2Timothy 2:8 - Matu Chin New Testament 2006

⁸ Awlthang theen dawngkah ka thui angla Devid cadil duekna kalawng aka tho koep Jesuh te hilh boel.

Matu Bible

⁸ Kaimih kah olthangthen vanbangla David tiingan lamkah neh duek lamkah aka thoo Jesuh Khrih te poek,

2Timothy 2:8 Iomraidhean Croise

Mathai 1:1

He tah Jesuh Khrih kah Patuer thli thoepna ni. Ahih tah Devid cadil la awm tih Devid tah Abraham cadil la awm.

Luka 24:46

Ahimi te, “He tila a thut sut te awm: Messiah lawng patang a khang vetih a thum hin ah duekna kalawng tho koep ai,

Caeltueih 13:23

Pathen lawngah amah awlkam angla Devid cadil Jesuh te Israel thlaang thli kah Thlawnkung la a sai poen.

Caeltueih 2:24

Tede, Pathen lawngah ahih te duekna thara khui kalawng a loeih sak tih a thawh sak poen, metihtiah ahih te duekna lawngah thongtla angla tu khaklal thai nawh.

Caeltueih 2:30

Ahih tah tawngha la awm tih Pathen lawng ahih tengah awl a kam te a ming: Pathen lawng awl a kam tah Devid cadil pakhat te Devid amah angla sengpahrang la a khueh ai a ti te ni.

Rom 16:25

Pathen te thangtheen sak u sih! Awlthang Theen dawngkah angla, kai lawng ka phawng Jesuh Khrih kawng oen yan veng san broela a thuh a elh awltak awlhuep avan phawng te oen ah Pathen lawng nangmi te na oengna dawngah acakla m'pai sak thai ai.

Rom 2:16

Tedawngah Awlthang Theen ka phawng angla awlcekna Hin ah Pathen lawng Jesuh Khrih rang oen thlaanghing boeih kah ahuepla poekna thli te awl a cek ai.

1Korin 15:1

Maya manau thli, Nangmi tengah kavan phawng Awlthang Theen, nangmi lawng na do u tih oengna ah acakla na paina u te tahe ah nangmi ming sak koep ham ka ngaih.

1Korin 15:4

tecoengah a up u tih Caciim dawngah a thut angla athum hin ah tho koep;

2Thessalonika 2:14

He tila thlawnna dang ham kaimi lawng kavan thui Awlthang Theen oen ah nangmi te Pathen lawng n'khue u; mami Bawipa Jesuh Khrih kah ruep-awmna te dang ham oen paang van ham ni n'khue.

1Timothy 1:11

Te ang cangpueina te tah kai lawng ka thui ham koei la m'peek awlthang theen dawngah te awm tih, ruep-awm oen theenduet Pathen tengkah Awlthang Theen ni.

1Timothy 2:7

Tedawngah ni oengna oen awltak kawng awlthang te phawng ham oen ah Gental thlaangphun te cangpueikung celtuih la kai he n'tuih.

2Timothy 1:8

Tecoengah mami kah Bawipa kawng te thui hamla yak boel; Khrih kawngah thong aka tla kai kah kawngah khaw yak boel. Pathen lawng tharana m'peek angla te Awlthang Theen hamla khawdeng patang khang hawn.

2Timothy 2:7

Awl kavan thui he atheenla poek, metihtiah he awl he boeih yaakming thaina te Bawipa lawng m'peek ai.

Olphong 5:5

Tevengah ahaamca pakhat lawng, “Rap boel, Bueh lah! Judah phun khuikah Sathueng, Devid cadil aka lenduet lawngah taana a khueh poen tih thawhcang pasarih te a phe thai tih cayaawl te a thlam thai.” tila avan thui.