2Peter 1:8 - Matu Chin New Testament 2006

⁸ He thli he nangmi lawng na ngoe thaihu ni, he ang he yahawh ngaai na khueh u atah mami kah Bawipa Jesuh Khrih na mingna dawngah tha avan thlue sak vetih theenna avan thoeng sak ai.

Matu Bible

⁸ He rhoek tah nangmih ah om tih a pungtai dongah mamih boeipa Jesuh Khrih kah mingnah dongah palyal pawt tih a tlongtlai n'khueh moenih.

2Peter 1:8 Iomraidhean Croise

Mathai 13:22

Thliing tim ah aka tla caangti thui-ngaihna tah Vaan ram kawng tah a yaak de dilai khawsakna dawngah lakueng tih dilai han bawilen ngaihna lawng akang ahalh khoep tih caangvui caangthaih aka thaawn nawh oen lo u.

Mathai 20:3

Mincang khawnoek pakua ah dawr la cet koep tih n'tu khaw bi ohla aka pai thlaang khatsut te a huh.

Mathai 20:6

Thlemben khawnoek pa-ngaa tawm ah ahih lawng dawr la a ceh koep vengah thlaangtloe khatsut te huen ah a pai hun te a huh. “Ahimi te n'tu ah biibi ohla khawyung khun he ah na pai u?” tila a doet.

Mathai 25:26

Tevengah a bawi lawng ‘Nang aka thekoek tuihyoeihthlaang thayong bi ngak! Caangti ka tuhna nawh huen ah ka ah tih ka hehna nawh huen ah a thaih ka yuun tite na ming tang tang aw?

Johan 15:2

Ahih lawngah, dawngah athaih aka thaih nawh a beek-athleeng thli te a haih boeih tih athaih aka thaih nawh te khaw athaih ciil te athaihna ham a beek-athleeng thli te a coei pe.

Johan 17:3

Tecoengah dungyan hingna ti he tah nang lawng na tuih Jesuh Khrih he ming tih Pathen taktak nang te ming he ni.

Johan 5:42

Tede nangmi he me ang thlaang tite kan ming u tih nangmi lawng thinkaw lungbui oen Pathen na lungna u nawh ti khaw ka ming.

Rom 12:11

Na tha rang sak uh, tha-ngak la awm u boel. Bawipa bii te na thinkaw tak oen bi uh;

1Korin 15:58

Tedawngah ka lungna maya manau thli, paihuen net lang acakla pai uh. Bawipa kah bii na bi u te metuek ah khaw apoei-oepla awm nawh tih ahong-ahii nawh ni tite na ming u dawngah Bawipa bii na bina dawngah te tokthlue poepa uh.

2Korin 13:5

Oengna dawngah na hing oen na hing nawh te mingna hamla namami oen namami te noem acai u langtah noekdak u lah. Khrih Jesuh te nangmi thinkaw ah a awm tangtang te na ming u ai! A awm nawh tangtang atah noekdakna dawngah na tlim dingri u poen ai.

2Korin 8:2

Ahimi tah patang khangna oen noekdak la awm u, tede ahimi tah awmngaih u tangkiik mai, amami ngoen khawdeng u mai de peekna ben atah a moeihoeih u tangkiik.

2Korin 8:7

Nangmi tah oengna, awlthuina, cuihhoena, thlaangtloe bawm ngaihna thinkaw, kaimi nan lungna thinkaw oen ah te na bawi u tangkiik mai. Tedawngah ni he lungna bii dawngah khaw thinkaw aka tho thlaang la na awm u van ham ka ngaih u.

2Korin 9:14

Tedawngah Pathen lawng a lungvatna te acoeih pawk la nangmi tengah avan lun poen dawngah ahimi lawng nangmi te n'thintlawhna vetih nangmi ham thangthui u poen ai.

Philipi 1:9

Nangmi lawng atheen koek te na tuek thaina ham, nangmi kah lungna lawng cuihhoena tangtang oen ah nuemnai thaina oen haih a roeng tare hamla ka thangthui.

Philipi 2:5

Khrih lawng a khueh kawpoek te nangmi lawngkhaw khueh ham awm.

