2Peter 2:2 - Matu Chin New Testament 2006

² Te tila a awm u lal maiah pateng ahimi kah athe khawboe ramlang te thlaang yahawh lawng a oett u vetih ahimi lawng athe a sai u dawngah awltak lawngpui te thlaangtloe lawng athela a thui ai.

Matu Bible

² Te phoeiah amih kah omthenbawnnah te muep a vai uh ni. Amih kongah oltak longpuei te a soehsal uh ni.

2Peter 2:2 Iomraidhean Croise

Mathai 22:16

Tecoengah amami kah hubang khatsut hue oen Herod kah thlaang khatsut hue te Jesuh tengla a tuih u tih, ahimi lawng,” Saya, nang lawngtah awl doeng na thui tila ka ming u. Pathen kah kawngaihna a kawng he khaw thlaang lawng metila a poek ti khaw rih ohla na cang puei tih a-u kah mik-hai khaw na bueh nawh.

Mathai 24:24

Metihtiah Messiah rawlrap oen tawngha rawlrap thli pho u vetih a coengg thai atah Pathen kah thlaangtuek Pateng thailatna ham kawpoekrai miknoekna oen kawpoekrai thaihu a lentloe a sai u ai.

Mathai 7:14

Tede hingna thawhka tah ceek tih a cehna lawngpui khaw rai tangkiik tih thlaang ayawlca bueng lawng a huh.

Marku 12:14

A tengla te law u tih, “Saya, nang tah awltak na thui yoeyah, thlaang kah poekna khaw n'tu la na ngaai nawh. Nang lawngtah thlaang mik-hai khaw na dan nawh tih Pathen kawngaih awltak te thlaang na cang puei tite ka ming u. Rom Sengpahrang Sangluel tengah mangmu peek he mami kah Phungawl oen kalh u kai aw? Ahimi he mangmu peek ham tueng aw, peek tueng nawh aw? van thui lah,” a tina u.

Marku 13:22

Metihtiah Messiah rawlrap thli oen tawngha rawlrap thli va thoeng ai. Ahimi lawngah a coengg thai atah Pathen thlaangtuek thli Pateng khaw thailatna ham kawpoekrai miknoekna oen kawpoek rai thaihu broela a sai ai.

Johan 14:6

Jesuh lawng awl a thung pe tih, “Kai tah lawngpui oen awltak oen ah hingna la ka awm. Kai rang nawh atah a-u khaw Pa tengla cet thai manawh.

Caeltueih 13:10

“Nang, Raaibawi capa! Nang tah doengna boeih boeih kah thunkha la na awm. Nang he thailatna soeprep oen na betoet tih Bawipa kah awltak he hoem awl la thawvel ham na yawm poepa!

Caeltueih 14:2

Tede aka tangna nawh Judah thlaang thli lawng Gental thlaang thli te a ceemtuh u tih oengca thli te a oelh a taih sak u.

Caeltueih 16:17

Ahih te kaimi oen Pawl hu ah law tih, “He kah thlaang thli he tah Tloeng Khoelh Pathen kah tuihyoeihthlaang thli ni! Nangmi lawngah thlawnna te metila na dang u thai ai tite ahimi lawng avan thui ai!” tila paang.

Caeltueih 18:26

Sinakok bok-im ah raltheenla awl a thui. Priscilla oen Akuila lawng ahih awlthui te a yaak hih vengah ahih te im la a ceh puei tih Bawipa kah Lawngpui te asoeng tare la a thuicaih pe hih.

Caeltueih 19:9

Tede khatsut tah amangkhak thlaang la a awm u dawngah tangna u nawh tih thlaang rangpui haiah Pathen kah Lawngpui along a-im te athela a thui u. Tedawngah ahimi te a ceh taak tih oengca thli te a ceh puei, hin roekk ah Tirannas cacangna im ah awl a thui pe.

Caeltueih 22:4

Kai lawngah he kah lawngpui aka vai thlaang thli te ka heem ka tek tih ka ngawn. Kai lawng hutaa khaw tawngpa khaw ka tuuk tih thong ah ka thlaak.

Caeltueih 24:14

Ka sai tangtang tila nang tengah ka thui tah he ni: Ahimi lawng soeng nawh a ti u, Lawngpui te ka vai tih kamami patuer hue kah Pathen te ka bok. Tede kai lawngkhaw Mosi kah Phungawl oen tawngha thli kah cabu dawng a thut boeih te ka tangna. Thlaangthe khaw, thlaang theen khaw, duekna kalawng tho koep ai tite ahimi angla kai lawngkhaw ka ngaiuep van.

Rom 2:24

Caciim lawngah, “Nangmi Judah thlaang thli kawng dawngah Gental thlaang lawng Pathen te thaang athe sak,” tila a thut.

