2Korin 8:6 - Matu Chin New Testament 2006

⁶ Tedawngah he bii he tongnankung Titas te he bii he bi poe hamla, lungna awlpui bii he a coeng toe ah nangmi te bawm ham ahih te ka ceel u.

Matu Bible

⁶ Mamih loh doedannah phueng la om sak ham Titu te hloep uh. Te daengah ni lungvatnah he khaw nangmih taengah a cung tangloeng eh.

2Korin 8:6 Iomraidhean Croise

Caeltueih 24:17

Kum san hlang Jerusalem kalawng athlana la awm coengah ka thlaangphun thli hamla tangka thak ham, luciik nawn hamla te la te ka cet.

Rom 15:25

Tede tahe tah kawlkalh ah Jerusalem khawpui la ka cet de silang te kah Pathen thlaang thli ham bii ka bi pe de ai.

2Korin 12:18

Titas te nangmi tengah ceh hamla ka ceel tih ahih oen haih atloe khrihca maya manau te kavan tuih. Titas lawngah nangmi tengkah apueh alawila a lawh na ti u ai aw? Ahih oen kai tah mengtengna kawpoek thik at oen moeiboe thik at oen ah bii ka bi hih nawh aw?

2Korin 2:13

Tede mami kah manau Titas te ka huh nawh dawngah ka lakueng tangkiik. Tedawngah te kah aka awm thlaang thli te sadingla ne ka tina tih Macidonia la poe ka cet.

2Korin 8:10

Nangmi lawng n'hu kum ah bii na tongnan sut u te tahe atah na coeng u poen kawinih theen ai tila ka poek. He bii dawngah he bi ham bueng ohla bi hamla ngaihna ben ah khaw thinkaw aka tho cuek la na awm u.

2Korin 8:19

Te bueng nawh tih Bawipa kah ruep-awmna hamla he kah lungna bii bina dawngah khaw, kaimi lawngah nangmi te bawm ngaihna tueng sakna ah khaw, kaimi oen yin aka cet haih la ahih te khrihcabu boeih lawng a tuek u tih bii a peek u.

2Korin 8:23

Titas tah kaimi oen biibipuei haih la awm tih nangmi bawm ham kaimi oen bii aka bi haih ni; ahih oen haih aka law atloe maya manau hue te tah khrihcabu thli kah laipai la awm u tih Khrih te a thaang aka theen sak ni.

2Korin 8:4

Judia ram ah aka awm Pathen thlaang thli bawmna ham ah ahimi khaw bawmna a thawh ham koei te m'pe u van tila amami kawthawh oen reenna avan bih u.

2Korin 9:5

Tedawngah nangmi lawng peek hamla na kam u kutdo te coekroek la na toen u ham ah he kah maya manau hue he kaimi ka law thlan ah nangmi tengla kavan tuih oepsoeh ham angoe tila ka poek. Tecoengah kai kavan pha vengah te coekroek la na awm u poen vetih nangmi te amangkhakla a peek sak ti ohla peek ham na ngaih u dawngah ni na peek u tite tueng ai.

Philipi 4:18

Tecoengah nangmi kah thaihu pat boeih tite kavan thut tih akhoek anoen lak ah yahawh ngaaila navan pat u! Nangmi kah kutdo boeih te Epafroditas lawng avan khuen tih tahe atah ka ngoe boeih te ka khueh poen. Te ang thli boeih te Pathen lawng a ngaih tih a do luciik, Pathen tengah nawn la aka awm riimtuui angla awm.

1Peter 4:10

Nangmi pakhat rip he Pathen kutdo atloetloe kuemkung theen la na awm u van angla Pathen teng kah na dang kutdo te thlaangtloe kah theenna hamla hawna uh.