2Timothy 1:8 - Matu Chin New Testament 2006

⁸ Tecoengah mami kah Bawipa kawng te thui hamla yak boel; Khrih kawngah thong aka tla kai kah kawngah khaw yak boel. Pathen lawng tharana m'peek angla te Awlthang Theen hamla khawdeng patang khang hawn.

Matu Bible

⁸ Te dongah mamih Boeipa kah laipai ham amah kah thongtla la kai ka om khaw yak boeh. Tedae Pathen kah thaomnah tarhing ah olthangthen te patang puei.

2Timothy 1:8 Iomraidhean Croise

Marku 8:38

Thlaang pakhat lawng tihin hang kah Pathen n'tu la aka sak nawh san the vengah he kai kah cangpueina oen kai aka yahna tah, Thlaanghing Capa lawngkhaw ana Pa kah ruep-awmna oen aciim vanthlaang thli oen a law thuk vengah a yah puei van ai.

Luka 9:26

Kai he khaw seh, kan cang puei he khaw seh a-u lawngkhaw a yah puei atah Thlaanghing Capa lawng a ruep-awmna oen, ana Pa oen aciim vanthlaang thli kah ruep-awmna oen a law vengah ahih te khaw a yah puei van ai.

Johan 15:27

Nangmi khaw acuekca veng kalawng ka tengah na awm u dawngah kamah kawng he na thui u van ai.

Johan 19:35

(He tila a awm he aka hukung lawng tila a thui he tah nangmi lawngkhaw na tangna u van hamla ni. Ahih lawng atak tang a thui te amah lawng a ming.)

Caeltueih 5:41

Celtuih hue tah awlcekna Khonsil kalawng a ceh u vengah awmngaih u tangkiik, metihtiah ahimi te Jesuh kawngah yarau ming ham tueng roe la Pathen lawng a poek dawngah ni.

Rom 1:16

Awlthang Theen tah ka uepna rapsaat; aka tangna thlaang boeih thlawnna hamla Pathen kah tharana ni. Lamhacuekla Judah thlaangphun ham tih tecoengah Gental thlaangphun hamla khaw awm.

Rom 16:25

Pathen te thangtheen sak u sih! Awlthang Theen dawngkah angla, kai lawng ka phawng Jesuh Khrih kawng oen yan veng san broela a thuh a elh awltak awlhuep avan phawng te oen ah Pathen lawng nangmi te na oengna dawngah acakla m'pai sak thai ai.

Rom 8:36

Caciim lawngah, “Nangmi kawngah kaimi tah mueirihtamyiin duekna oen ah saringrupla khawyungkhun ka awm u; Ngawn ham a teeng mangkhak tuu angla kaimi he ka awm u” tila a thui angla awm tangtang.

Rom 9:33

Caciim lawngah, “Bueh lah! Zaion ah lungto pakhat ka khueh, te lungto lawng thlaang thli te a ploeng sak vetih, te lunghiim lawngah ahimi te a tlim sak ai. Tede a-u khaw ahih te a tangna atah yaraula awm tlaih manawh,” tila a thui.

1Korin 1:6

Khrih kawng awlthang te nangmi kaw khuiah acakla awm poen tih,

2Korin 6:7

awltak awlthang te phawngna oen, Pathen kah huham tharana oen ah Pathen kah tuihyoeihthlaang la ka awmna te ka tueng sak u. Kaimi lawng raal teekna ham khawseh, kamami pum thloetna ham khawseh, doengna te awva angla ka hawna u.

Ephesa 3:1

He kawngah ni Khrih Jesuh kah thongtla Kai Pawl lawng nangmi Gental thlaangphun ham Pathen tengah ka thangthui.

Ephesa 3:13

Tedawngah nangmi ham patang ka khang dawngah na kaw boet sak u mai boel tila reenna kavan bih; he ang thli he nangmi kah theenna ham boeih ni.

Ephesa 4:1

Tedawngah, Bawipa bii ka bi dawngah thongtla kai lawngah awl kan uen u: nangmi te Pathen lawng n'khue veng kah a taring van ah te adoengla khaw sa uh.

Ephesa 4:17

Tedawngah Bawipa miing oen nangmi te ngaithuenna kan peek u: nangmi lawng Pathen aka bok nawh lukih thlaang thli angla awm u tlaih boel, ahimi kah poekna tah apoei-oepla awm tih a thinkaw tah khawyiin khoep.

Philipi 1:7

Nangmi he kan thintlawhna ni! He tila nangmi tengah thinkaw ka khueh he khueh ham tueng roe ni. Metihtiah kai he nangmi lawng nan lungduetna tih tahe thong ka tlaak vengah khaw, awlthang theen te yalpawla ka pai puei tih acakna ham bii ka bi vengah khaw Pathen kah peek bii dawngah he nangmi boeih khaw na thuum u van.

Philipi 3:10

Kai lawng ka ngaih tah Khrih te ming ham oen ah amah thawhkoepna huham tharana te ming van ham amah kah patang khang te khang van ham oen ah amah angla duek van ham ni.