Philipi 3:8

Te thaihu thli bueng nawh tih; ka Bawipa Khrih Jesuh kah cuihhoena aphu aka awm ngaai rang oen soeprep cungkuem te sungna ni tila ka poek boeih poen. Amah rang oen ah soeprep boeih te ka hoett kang poen; te ang thli boeih te tah kaw-hnot vaiking la ni ka poek mai poen, Khrih ah ka thawnna ham oen ah,

Kolosa 1:10

Tedawngah Bawipa kah ngaihna angla nangmi lawng na ming thai vetih amah kawhoena te na sai poepa u thai ai. Nangmi kah hingna lawng thaihu theen soeprep boeih a sai vetih Pathen mingna dawngah te na roeng u ai.

Kolosa 2:7

Amah khuiah na yung te adungla thlaak langtah amah dawngah na hingna te im angla sa u lang nangmi te n'cang puei u poen angla na oengna te cak sak u lah. Tecoengah awmngaih ciil thuina oen betoet uh.

Kolosa 3:16

Khrih kah awl acungkuem ah aka soep te nangmi kaw khuiah awm seh. Cuihna aka awm boeih oen nangmi khat oen khat tuukkiik u lang toelthaam uh. Saam laa, Koehna laa oen laa ciim te sa uh; Na kaw khuikah awmngaihna laa oen Pathen te koeh uh;

1Thessalonika 3:12

Nangmi khat oen khat khawseh, thlaang boeih na lungna u te khawseh kaimi lawng nangmi kan lungna abo van angla Pathen lawng van roeng sak tare seh.

1Thessalonika 4:1

Aboetna ah maya manau thli, Pathen kawhoena ham metila na hing u ham a awm tite kaimi tengah na cang u poen. Kaimi tengkah na cang u angla te na hing u hamla awm tih yahawh ngaaila na hingna tare ham Bawipa Jesuh miing oen ah kan ceel u.

2Thessalonika 1:3

Maya manau thli, nangmi hamla Pathen tengah awmngaih ciil ka thui u poepa. Te tila awmngaih ciil thui te aka soeng ni, metihtiah nangmi kah oengna tah roeng hang tangkiik tih nangmi pakhat oen khat na lung u te a roeng hang tare dawngah ni.

1Timothy 5:13

Ahimi lawngah im khat coeng im khat yingyawi paithle u tih atue atang te a poeih alak u; te lak ah athe-eep ngaai tah thlaang a thuitheet u tih thlaang alawl ala u, thui koei nawh te a thui u.

Titus 3:14

Mami kah thlaang thli te bii theen a bi tih angoe taktak dangna ham cang puei uh. Ahimi lawng poei-oepla awm mailai u boel seh.

Philemon 1:6

Ka thangthuina tah aka oeng thlaang la ng'awm u angla nang oen kaimi kah pawlneengna lawng Khrih oen pumkhatla awmna dawng mami hingna ah aka awm yotheenna cungkuem te a dung ngaai la yaakmingna khueh ham ni.

Hebrew 6:12

Thayong thlaang la na awm u ham ka ngaih nawh, tede oengna, reenna a khueh tih Pathen lawng a kam pe te aka dang thlaang thli angla ni awm sak ham ka ngaih u.

2Peter 1:2

Pathen oen mami kah Bawipa Jesuh te na mingna rang oen ah lungvatna oen ngaimawngna tah asoepla nangmi tengah awm hawn seh.

2Peter 1:3

Pathen amah kah ruep-awmna oen atheenna pang van hamla mami khuekung Jesuh Khrih mingna rang oen Pathen hinyahna oen ah hing hamla mami kah ngoe soeprep boeih te Pathen kah tharana huham oen m'peek poen.

2Peter 2:20

Thlaang he mami Bawipa oen thlawnkung Jesuh Khrih a mingna rang oen dilai tuiilehkap kalawng a loeih u coengah te dilai tuiilehna lawng a tuuk koep tih a taa atah te thlaang te lamhacuek kah lak ah ahukhueng ah the-eep ngai.

2Peter 3:18

Mami kah Bawipa Jesuh Khrih lungvatna oen mingna dawngah roeng hang uh. Amah tengah ruep-awmna tah tahe kalawng ayoeyah awm hawn seh. Amen.