2Timothy 3:14 - Matu Chin New Testament 2006

¹⁴ Tede nang tah, na cang tangte tih acakla na oeng awltak dawngah te awm poe lah. Nang cangpueikung thli a-u tite namah lawng na ming;

Matu Bible

¹⁴ Nang tah na cang tih na ngaitang dongah te naeh lah. U taengkah na cang khaw ming lah.

2Timothy 3:14 Iomraidhean Croise

Caeltueih 17:31

Metihtiah amah lawng a tuek oepsoeh thlaang pakhat rang oen ah dilai pumpui he doengna oen awlcek hamla atue khawhin a nuen poen. Ahih lawng te thlaang te duekna kalawng a thawh sak rang oen thlaang boeih tengah asoengna te a tueng sak!” tila a thui.

Rom 14:5

Thlaang khatsut lawng atloe khawhin boeih lak ah khawhin hin at te awlpui bet la a poek, atloe pakhat lawngtah khawhin boeih he vai u tila a poek. Pakhat rip lawng a thinkaw ah a soengna te khueh seh.

Kolosa 2:2

He tila ka bi he nangmi lawng raltheenna oen na betoet u vetih lungna dawngah pakhat oen khat beroep u ham, aka soeng yaakmingna lawng a thoeng sak ngaitluep ngaimawngna aka soep te na khuehna u thai ham ka ngaih dawngah ni. He tila nangmi lawngah Pathen kah awlhuep te na ming u thai ai, te awlhuep tah Khrih amah he ni.

1Thessalonika 1:5

Metihtiah Awlthang Theen te nangmi tengla kavan khuen u vengah awl bueng nawh tih huham tharana oen Ciim Muithla khaw, awltak asoengna te asoepa kavan khuen haih poen. Nangmi tengah ka awm u vengkah kaimi kah khawsakna te na ming u poen; te tah nangmi lawng na theenna ham ni.

1Thessalonika 2:13

Kaimi lawngah Pathen tengah awmngaih ciil ka thuina kawng atloe awm hun. Kaimi lawng Pathen awl te nangmi tengla kavan khuen vengah thlaanghing kah awl angla nawh tih, Pathen kah awl angla te na hutung u tih na do u, te tah ataktang ni. Metihtiah aka oeng nangmi tengah Pathen lawng bii a bi.

1Timothy 4:16

Namah oen namah te ngaithuen lang na cang puei te khaw ngaithuen lah. He thaihu boeih he toeng ohla sai, metihtiah nang lawng na sai atah namah oen namah khaw, na awl-thui hutung thlaang thli te khaw pahih bok la na thlawn thai ai.

2Timothy 1:13

Kai lawng kan cang puei aka soeng awl te acakla phoeih lang nang lawng na vai ham oen oett ham koeila te khueh, Khrih Jesuh oen pumkhatla awmna dawngah mami kah thaihu la aka awm oengna oen lungna dawngah te acakla awm.

2Timothy 2:2

Mingpueikung Sausi boehoeng kah haiah ka thui cangpueina te na yaak poen. Thlaangtloe te patoeng aka cang puei thai van ueppangkoei thlaang tengah te thui peh.

2Timothy 3:15

Na camaw veng kalawng ah Aciim Baibal awl na ming poen tite hilh boel. Te Caciim lawngah Khrih Jesuh oengna rang oen thlawnna benla mawtkung cuihna te m'peek thai.

Titus 1:9

Oengnakungpui oen avai u la ueppang koei, awlthang te acakla aka phoeih thlaang seh. Teah ni ahih lawng aka soeng cangpueina oen tha a peek thai vetih asoeng cangpueina aka oelhtaih thli kah thawlhpalhna khaw a tueng sak thai ai.

Hebrew 10:22

Tedawngah mami lawng tuiciil oen silh la aka awm “pum” mami pum oen ah, thawlhna kalawng aka ciim athetheen mingna kawpoek lungbui oen ah, thinkaw tak oen oengcakna oen ah Pathen tengla yoeii u lah sih.

Hebrew 6:11

Nangmi lawng na ngaiuep u te ataktang la acoenggna ham nangmi lawng bawmcem ngaihna thinkaw thluembuekna te aboettoe khueh poe uh tila ka ngaih.