2Timothy 2:10 - Matu Chin New Testament 2006

¹⁰ Tedawngah Pathen kah thlaangtuek thli lawngtah Khrih Jesuh teng kalawng aka law thlawnna te a dang u tih dungyan ruep-awmna te a pangna u ham patang raina boeih boeih he ka ueh.

Matu Bible

¹⁰ Te dongah a coelh rhoek ham te boeih ka ueh, Te daengah ni khangnah te amih loh dungyan thangpomnah neh Khrih Jesuh ah a dang uh van eh.

2Timothy 2:10 Iomraidhean Croise

Mathai 24:22

Tede Pathen lawng te kah atue te a toi sak poen; te tila atue toi sak nawh kawinih a-u khaw deem manawh. Tede Pathen lawng a thlaang tuek hue hamla atue a toi sak ai.

Mathai 24:24

Metihtiah Messiah rawlrap oen tawngha rawlrap thli pho u vetih a coengg thai atah Pathen kah thlaangtuek Pateng thailatna ham kawpoekrai miknoekna oen kawpoekrai thaihu a lentloe a sai u ai.

Mathai 24:31

Pengsara angaihhlangla a tum vetih dilai a kil palii ah vanthlaang thli te a tuih ai, dilai a boetna kalawng khatben toe kah a thlaangtuek thli te ahimi lawng a cawi ai.

Luka 18:7

Te atah amah tengah khawyiin khawdaai paang tih bawmna aka bih thlaang thli ham ah Pathen lawng adoengla awl te cek nawh ai aw? Ahimi te bawm hamla a tat loe nawh ai aw?

Luka 22:57

Tede Piter lawng a oelh tih, “Hutaa nang, ahih te ka ming moenih” a tina.

Johan 11:52

ahimi ham bueng nawh tih khawyat ah aka darh khonghak Pathen thlaang boeih pumkhat la cawi tunna hamla khaw a thui haih ni.

Johan 17:24

“A Pa! Dilai suen thlan vengah nan lungna tih ruep-awmna nan peek, te kah ruep-awmna te nang lawng ka tengah nan peek thlaang thli lawng a huhna u ham kai ka awmna ah ahimi te awm sak ham ka ngaih.

Johan 17:9

“Ahimi hamla ka thangthui. Dilai ham ka thangthui nawh tih nang lawng nan peek thlaang thli te nang kah thlaang la a awm dawngah ahimi ham ka thangthui.

Rom 2:7

Thlaang khatsut lawng thaihu theen te a sai u tih ruep-awmna, hinyahna oen dungyan hingna te a tlap u; ahimi te Pathen lawng dungyan hingna te a peek ai.

Rom 9:23

Tecoengah amah kah aka soep ruep-awmna te tueng sak a ngaih tih amah kah reenna aka dang mami sawah a ruep-awmna te avan toi, mami he a ruep-awmna dang hamla a roek a bah tangte poen ni.

1Korin 1:21

Thlaanghing lawng amah kah cuihna oen Pathen te a ming thaina nawh ham amah lawng a cuihna oen a sai poen. Kaimi lawng ka phawng, “ngau-athuuna” a ti u awlthang he aka tangna thlaang te thlawn hamla Pathen lawng awl a khueng.

1Korin 9:22

Oengna tha aka yoek thlaang thli tengah bii ka bi vengah ahimi te lawh thaina ham ahimi tha aka yoek sut angla ka awm. Metila khaw acoengg thai khoem atah avaang athal mai khaw thoem ka thlawn ai nuem ka ti dawngah thlaang boeih tengah ahimi angla ka awm van.

2Korin 1:6

Kaimi lawng patang ka khang u atah nangmi te bawmna ham oen thlawnna ham ni; kaimi lawng bawmna ka dang atah nangmi lawngkhaw kaimi angla bawmna te na dang u van vetih kaimi kah patang khangna, te ang van te nangmi lawngkhaw kawdawna oen ah na ueh thaina ham tharana te m'peek u.

2Korin 12:15

Nangmi bawmna ham tah ka khuehtoen boeih oen ka pum he khaw awmngaihla hawna ham ka ngaih. Nangmi te kan lungduetna dawngah kai nan lungna u te phoen ai aw?

2Korin 4:15

He ang thli boeih he tah nangmi hamla ni, Pathen lungvatna lawng thlaang yahawh tengah a pha tare van angla Pathen ruep-awmna hamla ahimi lawng awmngaih ciil a thui khaw yahawh van ai.

2Korin 4:17

Tecoengah mami lawngah raina tehca kawlkalh ah n'tawngna lawngah he, he kah raina lak ah abo ngaai dungyan ruep-awmna te apueh asawmla m'peek ai.

Ephesa 3:13

Tedawngah nangmi ham patang ka khang dawngah na kaw boet sak u mai boel tila reenna kavan bih; he ang thli he nangmi kah theenna ham boeih ni.

Kolosa 1:24

Tahe ah nangmi ham patang palai ka khangna dawngah he ka awmngaih, metihtiah Khrih lawng amah kah pum la aka awm khrihcabu ham patang khang hamla aka awm hun te asoepna ham ka pumsa patang khangna oen a yueng ka theng pe.

Kolosa 1:27

Pathen kah mengtengna tah thlaang boeih hamla a khueh pe lenna oen ruep-awm tangkiik awlhuep te a thlaang boeih tengah phawng hamla ni. Te awlhuep tah nangmi khuiah aka awm Khrih te ni, thuingaihna tah Pathen kah ruep-awmna te nangmi lawng na khueh u van ai tina ni.

1Thessalonika 5:9

Pathen lawng amah kah thinsana patang khang sak hamla mami he n'tuek nawh, mami kah Bawipa Jesuh Khrih rang oen thlawnna te paang ham ni n'tuek u;

2Thessalonika 2:14

He tila thlawnna dang ham kaimi lawng kavan thui Awlthang Theen oen ah nangmi te Pathen lawng n'khue u; mami Bawipa Jesuh Khrih kah ruep-awmna te dang ham oen paang van ham ni n'khue.

2Timothy 1:1

Khrih Jesuh oen pumkhatla awmna rang oen awl avan kam hingna mami lawng n'khueh te phawng hamla tuih la aka awm, Pathen kah kawngaihna oen Khrih Jesuh kah celtuih la aka awm kai Pawl lawngah,

2Timothy 2:1

Ka capa nang tah Khrih Jesuh oen pumkhat la awmna rang oen n'dang u lungvatna dawngah acakla awm lah.

2Timothy 2:3

Khrih Jesuh kah thincak raalkap la na awm van angla khawdeng patang te khang hawn.

Titus 1:1

Pathen kah tuihyoeihthlaang oen Jesuh Khrih kah celtuih kai Pawl lawng ca kavan pat. Pathen lawng a tuek thlaang thli kah oengna cak sak ham oen mami kah bokna oen awltak cangna ah ahimi te mawt hamla tuek la ka awm tih n'tuih.

1Peter 2:10

N'hu veng atah nangmi he Pathen kah thlaang la na awm u nawh de tahe atah nangmi he amah kah thlaang la na awm u poen; anoekbuet atah Pathen kah reenna te na ming u nawh de tahe atah a reenna te na dang u poen.

1Peter 5:10

Tede nangmi lawng atue soetca ah patang na khang u kawlkalh coeng atah lungvatna boeih kah Pathen, Khrih ah pumkhat la awmna rang oen amah kah dungyan ruep-awmna te paang van hamla nangmi khuekung Pathen amah lawng nangmi te thlaangdoeng la n'khueh vetih acakla pai thaina oen tha-awm tharana te m'peek ai.