2Korin 8:9 - Matu Chin New Testament 2006

⁹ nangmi lawng mami Bawipa Jesuh Khrih kah lungvatna te na ming u; ahih tah bawi soeh mai de nangmi kah theenna ham khawdeng thlaang la coengg, he tila khawdeng la a awmna oen ah nangmi te kuirang thlaanglen la coengg sak ham a ngaih dawngah ni.

Matu Bible

⁹ Mamih kah Boeipa Jesuh Khrih kah lungvatnah te na ming uh. Kuirhang la aka om loh a khodaeng te nangmih ham ni. Te daengah ni anih kah khodaeng ming loh nangmih n'khuehtawn sak eh.

2Korin 8:9 Iomraidhean Croise

Mathai 17:27

Tede he thlaang hue he a thinsa sak ham ka ngaih nawh. Tedawngah tuilii la cet lang nga vaih lah. Lamhacuek la na tuuk nga kah a kaa khuiah nang oen kai ham Tempal mangmu peek khoek tangka na dang ai. Te tangka te lo langtah mahih kah mangmu la ahimi te pe hawn, a tina.

Mathai 20:28

Te tila ni Thlaanghing Capa khaw thlaangtloe te bii bi sak ham law nawh tih thlaang kah bii bi ham oen thlaang yahawh te tlang ham oen ah hingna peek ham ni a law,” a tina.

Mathai 8:20

Jesuh lawng, “Metaang lawngkhaw a awmna ham ungrawm a khueh tih, va lawngkhaw bu a khueh, tede Thlaanghing Capa lawngtah ihna huen oen duemdawngna kangna khaw khueh nawh.” a tina.

Marku 6:3

Ahih he Meri capa, Jeem, Josep, Judas oen Simon kah a maya lettama te nawh aw? A ngannu thli khaw he ah aka awm u te nawh aw?” ti u. Tedawngah ahimi lawng Jesuh te hinyah u nawh tih n'tu la sak u nawh.

Luka 16:11

Tecoengah dilai bawilenna koeva khoembelna dawngah uep-awm nawh atah metila bawilenna koeva tang tang te nangmi m'peek ai?

Luka 2:7

Meri lawng a capa camiing awmthang te a cuun, ahih te poehlaa oen a yaawl tih awkkhawng dawngah te a helh, ahih rawi pahna ham kamyin pahna-im ah ahuen awm nawh.

Luka 8:3

Herod sengpahrang kah imkhuikaw ukkung Khusa kah a yu Joanna; tecoengah Susanna oen atloe hutaa thli a hu ah bang u tih a khuehtoen thaihu oen ah Jesuh oen a hubang thli te a bawmcem u.

Luka 9:58

Jesuh lawng ahih nala te, “Metaang lawngkhaw a awm na lungkaw thingkaw a khueh tih va lawngkhaw a bu a khueh, tede Thlaanghing Capa lawngtah duemdawngna oen ihna ahuen kangna khaw khueh nawh.” a tina.

Johan 1:10

Te awl te tah dilai ah awm, ahih rang oen Pathen lawng dilai he a sai de ahih te dilai lawng ming nawh.

Johan 1:14

Te awl te tah thlaanghing la coengg tih lungvatna oen awltak oen ah betoet, mami tim ah he awm. Mami lawng amah kah ruep-awmna te n'huh u, te ruep-awmna te tah ana Pa kah khuehduen pakhat bueng Capa la a awm te ni.

Johan 1:17

Pathen lawng Phungawl te Mosi rang oen m'peek, tede awltak oen lungvatna tah Jesuh rang oen ni a law.

Johan 12:30

Tede Jesuh lawng ahimi nala te, “He awl he kai hamla van thui nawh, nangmi ham ni.

Johan 16:15

A Pa kah a khueh boeih te tah kai kah ni; tedawngah Muithla lawngtah kai lawng ka peek te a lawh vetih nangmi tengah avan thui ai tila kavan thui u.” a tina.

Johan 17:19

Ahimi lawngah ataktang la na tengah pum a peek u van ham kai khaw ahimi hamla pum ka peek.

