2Peter 1:17 - Matu Chin New Testament 2006

¹⁷ Ruep-awm Sawsangkoek teng kalawng “Ahih he ka lungna ka Capa ni, ahih sawah ka kaw hoe tangkiik tila ahih tengah awl va law tih Pa Pathen lawng hinyahna oen ruep-awmna a peek vengah te kaimi khaw te huen ah te ka awm u.

Matu Bible

¹⁷ Pa Pathen taeng lamkah hinyahnah neh thangpomnah a doe vaengah tebang aka khuet thangpomnah lamloh, “Kamah capa tah kamah thintlo pai ni he, a soah kai ka lungtlun,” tila anih taengah ol hang khuen.

2Peter 1:17 Iomraidhean Croise

Mathai 12:18

Isaiah lawng “He tah ka lungna, ka thinkaw aka deng ka tuihyoeihthlaang ka tuek te ni. Ahih sawah ka Muithla te ka khueh vetih, doengna phung te thlaangphun boeih tengah a phawng ai.

Mathai 17:3

Tecoengah Mosi oen Elijah tah Jesuh oen ah awl a thui u te a hubang pathum hue lawng a huh.

Mathai 17:5

Piter lawng awl a thui lii vengah ahimi te aka bawk tangkiik muui lawng a thiing khoep u tih muui khuikah awl lawng, “He tah ka lungvatna ka Capa ni, ahih sawah ka kaw hoe, a awl ngaai pe uh,” tila a thui.

Mathai 28:19

Tedawngah dilai dawngkah thlaangphun boeih tengah cet u langtah ahimi te ka hubang la van coeng sak uh; Pa, Capa, Ciim Muithla miing ah baptisma pe uh.

Mathai 3:17

Tecoengah vaan kah awl lawng, “He tah ka lungvatna ka Capa ni, ahih sawah ka kaw hoe tangkiik.” tila a thui.

Marku 1:11

Vaan kalawng aka law awl lawngah, “Nang tah kan thintlawhna ka Capa ni, na sawah ka kaw tluep, tangkiik” a tina.

Marku 9:7

Tecoengah muui yaal tih ahimi te a thiing khoep. Muui dawng kalawng ah, “He tah ka thintlawhna Ka Capa ni, a awl hutung pe uh!” tila awl kam at va law.

Luka 10:22

“A Pa lawng thaihu soeprep boeih m'peek poen. Capa he a-u ti khaw Pa nawh atah a-u lawngkhaw ming nawh. Amah te tueng sak hamla Capa lawng a tuek thlaang oen Capa amah lawng nawh atah Pa te a-u lawngkhaw ming u nawh.

Luka 3:22

Ciim Muithla tah pumtaksa la akhuu angla te ahih sawah va law thuk. Tecoengah vaan kah awl lawng, “Nang tah kan lungna ka Capa ni. Na sawah ka ngaai tluep ti.” tila a thui.

Johan 10:36

Kai he a Pa lawng n'tuek tih dilai la n'tuih. Tetih atah kai tah Pathen Capa ni ka ti dawngah Pathen thekhana awl na thui tila metila nangmi lawng na thui thai ai?

Johan 14:11

Kai lawngah, kai tah a Pa khuiah ka awm tih ka khuiah a Pa awm tila ka thui he tangna lah. Na tangna nawh atah ka sai thaihu te tangna uh.

Johan 14:6

Jesuh lawng awl a thung pe tih, “Kai tah lawngpui oen awltak oen ah hingna la ka awm. Kai rang nawh atah a-u khaw Pa tengla cet thai manawh.

Johan 17:21

Ahimi boeih lawng pumkhat la a awmna u ham ka thangthui. A Pa, Nang khuiah kai ka awm tih kai khuiah nang na awm van angla ahimi te mami khuiah awm van lah seh. Kai he nang lawng ni nan tuih tite dilai lawng a tangna ham ahimi he pumkhat la awm sak lah.

Johan 20:17

Jesuh lawngah, “Kai he n'tu khaklal boel de lah, a Pa tengla ka cet thlan hun, tede ka manau thli tengla cet langtah, ‘ahimi oen kai kah a pa, kai kah Pathen oen ahimi kah Pathen tengla ka cet poen ai ti’ tila thui peh.” a tina.

Johan 3:35

A Capa te ana Pa lawng a lungna tih soeprep boeih te ahih kut ah kang a peek.

Johan 5:20

Metihtiah ana Pa lawng Capa te a lungna dawngah amah lawng a sai boeih te a Capa a huh sak. He lak ah aka lenduet thaihu te a huh sak vetih nangmi boeih tah na kawpoek rai u ai.

Johan 5:26

Ana Pa amah te hingna kungpui la awm, tetih van la a Capa te hingna kungpui la awm ham a sai poen.

Johan 6:27

Aka awm poe nawh caak awkk ham bii bi u boel; te lak ah dungyan aka awm caak awkk ham bii te bi uh. Thlaanghing Capa lawng caak awkk te m'peek ai; metihtiah Pa Pathen lawngah ahih sawah amah kah ngaikhuekna miknoek a khueh poen.” a tina.

Johan 6:37

A Pa kah peek boeih tah ka tengla law ai. A-u khaw ka tengah aka law boeih tah ka hek manawh.

Johan 6:39

Kai he aka tuihkung kah kawngaih tah ka tengah amah kah peek boeih te pakhat khaw ha-ata sak ham nawh ni, tede aboetna khawhin ah ahimi boeih te thawh sak tih hing sak ham ni.

Rom 15:6

Te atah nangmi boeih lawng thik at la awlkaa pakhat la te mami Bawipa Jesuh Khrih kah ana Pa oen Pathen te na thangpawm thai ai.

2Korin 1:3

Mami Bawipa Jesuh Khrih kah ana Pa oen Pathen, thlaang reenkung mami na Pa, bawmcemna boeih a lawna kungpui Pathen te thangpawm u sih.

2Korin 11:31

Bawipa Jesuh kah Pa oen Pathen tah yoeyahla a miing thangtheenna awm hawn seh; hoem awl ka thui nawh he amah lawng a ming.

Hebrew 1:3

Ahih tah Pathen kah ruep-awmna aangna aka tueng sak tih Pathen amah coenggna oen aka lo u taktak ni. Huham tharana aka awm awl oen khawhipuempa he a khawl acuui tih a cak sak. Thlaanghing ham thawlh khawdawp ngaaina oen thawlh ciimna a sai coengah, vaan ah Huham Thara sangkoek Pathen kah bantang ben ah te ngawl.

2Johan 1:3

Pa Pathen oen Pa kah Capa Jesuh Khrih lawng lungvatna, reenna oen ngaimawngna te m'pe selang awltak oen lungna tah mami tengah awm yoeyah seh.

Jude 1:1

Jesuh Khrih kah tuihyoeihthlaang oen Jeem kah manau Juda lawng Pathen lawngah a khue thlaang-thli, Jesuh Khrih lawng a thlipdah tih Pa Pathen kah lungna khuiah aka awm thli tengah: