltak te a kamkaih uh van. A lungbuei poci tih tangnah dongah aka lolhmaih hlang rhoek ni.

2Timothy 3:8 Iomraidhean Croise

Caeltueih 15:24

Kaimi tim-kah thlaang khatsut aka law lawngah nangmi te raina m'peek u tih ahimi kah awlthui lawngah ngaihangtum la nangmi te n'khueh u tite ka yaak u. Tede ahimi te kaimi kah mingpueina awm nawh.

Rom 1:28

Pathen kawng cuihna taktak te thlaanghing lawng a thinkaw khuiah khueh ham a ngaih u nawh dawngah aciimcaih nawh thinkaw lungbui khueh ham Pathen lawng a thlahphaam. Tedawngah sai koei nawh athe thaihu a sai u.

Rom 16:18

Metihtiah te ang thaihu aka sai hue te tah mami Bawipa Khrih kah bii aka bi nawh ni, amami kawngaih ni a sai u. Ahimi lawngah awlding awltheen oen koehna awl oen ah tu khaw aka ming nawh thlaang-thli te athai alatna u.

Ephesa 4:14

Te atah thlaangtloe te thawlhpalhna benla aka mawt, thlaang thailatna ham suen coplap hoem awl oen ah thlaangthaipalat thli kah cangpueina tuiphu lawng a khuen tih thlihueng lawng a yawng camoe angla te ng'awm u tlaih manawh.

1Timothy 1:19

Thlaang khatsut lawng athetheen mingna kawpoek te n'tu la sak u nawh tih amami kah a oengna te a phe u.

1Timothy 4:2

Te ang cangpueina te tah thiiling haialh oen a ung sak angla athetheen pekbona kawpoek aka duek moelh sut thlaangthaipalat hoem thui hue lawngah a puung adaw sak u.

1Timothy 6:5

he tila aka awm thli tah kawpoek soeng tlaih nawh tih awltak te aka khueh tlaih nawh thlaang poen ni. Ahimi lawngah bokna he kuirang la coenggna lawngpui la a poek u.

2Timothy 4:15

Ahih tengah te namah oen namah ngaithuen uh, metihtiah ahih lawngah mami kah awlthang te a oelh khaklal.

Titus 1:10

Metihtiah, awlpuila Judah bokna kalawng Khrihca la aka kuun thli tim ah awlhong awlhii oen thlaangtloe te a oelh ataih tih thlaang aka thailatna yahawh ngaai awm.

Titus 1:16

Amami lawngtah Pathen ka ming ti u de a saina oen a hoett u, thaihu theen khat khaw sai ham aka koeih tlaih nawh thlaang thli poen ni.

2Peter 2:14

Ahimi lawng thlaanghalhnu nawhtah atloe te bueh hamla ngaih u nawh; amami kah thawlh saina dawngah a kaw riim u nawh. Ahimi lawng oengna tha aka yoek thlaang thli te thawlhna dong dawngah a man sak. A thinkaw tah apuehngaihna oen betoet. Ahimi tah Pathen kah kawsi aka yawkk thlaang poen ni.

1Johan 2:18

Ka ca ka nau thli atue boetna yoeii poen! Khrih kah raal law ai tila na yaak u; tahe ah Khrih kah raal thli yahawh hlang thoeng poen, tedawngah atue boetna yoeii poen tila mami lawng m'ming u.

1Johan 4:1

Ka lungna ka paya thli, Muithla ka khueh tila aka thui boeih te tangna u boel, tede ahimi kah Muithla khueh te Pathen tengkah aka law tang aw tite noekdak uh. Metihtiah, tawngha rawlrap thli, yahawh hlang dilai han ah yingyo u poen.

Olphong 2:20

Tede na sawah ka kaw a lawna nawh tah he ni: amah oen amah Pathen kah celtuih la ka awm aka ti hutaa Jezebel te nang lawng na thlahphaam sut te ni. Ahih lawng a cangpueina rang oen ka thlaang thli te hutaa tawngpa thawlhna oen kutsaimuei thli thawthuengna caak awkk te caak hamla a mawt thawlh.

Olphong 2:6

Tede koeh ham pakhat tah awm: Nikolas hubang hue lawng a sai u te kai lawng ka thina van angla nangmi lawngkhaw na thina u van.