2Timothy 1:14 - Matu Chin New Testament 2006

¹⁴ Mami khuiah aka hing Ciim Muithla kah tharana rang oen ah nang tengah avan tloeng thaihu theen te anepla kuem-akawl.

Matu Bible

¹⁴ A then hnokhueh te mamih ah aka hing Mueihla Cim lamloh tuem ne.

2Timothy 1:14 Iomraidhean Croise

Luka 16:11

Tecoengah dilai bawilenna koeva khoembelna dawngah uep-awm nawh atah metila bawilenna koeva tang tang te nangmi m'peek ai?

Johan 14:17

Pathen kawng awltak aka tueng sak Muithla te m'peek ai. Dilai lawng ahih te hu thai nawh, ming thai nawh vetih ahih te do manawh. Tede ahih tah nangmi tengah awm tih na khuiah a awm dawngah nangmi lawngtah na ming u.

Rom 3:2

Asoep arepla hoeikhangna awm. Lamhacuek ah Pathen lawng awlthang theen Judah thlaang thli a kuem sak.

Rom 8:11

Jesuh te duekna kalawng aka thawh sak Pathen Muithla te nangmi khuiah a awm atah, Khrih te duekna kalawng aka thawh sak Pathen Muithla nangmi khuiah a awm dawngah nangmi kah aka duek ham koei pum te hingna a peek van ai.

Rom 8:13

Nangmi lawng thlaanghing pumsa ngaihna angla na hing u atah na duek u ai; tede nangmi lawng thawlhna na sai thli te Muithla oen na ngawn atah na hing u ai.

Rom 8:9

Tede nangmi tah thlaanghing pumsa ngaihna ah na awm u nawh, Pathen Muithla nangmi khuiah ataktangla a awm atah Muithla kawngaih angla na awm u. A-u khaw Khrih Muithla aka khueh nawh tah Khrih amah koe la awm nawh.

1Korin 3:16

Nangmi tah Pathen tempal bok-im la na awm u tih Pathen Muithla nangmi kaw khuiah a awm te ataktang la na ming u!

1Korin 6:19

Nangmi kah pum te tah namami kaw khuiah aka awm Pathen kah peek Ciim Muithla a awmna tempal bok-im ni tite na ming u nawh aw? Nangmi tah namami kah koe la na awm u nawh tih Pathen kah koe la ni na awm u;

1Korin 9:17

Kamah lawngah bii he ka tuek tih ka bi kawinih aphu dang hamla ka ngaiuep suide; he bii he bi hamla Pathen lawng m'peek dawngah ka bi ham koei roe la ka bi.

2Korin 5:16

Tedawngah tahe atah kaimi lawng a-u khat khaw thlaanghing siing oen ah alan atang ka thlit u tlaih nawh. N'hu veng atah Khrih he khaw thlaanghing siing angla alan atang ka thlit u de tahe atah te tila ka sai u tlaih nawh.

Galati 2:7

Poekna atheen peek ohla Piter te Judah thlaangphun tengah awlthang theen phawng ham bii a peek van angla te Gental thlaangphun tengah kai lawng awlthang theen phawng hamla Pathen lawng bii m'peek te a huh u dai.

Ephesa 2:22

Amah oen pumkhatla awmna rang oen ah nangmi khaw thlaangtloe hue boeih oen a sak haih Pathen lawng amah Muithla oen a awmna im la na coengg u poen.

Ephesa 5:18

Yuu te ruui u boel, yuu tah nangmi te aka rawk sak khoeng ni, te lak atah Muithla oen betoet u lah.

Kolosa 4:11

Jastas aka miingna Joshua lawngkhaw nangmi te n'toei u. He kah thlaang pathum hue he Judah thlaang, thinkaw a thaw u tih Pathen ram ham kai oen bii aka bi haih thlaang la awm u tih ahimi lawng kai he yahawh hlang n'bawm u.

1Thessalonika 5:19

Ciim Muithla te kanghalh u boel;

1Timothy 1:11

Te ang cangpueina te tah kai lawng ka thui ham koei la m'peek awlthang theen dawngah te awm tih, ruep-awm oen theenduet Pathen tengkah Awlthang Theen ni.

1Timothy 6:20

Timote, nang lawng khoem abeel ham na kut dawngah avan tloeng boeih te atheenla kuem. Pathen hinyahna aka awm nawh awlthuina oen ngau-athuu awlpuungna, thlaang khatsut lawng asoeng nawh la, “Cuihna” a ti u te reel-aram hawn.

2Timothy 1:12

te dawngah ni kai lawngah he ang khawdeng patang he ka khang. Tede kai tah ka ngaai mawng, metihtiah kai lawngah a-u ka uepna tite ka ming tih ka kut dawngah avan tloeng thaihu te tah te Khawhin toe ah amah lawngah anepla avan kuem ai tite ka tangna.

2Timothy 2:2

Mingpueikung Sausi boehoeng kah haiah ka thui cangpueina te na yaak poen. Thlaangtloe te patoeng aka cang puei thai van ueppangkoei thlaang tengah te thui peh.

1Peter 1:22

Tahe ah nangmi lawng awltak te na vaina rang oen nangmi tah na ciim u poen tih oengca na puei na paw thli te lungna taktak oen na lungna u poen, tedawngah nangmi khat oen khat thinkaw tak oen lung u tare lah.