2Timothy 2:19 - Matu Chin New Testament 2006

¹⁹ Tede Pathen lawng lungdang a suem te tah cak khak tih hinghuen thai nawh, te sawah te he awl he a thut: “Bawipa lawng amah kah thlaang la aka awm te a ming” tila khaw, “Bawipa kah thlaang la ka awm a ti lawngtah athe saina te a toeng ham awm,” tila te a thut.

Matu Bible

¹⁹ Tedae Pathen kah khoengim tah khangmai la pai, Hekah kutnoek aka om dongah amah kah la aka om rhoek te Boeipa loh a ming, Te dongah Boeipa ming aka phoei boeih long tah boethae lamloh nong saeh.

2Timothy 2:19 Iomraidhean Croise

Mathai 24:24

Metihtiah Messiah rawlrap oen tawngha rawlrap thli pho u vetih a coengg thai atah Pathen kah thlaangtuek Pateng thailatna ham kawpoekrai miknoekna oen kawpoekrai thaihu a lentloe a sai u ai.

Mathai 28:19

Tedawngah dilai dawngkah thlaangphun boeih tengah cet u langtah ahimi te ka hubang la van coeng sak uh; Pa, Capa, Ciim Muithla miing ah baptisma pe uh.

Mathai 7:23

Tevengah ahimi te, “kan ming nawh, atloela cet uh, thlaangthe thli!” ka tina ai.

Mathai 7:25

Rawnu tlanthiim, tuiphu tho tih thlipui lawng im te a linglok, tede im te lungnu dawng acakla a sak tih tlim nawh.

Marku 12:16

Ahimi lawng ngun tangka pheek at avan khuen pe u tih, “A-u kah muei-ame oen miing aka awm?” tila Jesuh lawng a doet. Ahimi lawng, “Rom Sengpahrang Sangluel kah muei-ame oen a miing awm,” a tina u.

Marku 13:22

Metihtiah Messiah rawlrap thli oen tawngha rawlrap thli va thoeng ai. Ahimi lawngah a coengg thai atah Pathen thlaangtuek thli Pateng khaw thailatna ham kawpoekrai miknoekna oen kawpoek rai thaihu broela a sai ai.

Luka 13:27

Tede tila koep a thui ai, ‘Nangmi he ame kalawng na law, kan ming nawh. Nangmi thlaangthe thli; atloela cet uh’ n'tina ai.

Luka 6:48

Ahih tah tuungrawm te adungla a to tih lungnu dawngah tuung acakla aka liing im sakung oen lo u. Tuivatui te alen atah te kah im te tui lawng a liw tih a linglok, tede im te acakla a sak dawngah im tah hinghuen nawh.

Johan 10:14

Kai tah tuudoen theen ni. A Pa lawng kai he m'ming angla A Pa te kai lawngkhaw ka ming, tetih van la kai lawng ka tuu thli te ka ming tih ahimi lawngkhaw kai he m'ming u van. Kai lawngtah tuu thli ham hingna ka peek.

Johan 13:18

Nangmi boeih he ka thui ngaihna nawh ni; ka tuek te tah ka ming. Tede caciim lawng, “Kamah kah buh aka ca lawng raal la coeng poen” a tite asoep ham awm.

Johan 3:33

Tede a-u khaw ahih kah awl te aka do tah te tila a dona rang oen Pathen tah ataktang ni a thui tila a cak sak.

Caeltueih 11:26

Ahih te a huh tih Antiok la avan law puei tih ahih rawi lawng kum at puet khrihcabu kah thlaang thli oen huh u tih thlaang boehoeng mai te a cang puei. Oengca thli he lamhacuek la Antiok ah Khrihca tila a thui cuek u.

Caeltueih 15:17

Tecoengah thlaangphun boeih lawng ka tengla law u vetih kamah kah thlaang la awm hamla ka khue Gental thlaang thli khaw law u ai.

Caeltueih 9:14

Tecoengah nang aka bok thlaang boeih tuuk hamla khawsoeih ahaamca thli tengkah aana oen ni a law.” a tina.

Rom 11:2

Pathen lawng acuekca kalawng a tuek tangte a thlaang thli te hoett sut nawh. Caciim dawngkah awl, Elijah lawngah Israelca thli sawah a kaw a lawna nawh Pathen tengah a thui te nangmi lawng na ming u:

Rom 12:9

Nangmi kah lungna te thinkaw tak oen na lung u ham awm. Athe te thina uh, atheen te phoeih mangkhak uh.

Rom 15:20

Ka kamthlahna poepa tah Khrih kawng a yaakna nawh ahuen amawl ah Awlthang Theen phawng ham he ni, thlaangtloe lawngah imtuung a sut tangte sawah im sak ham nawh ni.

Rom 15:9

Gental thlaangphun lawng-khaw Pathen amah kah reenna te a thangpawmna thai ham ni. Caciim lawngah, “Tedawngah Gental thlaangphun tim ah nang te kan thangpawm ai, Nang koehna laa ka sa ai” tila a thui.

Rom 8:28

Pathen lawngtah amah aka lungna thli ham oen amah lawng a kamthlahna angla a khue thlaang thli lawng atheenna ham thaihu boeih he a sai pe tila m'ming u.

