2Korin 8:2 - Matu Chin New Testament 2006

² Ahimi tah patang khangna oen noekdak la awm u, tede ahimi tah awmngaih u tangkiik mai, amami ngoen khawdeng u mai de peekna ben atah a moeihoeih u tangkiik.

Matu Bible

² Phacip phabaem kah loepdaknah a tlung rhangneh amih kah omngaihnah dongkah baecoihnah la om. A khodaengnah loh muelh a dung vaengah a moeihoeihnah te khuehtawn la a baecoih pah.

2Korin 8:2 Iomraidhean Croise

Mathai 20:15

Ka mah tangka te ka kawngaih angla ka hawna thai nawh aw? Kai ka moeihoeih dawngah nang na lungoe aw?” a tina.

Rom 12:8

Thlaang te thapeek koei atah tha peek ham awm; khuehtoen thaihu te thlaangtloe rekra koei atah moeihoeihna oen rekra ham awm. Saithaina aana te n'dang atah bii yawm ham awm; thlaangtloe tengah thintlawhna tueng sak ham koei atah reenna oen tueng sak ham awm.

Rom 2:4

Tihnawhtah Pathen kah alentloe reenna, khawdawp ngaaina, kawdawna thli te tula khaw na sak u nawh aw? Pathen kah lungvatna te thawlh yutna ham lawngpui nuehkung ni tite ataktangla na ming u.

2Korin 1:12

Kaimi lawng ka thangpawmna u tah he dilai dawng hing vengah awlpuila nangmi oen tuhkaina ah he thlaanghing kah cuihna nawh tih Pathen kah lungvatna huham tharana oen ah Pathen kah peek thinkaw ciimna oen thinkaw doengna oen ah ukna he athe atheen pekbona thinkaw oen m'ming sak he ni.

2Korin 2:9

N'hu vengkah nangmi tengah ca kavan pat te tah noekdakna na tawng u vengah metihtlukla acakla na pai tih kan thuituenna awl te vai ham oepsoeh la na awm aw tite ming ham ka ngaih dawngah ni.

2Korin 6:10

Kaw avan the sak u de ka awmngaih u yoeyah; kaimi khawdeng thlaang angla ka awm u de, thlaang yahawh te ka bawi sak u, thaihu khat khaw khueh nawh angla ka awm u de, atak tang atah kaimi lawng soeprep ka khueh ka toen u.

2Korin 9:11

Nangmi lawng moeihoeihla na peek poepa ham ah nangmi te kuirang thlaanglen la n'coeng sak ai. Nangmi kah kutdo peek te kaimi kut dawng kalawng patoeng aka do thlaang thli lawng Pathen te a koeh u ai.

2Korin 9:13

Nangmi lawng he bii he na bina rang oen ah Khrih kah awlthang theen te acakla na phoeih u tih na pai u thai dawngah khawseh, nangmi lawng thlaangtloe thli oen ahimi te moeihoeihna oen na peek u dawngah khawseh, thlaang yahawh lawngah Pathen te a koeh u poen ai.

1Thessalonika 1:6

Nangmi lawng kaimi oen Bawipa kah moeiboe te na oett u, patangraina yahawh hlang na tawng u vengah khaw, Ciim Muithla tengkah aka law awlthang te awmngaih oen na do u.

1Thessalonika 2:14

Maya manau thli, Judia ram kah Pathen khrihcabu boeih oen Khrih Jesuh kah thlaang thli lawng a tawng u te ang van te, Judah thlaangphun lawng ahimi te a heem a tek van angla nangmi khaw namami ram khui thlaang thli kah heemtekna patang te na khang u.

James 2:5

Maya manau thli aw, hutung u lah! Pathen lawngah he dilai dawngkah khawdeng thlaang thli he oengna ah kuirang la awm ham, amah aka lungna thlaang thli ham a kam pe vaan ram te pang hamla a tuek.

Olphong 2:9

Patang raina na tawng te ka ming; na khawdeng te khaw ka ming, tede nang tah kuirang tangtang! Judah thlaang nawh de, Judah thlaang la ka awm aka ti hue lawng na thaang a the sak u te ka ming; Ahimi tah Seitan kah thlaang ni!