Rom 11:12

Judah thlaang thli kah thawlhna lawng dilai ah yotheen kam-awmna yahawh avan khuen tih ahimi kah sung-adeuhna lawng Gental hue hamla yotheen kam-awmna yahawh hlang avan khuen. Tecoengah Judah thlaang yahawh lawng asoepcala a thuum u van veng atah yotheen kam-awmna te metihtlukla asoep tare ai!

Rom 15:3

Metihtiah Khrih lawngkhaw amah kah ngaikhuekna te sai nawh. Te lak ah, Caciim lawng, “Nang salphaamna awl te ka sawah tla poen,” a ti angla te awm.

Rom 5:8

Tede, thlaangthawlh la n'awm vengah Khrih tah mami ham a duekna oen Pathen lawng mami he metila n'lungna tite a tueng sak poen.

Rom 8:32

Pathen lawng a Capa khueh duen pateng haih ohla mami ham m'peek! Mami hamla a Capa pekung lawng soeprep boeih he ayoela mami peek muehla awm ai aw?

1Korin 1:4

Khrih Jesuh rang oen lungvatna te nangmi m'peek dawngah Pathen tengah awmngaih awl ka thui poepa.

1Korin 15:47

Adam lamhacuek te dilai a sai tih dilai dawng kalawng va law; Adam apabena tah vaan kalawng ni a law.

2Korin 6:10

Kaw avan the sak u de ka awmngaih u yoeyah; kaimi khawdeng thlaang angla ka awm u de, thlaang yahawh te ka bawi sak u, thaihu khat khaw khueh nawh angla ka awm u de, atak tang atah kaimi lawng soeprep ka khueh ka toen u.

Ephesa 2:7

He tila a sai he tah Khrih Jesuh dawngah mami ham a lungna avan tueng sak lungvatna tah atloe boeih lak ah bo ngai tite yoeyahla tueng sak a ngaih dawngah ni.

Ephesa 3:19

Ahih kah lungna te meveng khaw asoepla ming thai koeila awm nawh de, nangmi lawng a lungna te na ming u ngai ai, tedawngah Pathen pumsa soepna boeih oen nangmi na betoet u ham ka thangthui.

Ephesa 3:8

Kai tah Pathen kah thlaang boeih lak ah huhsit koek la ka awm de, Khrih kah thuilek thuina nawh a bawilenna kawng Awlthang Theen te Gental thlaangphun tengah thui hamla,

Kolosa 1:24

Tahe ah nangmi ham patang palai ka khangna dawngah he ka awmngaih, metihtiah Khrih lawng amah kah pum la aka awm khrihcabu ham patang khang hamla aka awm hun te asoepna ham ka pumsa patang khangna oen a yueng ka theng pe.

1Timothy 6:18

Ahimi lawngah atheen thaihu sai ham, bii theen te bina oen kuirang la awmna u ham, moeihoeihla thlaangtloe a do adan thaina u ham van thui peh.

Hebrew 1:2

Tede, tahe atue boetna ben atah a capa rang oen mami tengah awl avan thui. A Capa rang oen ah khawhipuempa he Pathen lawng a sai tih aboet lam ah thaihu soeprep khuehkung la ahih te Pathen lawng a tuek.

James 2:5

Maya manau thli aw, hutung u lah! Pathen lawngah he dilai dawngkah khawdeng thlaang thli he oengna ah kuirang la awm ham, amah aka lungna thlaang thli ham a kam pe vaan ram te pang hamla a tuek.

Olphong 2:9

Patang raina na tawng te ka ming; na khawdeng te khaw ka ming, tede nang tah kuirang tangtang! Judah thlaang nawh de, Judah thlaang la ka awm aka ti hue lawng na thaang a the sak u te ka ming; Ahimi tah Seitan kah thlaang ni!

Olphong 21:7

Taakung la aka awm boeih lawngtah ka tengkah thaihu he a dang ai: Kai tah ahimi kah Pathen la ka awm vetih ahimi tah kai kah ca anau la awm ai.

Olphong 3:18

Tedawngah bawilen kuirang taktang la na awmna ham kai teng kah sui tuiciil te lai hamla poekna theen kan peek. Atliing ayaal yaraula na awm te khukdahna ham oen ah na buen ham khaw, na mik a tuengna ham miksii te khaw lai baal.