Rom 9:11

Tede capa pakhat a tuek te tah amah kah mengtengna te asoepna ham ni; tedawngah Pathen lawng Rebekka te, “Ahaamca lawng anoca kah bii a bi pe ai,” a tina. He awl he tah ahih rawi boeinau te a cuun thlan vengah a thui ni, ahih rawi lawng athe atheen n'tu khat khaw a sai hih thlan ah ni a thui; tedawngah Pathen kah tuekna he tah amah kah khuena dawngah akung asut tih ahih rawi boeinau kah saina dawngah nawh ni.

1Korin 1:2

Pathen kah thlaangciim la awm ham khue la aka awm tih Jesuh Khrih oen tuhkaina rang oen ah amah kah a koe la aka awm Kawrin khaaw kah Pathen Khrihcabu, mami oen ahimi kah Bawipa la aka awm Jesuh Khrih te a bok tih khaaw tawm ram tawm ah aka awm thlaang thli tengah khaw, naangmi tengah khaw ca kavan pat u:

1Korin 8:3

Tede Pathen aka lungna thlaang te tah Pathen lawng a ming.

2Korin 7:1

Ka lungna paya thli, he awlkam boeih he mami tengah ni a sai. Tedawngah pumtaksa khawseh, muithla khawseh, aka ciim sak nawh soeprep boeih dawng kalawng mami he ciimcaih u silang Pathen hinyahna oen aciimsuekla hing u sih.

Galati 4:9

Tede tahe atah nangmi lawng Pathen te na ming u poen, tihnawhtah he tila ka ti ai ta, Pathen lawng nangmi te m'ming u poen, tetih atah n'tu hamla tha aka awm nawh tih tula khaw aka coengg nawh muithla benla te mel koep ham na ngaih u? N'tu hamla ahimi kah saltamnaa la te awm koep ham na ngaih u?

Ephesa 2:20

Nangmi khaw celtuih thli oen tawngha thli lawng lungdang a suem tangte dawngah a sak im la te na awm u van poen tih Khrih Jesuh amah te imkil lungto la awm.

Ephesa 3:15

ahih teng kalawng dilai oen vaan ah aka awm imkhuikaw boeih lawng amami kah miing tak te a dang u.

Ephesa 4:30

Pathen kah Ciim Muithla te a kaw the sak u boel; Metihtiah Muithla te tah, nangmi te Pathen kah thlaang la na awm u tite miknoekna la awm tih Pathen lawng nangmi loeih sakna Khawhin a pha ai tina kah aamahkhan ni.

1Timothy 3:15

Tede ka law haai nawh oh atah aka hing Pathen kah khrihcabu, tuungtang la aka pai tih awltak aka hing puei, Pathen imkhuikaw ah mami lawng metila khaw n'sak ai tite he capat lawngah avan thui ai.

1Timothy 6:19

He tila te ahimi lawngah kaawntheen te amami ham a tung asep u vetih te tah hailam ben ham akung cak ai. Te tila ahimi lawng hingna te a dang thai vetih te tah hingna tangtang la awm ai.

Hebrew 11:10

Metihtiah Abraham lawng yoeyahla aka cak khawpui, Pathen lawng anuen ataak tih a sai khawpui te a lamtoen.

2Peter 3:14

Tedawngah ka paya thli, te Khawhin te na lamtoen u vengah Pathen huh ah aka ciim tih cawttbauh kap ohla awm ham yawm u lang amah oen roeproeicala awm uh.

1Johan 2:19

He thlaang thli he mami kah pawlneengna khuiah aka awm tangtang nawh ni, tedawngah mami he ahimi lawng n'ceh taak u poen; ahimi te mami pawlneengna khuikah tangtang kawinih mami tengah awm poe van ai. Tede ahimi tah khatca khaw mami pawlneengna ah aka awm tangtang nawh ni tite aciimphanna ham mami he n'ceh tak u.

Olphong 17:8

Nang lawng na huh satluung te n'cui atah hing de, tahe tah hing tlaih nawh; Ahih tah boetna aka awm nawh ungrawm khui kalawng thoeng hang vetih ngawn la awm ai. Dilai he a suen thlan veng kalawng hingna cabu khuiah miing aka thuum nawh dilai han thlaang thli lawng, n'hu vengah hing de tahe ah aka hing tlaih nawh tih aka hing koep ham koei satluung te a huh u vengah a kawpoek rai u ai.

Olphong 2:13

Ame huen ah na awm tite ka ming; Seitan lawng a bawi ngawlhcoen a khuehna huen ni. Ka sawah uep-awm la na awm dawngah kai hamla uep-awm sausi la aka awm Antipas te Seitan a awmna huen ah a ngawn u vengah pateng kai nan oengna te na hoett nawh.

Olphong 21:14

Khawpui kah vawngkulh te tah lungto paha thlaihih dawngah lungdang a suem tih Tuuca kah celtuih paha thlaihih kah miing te a thut.

Olphong 22:4

Ahimi lawngah Pathen mik-hai te a huh u vetih ahih kah miing te a tal ah a thut ai.

Olphong 3:8

Nang lawng na sai te ka ming; nang lawng tha-awm tharana yoehca ni na khueh de kai lawng kan cang puei te na vai tih uep-awm la kai ham na awm te kan ming. Na haiah thawhka pakhat kavan awng poen, te tah a-u lawngkhaw khai khoep thai manawh.