2Peter 3:15 - Matu Chin New Testament 2006

¹⁵ Mami lawng n'lungna maya Pawl lawng, Pathen kah peek cuihna te hawna oen nangmi tengah ca avan pat angla Bawipa lawng mami sawah kawdawna a khueh he tah mami he thlawn ham a ngaih dawngah atue atang avan soeng ni tila poek uh.

Matu Bible

¹⁵ Te dongah mamih boeipa kah thinsennah, khangnah te poek uh. Mamih kah manuca thintlo Paul long khaw a taengah a paek cueihnah tarhingah nangmih ham a daek coeng.

2Peter 3:15 Iomraidhean Croise

Luka 21:15

metihtiah na raal thli a-u khatca lawngkhaw oelhtaih thai nawh tih taa thai nawh hamla nangmi lawng na thui ham koei awl oen cuihna te kan peek ai.

Caeltueih 15:25

Tedawngah kaimi tun ka huh u tih laipai tuek u silang tah mami lawng n'lungna Barnabas oen Pawl oen ah nangmi tengla tuih haih sih tila boeih ka kaw vai u.

Caeltueih 7:10

patang raina boeih dawng kalawng ahih te a ding apuekla a loeih sak. Iyipt sengpahrang tengah Josep a pha vengah Pathen lawng mik-hai thlampaanna oen cuihna te a peek, tedawngah sengpahrang lawng Josep te ram ukkung oen sengpahrang im khui ukkung la a khueh.

Caeltueih 9:17

Tedawngah Ananias lawng cet tih Sawl a awmna im khuila te kuun tih a sawah kut a tloeng pe. Ahih lawng, “Ka manau Sawl, he la na law vengah lawngpueng ah te namah tengah aka phumpho Bawipa Jesuh amah lawng kai he n'tuih. Na mik te a tueng koep na ham Ciim Muithla oen na betoet na hamla ni kai he n'tuih.” a tina.

Rom 2:4

Tihnawhtah Pathen kah alentloe reenna, khawdawp ngaaina, kawdawna thli te tula khaw na sak u nawh aw? Pathen kah lungvatna te thawlh yutna ham lawngpui nuehkung ni tite ataktangla na ming u.

1Korin 12:8

Muithla lawng thlaang pakhat te cuihna oen aka betoet awlthang te a peek tih thlaang pakhat te tah mingna oen abetoet awlthang te Muithla lawng a peek.

1Korin 2:13

Tedawngah Muithla aka khueh thlaang thli tengah muithla ben awltak ka thuicaih u vengah he thlaanghing cangpueina awl oen te thui thai la awm nawh tih Muithla kah cangpueina awl oen ni ka thui.

1Korin 3:10

Pathen kah peek kutdo te ka hawna tih im sak aka thoem tangkiik angla bii ka bi tih lungdang ka suem, te sawah te thlaangtloe lawng im a sak. Tede metila ka sak u tite a-u khaw ngaithuen rip u seh.

Ephesa 3:3

Pathen lawng ahuep ahella khawkhanna a sai te a tueng sak tih kai he m'ming sak poen. (He kawng he atoila ka thut poen tih,

1Timothy 1:16

tede Pathen lawng kai he n'reen tih thlaangthawlh boeih lak ah kai aka the khuet sawah kawdawna a khueh he tah hailam ben ah amah aka oeng tih dungyan hingna aka dang ham koei thlaang boeih kah miknoekna ham ni.

James 1:5

Tede nangmi tim ah cuihna aka voet te a awm atah Pathen tengah thangthui seh, Pathen lawng ahih te a peek ai, metihtiah Pathen lawngtah thlaang boeih te moeihoeihna oen reenna oen ah a peek.

James 3:17

Tede saw benkah cuihna tah atloe boeih lak ah ciim, te tah ngaimawngna, boe-ngaaina oen beroepna la awm, te tah reenna oen betoet tih atheen saina athaih theen te a thaih sak; te lawngtah thlaang pekthlena khueh nawh tih thlaang theen la khaw sa u nawh.

1Peter 3:20

He muithla thli tah Noah lawng tuisangphaw a sai vengah Pathen lawng thinsan kawdaw oen a ring khiing de awl aka ngaai tlaih nawh hue te ni. Tuisangphaw khuila aka kuun thlaang a yawlca, apum boeih la pareet hue te tui dawngkah a thlawn,

2Peter 3:2

Yan vengkah tawngha thlaangciim thli lawng a thui awl te oen nangmi kah celtuih hue teng kalawng nangmi teng peek la aka awm Bawipa oen thlawnkung tengkah awlpeek te na ming khuep u ham ka ngaih.

2Peter 3:9

Thlaang khatsut lawng a poek angla Bawipa he amah awlkamna soep sak ham a tat a hiing aih moenih, Nangmi te amah lawng n'reen u dawngah ni. Metihtiah ahih lawngtah khatca khaw phe ham ngaih nawh tih thlaang boeih lawng a thawlhna yut u seh ti he a ngaih.