2Korin 7:4 - Matu Chin New Testament 2006

⁴ Nangmi te kan uep kan pangna tangkiik; Nangmi kawngah ka pawmsang u! Kaimi lawng raina soeprep ka tawng cakhaw thincak oen ka awm; Awmngaih kawhoena oen ka betoet.

Matu Bible

⁴ Nangmih taengah muep ka sayalh. Nangmih yueng la hoemdamnah muep ka khueh. Thaphohnah te ka hah. Kaimih kah phacip phabaem boeih ah omngaihnah neh ka baesawt.

2Korin 7:4 Iomraidhean Croise

Caeltueih 5:41

Celtuih hue tah awlcekna Khonsil kalawng a ceh u vengah awmngaih u tangkiik, metihtiah ahimi te Jesuh kawngah yarau ming ham tueng roe la Pathen lawng a poek dawngah ni.

Rom 5:3

Raina n'tawng vengah khaw tha n'thlue sak u, metihtiah raina lawngah uehthaina m'peek tila m'ming u tih,

1Korin 1:4

Khrih Jesuh rang oen lungvatna te nangmi m'peek dawngah Pathen tengah awmngaih awl ka thui poepa.

2Korin 1:14

Tede tahe ah nangmi lawng kaimi nan ming u he tah avaang-athal mai ni, nangmi lawng kaimi he asoep heet la nan ming u ngai ai tila ka ngaiuep, mami kah Bawipa Jesuh Khawhin atah nangmi lawng na thangpawmna u tah kaimi vetih, kaimi lawngkhaw ka thangpawmna u tah nangmi van ai.

2Korin 1:4

Raina phun soeprep aka tawng thlaangtloe te bawm thaina ham mami kah raina boeih ah amah lawng mami he m'bawm, te tila thlaangtloe te mami lawng m'bawm vengah Pathen tengkah n'dang u bawmna te n'hawna.

2Korin 10:8

Bawipa lawngah kaimi m'peek saithaina aana akawng alam te apueh asawmla ka oekthloenna cakhaw ka yak nawh, te kah saithaina aana tah nangmi te phena ham nawh tih nangmi lawng na roengna ham ni.

2Korin 11:21

Te ang thli te sai hamla kaimi tah ka tong-aa sut tih ka dok poen ti ham khaw ka yak sut oh poen! Tede, thlaangngau angla awl ka thui lah ai, a-u khaw thaihu pakhat khat dawngah a oekthloen u ngam atah kai khaw ka oekthloen u ngam van.

2Korin 2:14

Tecakhaw Pathen tengah thang-theenna awm hawn seh! Metihtiah Khrih oen pumkhat la awmna rang oen ah Khrih kah taana ah aka cet thlaangping tim ah thongtla thlaang angla Pathen lawng mami he m'mawt u. Khrih kawng mingna te riimtuui baw angla ram tawm ah a puungna ham mami he Pathen lawng n'hawna.

2Korin 3:12

Mami lawng he ang ngaiuepna n'khueh u dawngah n'thin cak u.

2Korin 7:14

Kai lawng nangmi kawng te ahih tengah ka oekthloenna u poen, nangmi lawng kai he tha nan the sak u nawh. Kaimi lawng nangmi tengah awltak te ka thui yoeyah u tih te tila Titas tengah ka oekthloen u te khaw soeng.

2Korin 8:24

Nangmi kah akawng-alam, kaimi lawng ka phoekthloerna u te ahimi lawngkhaw, khrihcabu boeih lawngkhaw soeng tangtang tite anepla a mingna u thai ham nangmi kah lungna te ahimi tengah tueng sak uh.

Philipi 1:14

Tecoengah thong ka tlaakna lawngah he maya manau yahawh ngaai kah Bawipa a uepna te tare acak pe sak, tedawngah ahimi lawng a raal theen tare u tih rih ohla awlthang theen te a thui u.

Philipi 1:20

Ka ngaihna oen ka ngaiuepna tah bii ka bi he meveng khaw tlawlh nawh ham ni, tede me ang atue atang ah khaw, tahe vengah khaw raltheenna oen betoet tih ka duek ka hing ah khaw, Khrih hinyahna hamla ka pum oen ka hingna boeih peek ham he ni.

Philipi 1:26

tedawngah nangmi tengah ka awm koep veng atah Khrih Jesuh ah nangmi kah hingna pumkhatla a awm dawngah kai rang oen ah nangmi lawng mik-hai theenna na khueh u tare ai.

Philipi 2:17

Nangmi lawng oengna oen na nawn thaihu angla Pathen tengah na nawn u luciik dawngah ka hingna thisen he duei mai cakhaw ka awmngaih vetih nangmi boeih oen haih ka awmngaih ai.

Kolosa 1:24

Tahe ah nangmi ham patang palai ka khangna dawngah he ka awmngaih, metihtiah Khrih lawng amah kah pum la aka awm khrihcabu ham patang khang hamla aka awm hun te asoepna ham ka pumsa patang khangna oen a yueng ka theng pe.

1Thessalonika 2:19

Ataktang la, a-u thlaangtloe ohla Bawipa Jesuh a law koep vengah amah haiah taana oen m'pai u vengah tah nangmi he ni kaimi kah ngaiuepna, awmngaihna oen thangpawmna la na awm u ai.

1Thessalonika 2:2

Tesalon khaaw ah nangmi tengla ka law thlan vengah kaimi he Filipi khaaw ah metihtlukla n'thena u tih raina mai awm cakhaw, amah teng kalawng aka law Awlthang Theen te nangmi tengah thui hamla Pathen lawng kaimi he thincakna m'peek u.

2Thessalonika 1:4

Tedawngah nangmi kawng te Pathen kah khrihcabu thli tengah kamami roe lawng ka thangpawmna u. Nangmi lawng heemtekna oen patangraina na khang tangkiik u de na ueh thai u tih na oeng u dawngah kaimi lawng ka thangpawmna u.

Philemon 1:7

Ka lungna ka manau, nang kah lungna lawng awmngaihna yahawh hlang m'peek tih ka tha avan thlue sak. Pathen kah thlaang boeih te nang lawng a kaw na hoe sak poen.

James 1:2

Ka maya manau thli, nangmi tengah raina soeprep a law vengah te yotheenna ni tila poek mai hawn;