2Peter 1:4 - Matu Chin New Testament 2006

⁴ Te tila amah lawng peek ham awlkam aka bo hlang tih aphu aka tlo kutdo te mami m'peek poen. He kutdo rang oen mami aka phe thai dilai pumsa ngaihna kalawng na loeih u thai vetih Pathen pumsa te na cuut u thai van ai.

Matu Bible

⁴ Te lamlong ni a phu aka tlo tih aka lenkoek olkhueh te mamih m'paek. Te daengah ni he rhoek lamloh Pathen kah a coengnah kah a pueipo, diklai hoehhamnah dongkah hmawnnah neh na loeih la na om eh.

2Peter 1:4 Iomraidhean Croise

Rom 9:4

Ahimi tah Pathen thlaangtuek ni: a ca la a khueh tih ahimi tengah a ruep-awmna te a tueng sak. Ahimi tengah awlkamna te a sai tih Phungawl thli te a peek u, ahimi lawng aka soeng bokna te a khueh u, Pathen kah awlkamna te a huh u,

2Korin 1:20

Metihtiah ahih tah Pathen awlkam boeih dawngah “Oeih” tina ni. Tedawngah Jesuh Khrih rang oen Pathen kah ruep-awmna ham mami lawng, “Amen”, tila n'thui u.

2Korin 3:18

Tedawngah mami boeih tah mik-hai aka dah khoep tlaih nawh dawngah Bawipa kah ruep-awmna te aka tueng sak thlaang poen ni; te ruep-awmna tah Muithla la aka awm Bawipa teng kalawng law tih mami he amah oen aka lo u ruep-awm tare la n'sai.

2Korin 6:17

Tedawngah Bawipa lawng, “Nangmi lawng ahimi te ceh taak u lang ahimi teng kalawng athloekla thloeng uh. Nangmi lawng aka ciim nawh te ahimi oen sai haih u boel, te atah nangmi te kan do ai.

Galati 3:16

Pathen lawng awl a kam te tah Abraham oen a cadil tengah ni awl a kam. Caciim lawngah thlaang yahawh thuingaihna awl “Cadil nauha thli” tila thui nawh, tede thlaang pakhat bueng thuingaihna awl, “Cadil nauha” tila ni a thui tih te tah Khrih ni.

Galati 6:8

Thlaanghing lawng amah pumsa ngaihna lo ah caangti te a tuh atah ahih lawng duekna te a ah van ai; Muithla lo ah caangti te a tuh atah dungyan hingna te a ah van ai.

Ephesa 4:13

Tedawngah mami boeih lawng oengna dawngah khaw, Pathen capa mingna dawngah khaw pakhatla te avan-at la ng'awm u ai; mami lawng poekna aka soep thlaang la ng'awm vetih Khrih kah asoepna tangtang asang koek te m'pha van ai.

Kolosa 3:10

He thlaang thaai hingna saikung Pathen lawng amah mueime oen aka lo u tare ham boet ohla athaai sak poepa. Te tila athai sak he tah nangmi lawng amah te atheenla na mingna ham ni.

Hebrew 12:10

Mami kah thlaanghing m'pa lawngtah amami lawngah soeng a ti angla mami te kawlkalhca ah dan m'peek u; tede Pathen lawngtah mami theenna ham oen amah kah ciimna te mami lawng dang van hamla ni dan m'peek.

Hebrew 9:15

Tedawngah Pathen kah a thlaangkhue thli lawngah dungyan yotheen kam-awmna Pathen lawng awl akam sut te a dangna ham Khrih lawngah paipi athaai te a sai. Te tila a dang he tah, ahimi lawng lamhacuek paipi khuiah a awm u vengkah a sai thawlhna boeih kalawng thlaangping te a duekna oen a loeih sak dawngah ni.

James 1:27

Pa Pathen lawngah aciim acaih bokna oen bokna tangtang la a poek tah, khawdeng lungma aka khang cadah harah thli oen huhai tumtee thli cawm acahna oen ah he dilai thawlhna tuiilehkap dawng kalawng mah oen mah kuemsuemna he ni.

2Peter 1:1

Jesuh Khrih kah tuihyoeihthlaang oen celtuih Simon Piter lawng mami kah Pathen oen Thlawnkung Jesuh Khrih kah doengna rang oen kaimi angla aphu aka tlo oengna aka dang van nangmi tengah:

2Peter 3:13

Tede mami lawngtah Pathen awlkam vaan thaai oen dilai thaai doengna a awmna im te n'lamtoen u.

2Peter 3:9

Thlaang khatsut lawng a poek angla Bawipa he amah awlkamna soep sak ham a tat a hiing aih moenih, Nangmi te amah lawng n'reen u dawngah ni. Metihtiah ahih lawngtah khatca khaw phe ham ngaih nawh tih thlaang boeih lawng a thawlhna yut u seh ti he a ngaih.

1Johan 2:25

He tah Khrih amah roe lawng mami peek ham awl a kam dungyan hingna he ni.

1Johan 3:2

Ka lungna ka paya thli, tahe ah mami tah Pathen kah ca-anau la ng'awm u poen, tede hai ben ah mami he n'tu oen n'lawh u ai ti he tah m'ming thlan hun. Tede Khrih a law vengah Khrih amah oen n'lo u ai tila m'ming u, metihtiah ahih tah amah roeroe la te mami lawng n'huh ai.