2Peter 3:7 - Matu Chin New Testament 2006

⁷ Tede tahe ah aka awm vaan oen dilai he hai oen phe hamla Pathen lawng a awl oen a thlung hun ni. Pathen tula aka sak nawh thlaang thli awlcek tih phena khawhin veng ham te thli te a thlung hun.

Matu Bible

⁷ Tedae vaan neh diklai tah ol neh amah la a tung hmai dongkah la om coeng. Baltalh hlang rhoek kah laitloeknah neh pocinah khohnin ham khaw a tuem pah coeng.

2Peter 3:7 Iomraidhean Croise

Mathai 10:15

Atak tang kavan thui u, “Awlcekna khawhin ah te khaaw kah thlaang thli lak ah Sodom oen Gomorrah khaaw kah thlaang thli te Pathen lawng a reen ngaai ai,” a tina.

Mathai 11:22

Atak tang kavan thui u; Awlcekna Hin ah Pathen lawng nangmi lak ah Taiar oen Sidon khaaw kah thlaang hue te a reen bet ai.

Mathai 11:24

Atheenla ming uh! Awlcekna Hin ah Pathen lawng nang lak ah Sidon khaaw te a reen bet ai!” a tina.

Mathai 12:36

Atak tang kavan thui u; “Awlcekna Hin atah thlaang boeih lawng awlpoei a thuina dawngah awlcekna a yawkk ai.

Mathai 24:35

Vaan oen dilai tah khum boeih ai, tede ka awl tah meveng khaw khum manawh.

Mathai 25:41

“Tecoengah Sengpahrang lawng a banvoei benkah aka awm hue tengah ‘Nangmi Pathen lawng a kawsina’ thlaang thli ka teng kalawng atloela cet uh. Seitan oen a hubang hue ham aroek abah pe sut dungyan haialh khuila cet uh.

Marku 6:11

Na phana khaaw pakhat ah pahna im m'pe u nawh tih na awlthui khaw a hutung u nawh atah na khow dawngkah laidiik te khoek pe uh. Te tah ahimi hamla ngaithuen peekna la awm ai,” a tina.

Johan 12:48

A-u khaw ka awl he aka do nawh tih kai aka hoett te awl aka cek hamla thlaang awm. Aboetna khawhin vengah ka awl thui lawngah awl a cek ai.

Rom 2:5

Tede nangmi tah na thin thah u tih thawlh na yut u nawh: tedawngah Pathen kah thinsana oen aka doeng awlcekna Khawhin a pha vengah namami kah dantatna abo tare ham ni na sai khoeng u.

1Korin 3:13

Ahimi pakhat rip kah biibi thoemthaina te tah Khrih Khawhin ah tueng peng vetih n'huh ai. Metihtiah te Khawhin atah thlaang boeih kah biibi te hai oen ah a tueng sak ai; hai oen ah a noek adak vetih thoemthaina taktak te tueng ai.

Philipi 1:28

Nangmi lawng na raal te rih u boel; na thin cak sak uh, te lawngah te ahimi a sung sak vetih nangmi lawng na taa u te a ming sak ai, metihtiah nangmi taana te pekung tah Pathen ni.

2Thessalonika 2:3

Nangmi te a-u lawngkhaw n'thaina u boel seh. Metihtiah aboetna koek Raal kahna apha thlantoe, hell ah aka tla ham Thlaang The Pui te avan pha thlan khui tah te Khawhin te van pha manawh.

1Timothy 6:9

Tede kuirang la coengg ham aka ngaih thli tah suek-halhna khuiah tla u, ngau-athuuna soeprep oen rih awm hue-ngaihna dong dawngah man u tih te lawngah ahimi te sungna oen rawkna benla te a ceh puei.

Hebrew 12:29

metihtiah mami kah Pathen tah thlaang aka phe thai tangtang hai ni.

2Peter 2:9

Tedawngah Bawipa lawngtah amah aka ming thlaang thli te ahimi kah patang khangna kalawng loeih sak ham khaw, thlaangthe thli te Awlcekna Khawhin ah metila dan tat ham ti khaw a ming,

2Peter 3:10

Tecakhaw Bawipa Khawhin tah thlaanghuuen angla law ai. Te Khawhin atah vaan lawng vupaang awl oen auh ai, vaan khawhi kah aka awm boeih khaw ung vetih a phe boeih ai, dilai oen dilai dawng aka awm boeih te kawlkalh ah auh poen ai.

2Peter 3:12

Vaan te ung tih phe la a awmna oen vaan khawhi te a lingsona oen atui la atleena khawhin Pathen Khawhin te ayuela law ai tila nangmi lawng na lamtoen u vengah he te tila awm hamla na yawm u ham awm.

1Johan 4:17

Awlcekna Khawhin ah mami lawng raltheenna khueh thaina hamla lungna tah mami dawngah avan soep sak poen; he dilai ah mami hingna tah Jesuh kah hingna oen avai u dawngah te raltheenna te ng'khueh ai.

Jude 1:7

Sodom oen Gomorrah oen ah a tengvaai kah khawpui thli, te kah aka awm thlaang thli lawngkhaw vanthlaang thli angla thawlh u tih hutaa tawngpa thawlhna, asoeng nawh hutaa puei oen, tawngpa puei oen ah a thawlh u te poek uh: Ahimi kah dungyan hai dantat patang khang te thlaang boeih ham ngaithuenna la awm.

Olphong 17:11

N'hu vengah hing tih tahe aka hing tlaih nawh satluung tah apareetna sengpahrang la awm. Sengpahrang pasarih khuiah thuum van tih ahih tah duek hamla te va thoeng.

Olphong 17:8

Nang lawng na huh satluung te n'cui atah hing de, tahe tah hing tlaih nawh; Ahih tah boetna aka awm nawh ungrawm khui kalawng thoeng hang vetih ngawn la awm ai. Dilai he a suen thlan veng kalawng hingna cabu khuiah miing aka thuum nawh dilai han thlaang thli lawng, n'hu vengah hing de tahe ah aka hing tlaih nawh tih aka hing koep ham koei satluung te a huh u vengah a kawpoek rai u ai.

Olphong 20:11

Tecoengah bawingawlhcoen abawk bohlang oen te kah bawi-ngawlhcoen dawngah aka ngawl thlaang te ka huh. Dilai oen vaan tah ahih teng kalawng aloela thoeih nawng tih khum boeih poen.

Olphong 21:1

Tecoengah vaan thaai oen dilai thaai ka huh, lamhacuek kah vaan oen dilai tah khum poen tih tuitunlii khaw awm tlaih nawh.