2Peter 3:2 - Matu Chin New Testament 2006

² Yan vengkah tawngha thlaangciim thli lawng a thui awl te oen nangmi kah celtuih hue teng kalawng nangmi teng peek la aka awm Bawipa oen thlawnkung tengkah awlpeek te na ming khuep u ham ka ngaih.

Matu Bible

² Tonghma cim rhoek lamkah olka neh khangkung Boeipa kah olpaek te nangmih kah caeltueih rhoek loh a thui te poek.

2Peter 3:2 Iomraidhean Croise

Luka 1:70

Ahih lawng suenyan veng kalawng amah kah aciim tawngha thli oen awl a kam poen,

Luka 24:27

Tecoengah Jesuh lawng Mosi kah cabu dawng kalawng a tong tih tawngha boeih kah cathut toe ah Caciim boeih dawngah amah kah kawng alam a thut te a hih rawi tengah a thuicaih pe.

Luka 24:44

Tecoengah ahimi tengah, “Mosi kah Phungawl khuiah khaw, tawngha thli kah ca thut dawngah khaw, Saam laabu dawngah kai kah kawng alam a thut boeih te asoep ham awm tila nangmi teng ka awm vengah kavan thui u te he kah thaihu thli he ni.” tila a thui pe.

Caeltueih 10:43

A-u khaw ahih te aka tangna boeih tah a miing huham tharana oen ah a thawlhna te khawdawp a ngaai pe ai tila tawngha boeih lawng ahih kawng te a thui u.” a tina.

Caeltueih 28:23

Tedawngah ahimi lawng Pawl oen khawhin a tuntah u tih thlaang broe te tuntahna khawhin ah Pawl a pahna im la te cet u. Mincang kalawng thlemben toe Pathen ram kawng awlthang te a thui pe, tecoengah tawngha thli kah cathut oen Mosi Phungawl khuikah te athoel alaang pe tih Jesuh kawng te ahimi lawng a yaakming na ham a thui pe.

Caeltueih 3:18

Yan vengah Pathen lawng tawngha boeih tengah, amah kah Messiah lawngah patang a khang ai tila a thui oepsoeh te amah lawng te tila asoep sak.

Caeltueih 3:21

Yan vengkah aciim tawngha thli hawna oen Pathen lawng a thui poen angla soeprep boeih he athaaila saina atue te a pha thlantoe ahih te vaan ah awm hun ai.

Galati 6:2

Pakhat oen pakhat thalrih phueih te talawng takai u langtah, te tila te Khrih kah phungawl te vai uh.

Ephesa 2:20

Nangmi khaw celtuih thli oen tawngha thli lawng lungdang a suem tangte dawngah a sak im la te na awm u van poen tih Khrih Jesuh amah te imkil lungto la awm.

Ephesa 3:5

Yan veng atah he awlhuep he thlaang thli te ming sak nawh, tede tahe tah Pathen lawng amah Muithla oen amah kah aciim celtuih thli oen tawngha thli tengah a tueng sak poen.

1Timothy 6:14

Mami Bawipa Jesuh Khrih kah Khawhin te a pha thlantoe awl kan peek he atheenla vai.

2Peter 2:21

Doengna lawngpui te ming coengah ahimi a peek u aciim awlpeek te mel taak koep lak atah doengna lawngpui te ming nawh ngala kawinih ahimi ham theen ngaai sui de.

2Peter 3:15

Mami lawng n'lungna maya Pawl lawng, Pathen kah peek cuihna te hawna oen nangmi tengah ca avan pat angla Bawipa lawng mami sawah kawdawna a khueh he tah mami he thlawn ham a ngaih dawngah atue atang avan soeng ni tila poek uh.

2Peter 3:16

He kawng he a thut roekk ah a capat boeih boeih dawngah te he ni a thui. Ahih kah capat dawngah akawng alam khatsut tah yaakming ham rai tih cuihhoena aka khueh nawh oen kawthlawp thlaang thli lawngtah, Caciim dawngkah awl te atloetloe la a thui u angla te asoeng akam nawh la a thuicaih u. Tedawngah ahimi lawngah amami kah rawkna te a thoeng sak u.

1Johan 4:6

Tede mami tah Pathen thlaang ni. A-u khaw Pathen aka ming lawngtah kaimi awl he a hutung u, a-u khaw Pathen thlaang la aka awm nawh lawngtah kaimi awl he hutung u nawh. He tila he awltak Muithla oen thawlhpalhna muithla laklaw kah alakloena te mami lawng n'thui thai u.

Jude 1:17

Tede, Ka paya thli, mami Bawipa Jesuh Khrih kah celtuih thli lawng n'hu vengah nangmi tengah avan thui u te hilh u boel.

Olphong 19:10

Ahih te bok ham a khow kungah ka buekuep, tede ahih lawng, “He tila sai boel! Kai tah nang oen atloe aka oeng hue oen ah Jesuh lawng a phawng awltak aka phoeih rapsaat hue angla tuihyoeihthlaang pakhat van ni. Pathen mah bok lah!” n'tina. Jesuh lawng a phawng awltak lawng ni tawngha thli kawthawhna a peek.