2Timothy 1:3 - Matu Chin New Testament 2006

³ Patuer thli lawngah bii a bi pe angla kai lawngkhaw thinkaw ciim oen ka bi pe van Pathen tengah awmngaih awl ka thui. Yiin oen daai ka thangthuina dawngah nang te kan poek yoeyah tih awmngaih ciil ka thui.

Matu Bible

³ Pathen taengah lungvatnah ka khueh. Amah te manu napa lamloh mingcimnah neh a caih la ka bawk. Nang ham poekkoepnah te khoyin khothaih kamah kah rhenbihnah dongah puet ka khueh.

2Timothy 1:3 Iomraidhean Croise

Caeltueih 22:3

“Kai he Cilicia ram Tarsas khaaw kah Judah thlaang ni, tede, Jerusalem ah he ka roeng hang tih Gamaliel kah sengcamoe la ka awm. Kai lawng mami patuer hue kah Phungawl oen thuituen-na te ka dang tih tihin ah he kah aka awm nangmi boeih angla Pathen tengah ka tlungmu van.

Caeltueih 23:1

Pawl lawng Khonsil ah aka thuum thlaang thli te a bueh rangpatang tih, “Ka puei, Israel thlaang thli! Kai tah tahe toe ah khaw ka sakna dawngah athe atheen mingna thinkaw he Pathen haiah ciim.” a tina.

Caeltueih 24:14

Ka sai tangtang tila nang tengah ka thui tah he ni: Ahimi lawng soeng nawh a ti u, Lawngpui te ka vai tih kamami patuer hue kah Pathen te ka bok. Tede kai lawngkhaw Mosi kah Phungawl oen tawngha thli kah cabu dawng a thut boeih te ka tangna. Thlaangthe khaw, thlaang theen khaw, duekna kalawng tho koep ai tite ahimi angla kai lawngkhaw ka ngaiuep van.

Caeltueih 24:16

Tedawngah Pathen oen thlaanghing haiah athetheen mingna kawpoek ciim khueh hamla ka sai thai khui tah ka sai poepa.

Caeltueih 26:4

Kai he ka camaw veng kalawng metila ka awm ka ih ti he Judah thlaang boeih lawng a ming u. Kai he lamhacuek ah kamah ram khuiah khaw ka sak tih tecoengah Jerusalem ah ka awm te ahimi lawng a ming u.

Caeltueih 27:23

Metihtiah n'thlem yiin ah kai he a thlaang la khuehkung, kai lawng ka bok Pathen kah vanthlaang te ka tengla law tih,

Rom 9:1

Awltak tang ka thui; Khrih kah thlaang la ka awm tih hoem awl ka thui nawh. Ciim Muithla lawng a uk athe atheen ka mingna lawngkhaw hoem awl ka thui nawh te a ming.

2Korin 1:12

Kaimi lawng ka thangpawmna u tah he dilai dawng hing vengah awlpuila nangmi oen tuhkaina ah he thlaanghing kah cuihna nawh tih Pathen kah lungvatna huham tharana oen ah Pathen kah peek thinkaw ciimna oen thinkaw doengna oen ah ukna he athe atheen pekbona thinkaw oen m'ming sak he ni.

Galati 1:14

Judah bokna phung-alam vaina ben ah ka thawnpuei Judah hue lak ah ka cawh ngaai tih mami patuer thli kah awlro te khaw alawnla ka vai ngaai.

Ephesa 1:16

Pathen tengah nangmi ham awmngaih ciil thui he ka toeng nawh. Ka thangthuina dawngah nangmi te kan hilh nawh,

1Thessalonika 3:10

Nangmi te pumpakla kan huh thai tih na oengna dawngah angoena te tawm athap hamla thinkaw tang oen yiin daai ka bih poepa.

1Timothy 1:19

Thlaang khatsut lawng athetheen mingna kawpoek te n'tu la sak u nawh tih amami kah a oengna te a phe u.

1Timothy 1:5

He tila awl kan peek he mengtengna tah athetheen mingna kawpoek ciim oen oengna tangtang oen ah thinkaw ciim dawng kalawng lungna te a thoengna ham thaphawhna ni.

1Timothy 5:5

Amah bueng aka awm tih ahih te cawmcah hamla aka khueh nawh huhai tumtee lawngtah a ngaiuepna te Pathen ah kang a khueh tih yiin daai thangthui tih bawmna a bih.

2Timothy 1:5

Na nuhaam Loisi oen na nu Yunis lawng a khueh oengna tangtang te ang van te nang lawngkhaw na khueh van tila ka poek, tahe ah khaw na khueh tite ka tangna.

2Timothy 3:15

Na camaw veng kalawng ah Aciim Baibal awl na ming poen tite hilh boel. Te Caciim lawngah Khrih Jesuh oengna rang oen thlawnna benla mawtkung cuihna te m'peek thai.

Hebrew 13:8

Jesuh Khrih tah n'thlem, tihin, dungyan toe amah moepoe la awm.