2Peter 1:9 - Matu Chin New Testament 2006

⁹ Tede a-u khaw te thaihu aka khueh nawh tah a huhna aka toica tangkiik mikpum thlaang ni; ahih lawngah aruem kah thawlhna boeih kalawng n'ciim sak tite a hilh ni.

Matu Bible

⁹ He rhoek neh aka om pawt te tah mikdael la om tih a hmuh toi. A tholh daengrhae vaengkah cimcaihnah te hnilhnah a khueh.

2Peter 1:9 Iomraidhean Croise

Marku 10:21

Jesuh lawng ahih te a lungna tih a bueh rangpatang, “Thaihu khat bueng ni na voet. Cet langtah na khuehtoen boeih te yooei lang tangka te khawdeng harah thli van peh, te atah vaan ram ah ro thaihu na khueh ai, tecoengah law langtah ka hu ah va baang,” a tina.

Luka 18:22

Jesuh lawng he awl he a yaak vengah ahih nala te, “Nang lawng na sai ham pakhat a ngoe toengtoeng hun. Na khueh boeih te yooei langtah tangka te khawdeng thli te peh, te atah nang lawng vaan ram ah koeva thaihu na dang ai; tecoengah law langtah ka hu ah bang lah.” a tina.

Rom 6:11

Tetih van angla nangmi lawngkhaw thawlhna ah thlaang duek la ka awm u tih Khrih Jesuh rang oen ah Pathen oen pawlneengna khuiah ka hing u poen tila poek uh.

Galati 5:13

Maya manau thli, nangmi te loeih sak hamla ni n'khue u. Tede, te loeihna te namami kah pumsa hue-ngaihna a dipna ham hawna u boel. Te lak atah lungna oen ah nangmi khat oen khat bawmcem uh.

Galati 5:6

Khrih Jesuh oen mami pumkhatla ng'awm u atah yahhuivuen reet khaw, reet nawh khaw athloeina awm nawh; awlpui tah lungna oen bii aka bi oengna te ni.

Ephesa 5:26

Ahih lawngah he tila a sai, khrihcabu te tui oen aciimla a silh coengah a awl oen Pathen tengah a peek.

Titus 2:14

Mami he athe-arana boeih dawng kalawng thlawn ham oen mami he thlaang ciim la sai tih amah bueng kah koe la awm ham oen ah theenna te thinkaw thluembuek oen aka sai ham, amah kah hingna roe te mami hamla a peek.

Hebrew 9:14

He tila ciimna te a awm tangtang atah, Khrih thisen lawngtah metihtlukla he lak ah aciim acaih sak ngaai ai! Dungyan Muithla rang oen ah aka soep luciik la amah oen amah te Pathen tengah nawn u poen. Aka hing Pathen kah bii te mami lawng bi thaina ham hoeikhangna aka awm nawh phung-alam vaina rang oen ciim acaih nawh athe atheen mingna thinkaw te a thisen oen a ciim sak ai.

1Peter 3:21

te tah tahe ah nangmi kah thlawnna baptisma miknoekna te a thuinuetna ni. He baptisma he tah pum dawngkah ciimcaih nawh te silhna nawh tih athe atheen pekbona kawpoek theen oen Pathen tengah awlkam saina ni. Jesuh Khrih thawhkoepna rang oen ah nangmi tah te baptisma oen n'thlawn u.

1Johan 1:7

Tede ahih tah aangna la a awm angla mami lawng aangna ah ng'awm u atah pakhat oen pakhat pawlneengna mami lawng n'khueh u tih a Capa Jesuh thisen oen soeprep thawlhna kalawng mami n'silh poen.

Olphong 3:17

Nang lawngah, “Kai tah ka bawi ka len tih ka voetna awm nawh; ka ngoe boeih te ka khueh’, na ti. Tede nang tah metihtlukla na khawdeng tih reen kap la na awm te na ming nawh! Nang tah na khawdeng, atliing ayaal la na awm tih na mik pum de lah koen.