Philipi 4:13

Khrih kah peek huham tharana oen me ang thaihu khaw taana hamla tharana ka khueh poen.

Kolosa 1:11

Soeprep boeih te thinsan kawdaw oen na ueh thaina ham Pathen ruep-awmna huham dawng kalawng aka law tharana boeih oen n'cak sak u seh.

Kolosa 1:24

Tahe ah nangmi ham patang palai ka khangna dawngah he ka awmngaih, metihtiah Khrih lawng amah kah pum la aka awm khrihcabu ham patang khang hamla aka awm hun te asoepna ham ka pumsa patang khangna oen a yueng ka theng pe.

1Thessalonika 3:4

Nangmi tengah ka awm u vengah te mami lawng heemtekna patang n'khang ai tite kavan thui oepsoeh poen; ka thui angla thoeng khoet tangtang tite na ming u.

1Timothy 2:6

Te tah atue atang apha khuek vengah Pathen lawng thlaang boeih thlawn ham a ngaih te tueng sakna ni.

2Timothy 1:10

tede tahe tah, mami Thlawnkung Khrih Jesuh a lawna rang oen te lungvatna te avan tueng sak poen. Ahih lawng ah duekna tharana te aboet sak poen tih aka duek thai nawh hingna te awlthang theen rang oen avan tueng sak poen.

2Timothy 1:12

te dawngah ni kai lawngah he ang khawdeng patang he ka khang. Tede kai tah ka ngaai mawng, metihtiah kai lawngah a-u ka uepna tite ka ming tih ka kut dawngah avan tloeng thaihu te tah te Khawhin toe ah amah lawngah anepla avan kuem ai tite ka tangna.

2Timothy 1:16

Onisiforas lawngah boehoengla ka kaw avan hoe sak dawngah Bawipa lawng a imkhuikaw te reen hawn seh. Ahih lawngtah thong ka tlaak khaw yah puei nawh,

2Timothy 2:3

Khrih Jesuh kah thincak raalkap la na awm van angla khawdeng patang te khang hawn.

2Timothy 2:8

Awlthang theen dawngkah ka thui angla Devid cadil duekna kalawng aka tho koep Jesuh te hilh boel.

2Timothy 2:9

Metihtiah kai lawng Awlthang Theen ka phawng dawngah patang ka khang tih lumlai aka hu thlaanghuuen angla thiirui oen n'khih u. Tede Pathen kah awl tah thiirui oen khit thai nawh.

2Timothy 4:17

Tede kai lawngah awlthang asoepla ka phawng thaina ham oen ah Gental thlaang boeih lawng a yaakna ham Bawipa lawng n'awm puei tih tharana m'peek, tedawngah duekna dawng kalawng ka loeih.

2Timothy 4:5

Tede nang tah me ang akawng alam dawngah khawseh namah oen namah te kuemsuem uh, patang palai te ueh hawn, Awlthang Theen phawngkung la na awmna bii te bi langtah Pathen kah tuihyoeihthlaang la na awm van angla na bi koei boeih te sai.

1Peter 1:5

Atue boetna apha vengah tueng sak hamla a khueh oepsoeh thlawnna te oengna rang oen ah Pathen kah huham tharana lawng akhoem abeel tih nangmi ham vaan ah avan khueh ro na pang ham koei ni.

1Johan 4:14

Ana Pa lawngah a Capa te dilai thlawnkung la avan tuih te hukung oen thlaangtloe tengah thuikung tah kaimi ni.

Jude 1:24

Nangmi na tlim nawh hamla aka doen thai, nangmi thawlhna a ciing sak tih awmngaihna oen amah Bawilen ruep-awmna haiah kuun thaina pekung;

Olphong 1:2

Johan lawng a huh thaihu boeih te a thui. Pathen tengkah awlthang oen Jesuh Khrih lawng a phawng awltak tah he ni.

Olphong 1:9

Kai tah nangmi kah maya Johan ni. Jesuh kah hubang la ka awm van angla a Ram khuiah aka awm hue kah patang khangna aka ming haih na puei na paw van ni. Pathen kah awl oen awltak, Jesuh lawng a phawng te ka thui dawngah Kai he Patmos tuisanglak ah n'khueh.

Olphong 12:11

Mami kah maya manau thli lawng Tuuca kah thisen rang oen amami lawng a thui awltak oen khaw Seitan te a taa poen; ahimi lawng a hingna peek tih duek ham toe a hep u poen.

Olphong 19:10

Ahih te bok ham a khow kungah ka buekuep, tede ahih lawng, “He tila sai boel! Kai tah nang oen atloe aka oeng hue oen ah Jesuh lawng a phawng awltak aka phoeih rapsaat hue angla tuihyoeihthlaang pakhat van ni. Pathen mah bok lah!” n'tina. Jesuh lawng a phawng awltak lawng ni tawngha thli kawthawhna a peek.