1Timothy 5:14

Tedawngah mami aka raalna thlaang thli lawng mami kawng he athela thuina tue khaw a dang nawh ham kumno huhai tumtee hue lawng vaa a sak tih ca-anau khueh ham, amami kah imkhuikaw te a cawm acah u ham ka ngaih.

Titus 2:5

amah oen amah kuemsuem u ham oen aciim acaihla awm ham, a vaa thli kah awl aka ngaai, imkhuikaw khuutcemkung thai hutaa theen thli la a awm u thai ham thuituen. Teahtah Pathen tengkah aka law awlthang te a-u lawngkhaw athela thui manawh.

Titus 2:8

Oelhtaih thai nawh aka soeng awl te hawna lah, te tih atah mami kawng he athela thui ham khat khaw khueh nawh vetih na raal thli te yah-laat la awm ai.

1Peter 2:12

Nangmi kah khawboe ramlang he Pathen aka ming nawh thlaang thli tim ah atheen soeh ham awm, ahimi lawng nangmi te athe saikung la m'peel mai cakhaw nangmi kah moeiboe theen te a huh u vetih Pathen a lawna Khawhin ah amah te a thangpawm u badai.

2Peter 2:12

Tede, he thlaang thli lawngtah, tuuk tih ngawn doek ham aka thang ramsa sann angla poekna mailai oen thaihu a sai u; ahimi lawng a ming u nawh thaihu khat mai dawngah khaw tapvoep awlkha a thui u. Ahimi tah ramsa sann angla ngawn la awm ai.

2Peter 2:15

Ahimi lawng lawngdoeng te a ceh taak u tih lawngpui a hang u poen; ahimi lawngah Beor Capa Balaam lawngpui te a vai u, Ahih tah athe saina oen tangka huh ham a ngaih tih,

2Peter 2:18

Ahimi lawng oekthloenna oen awlpoei awlpit te a thui u tih, thawlhpalhna aka ceh taak pek thlaang thli te tuukna ham asoeng nawh pumsa hue-ngaihna te a hawna.

2Peter 2:21

Doengna lawngpui te ming coengah ahimi a peek u aciim awlpeek te mel taak koep lak atah doengna lawngpui te ming nawh ngala kawinih ahimi ham theen ngaai sui de.

2Peter 2:7

Khawboe ramlang the tih phung aka khueh nawh thlaang thli lawngah a thekhana thlaangdoeng Lot te tah a loeih sak.

Jude 1:10

Tede he kah thlaang thli lawngtah amami kah yaakming nawh pakhat khat te the a phoei thil u; ramsa angla amami kah thang puei cuihna oen a ming u thaihu thli lawngah ahimi te a phe u poen.

Jude 1:15

“Thlaang boeih te awlcek hamla, Pathen tula ka sak nawh thlaangthawlh boeih oen Pathen tula sak ohla a sai thawlhna boeih oen ah Pathen te tula sak ohla saringrup awl oen asal aphaamna boeih sawah dantat hamla Bawipa tah amah kah aciim vanthlaang toeklek toekna yahawh oen law ai” tila ti.

Jude 1:4

Metihtiah Pathen n'tu la aka sak nawh thlaang khatsut ming mai muehla mami tim ah ahuepla va kuun u tih amami kah cuk-halhna te thlipdahna ham Pathen kah lungvatna kawng awlthang te akhuppalet la a thui u tih mami kah pakhat bueng bawimanghai oen Bawipa la aka awm Jesuh Khrih te a hoett u. He ang thlaang thli tah dan a tat ai tila caciim lawngah aruem veng kalawng a thui oepsoeh poen.

Jude 1:7

Sodom oen Gomorrah oen ah a tengvaai kah khawpui thli, te kah aka awm thlaang thli lawngkhaw vanthlaang thli angla thawlh u tih hutaa tawngpa thawlhna, asoeng nawh hutaa puei oen, tawngpa puei oen ah a thawlh u te poek uh: Ahimi kah dungyan hai dantat patang khang te thlaang boeih ham ngaithuenna la awm.

Olphong 12:9

Dilai pum thailatnakung Seitan, tihnawhtah Raaibawi aka miingna suenyan kah ruultluung bohlang te a vanthlaang thli oen dilai la avan thlaak haih.

Olphong 13:14

Ahih lawngah lamhacuek kah satluung haiah sai sak ham a peek kawpoekraina te a saina rang oen dilai han thlaang boeih te athai alatna. Samsen oen tloek la awm tih boengha a caak de aka hing lamhacuek satluung te hinyah peekna la ahih kah kutsaimuei pakhat dilai thlaang thli te a sai sak.

Olphong 13:8

Dilai a suen thlan ah miing thut la aka awm tih ngawn la aka awm tuuca kah hingna cabu khuiah a miing aka thuum nawh dilai thlaang boeih lawngah satluung te a bok u ai.