2Korin 7:11 - Matu Chin New Testament 2006

¹¹ Nangmi kah kawthena te Pathen lawng metila a hawna tite ming u lah: nangmi te tha avan thlue sak poen; na thawlh u nawh tite tueng sak ham metihtlukla na kaw a thluembuek u! Na thin sa u, na lakueng u, nan ngaai tangkiik u poen, doengna te sai ham na ngaih u poen; sai thawlhna te dan peek ham oepsoehla na awm u! He thaihu boeih dawngah he nangmi tah thawlhpalhna awm nawh tite namami lawng na tueng sak u poen.

Matu Bible

¹¹ Amah te long ni Pathen kongaih la khothet sak ham nangmih ah thahluenah, olthungnah, yakdamnah, rhihnah, mueihuenah, kohlopnah, kutthungnah metlam a thoeng sak te. A cungkuem dongah namah neh namah te oep uh lamtah bitat dongah a cuem la om uh.

2Korin 7:11 Iomraidhean Croise

Marku 3:5

Jesuh te a thin sa, a teng avai ah te maang tih ahimi te a bueh, ahimi a thin len tih a thawlh u te a huh vengah khatvaang atah a kaw khaw the. Tecoengah kut kheem thlaang nala te, “Na kut te yueng lah” a tina. A kut te a yueng tih theen koep.

Johan 2:17

Caciim lawngah, “Aw, Pathen, na im ka thintlawhna he ka kaw khuiah hai angla alh.” tila a thui te a hubang hue lawng lot a poek u.

Caeltueih 17:16

Pawl lawng Silas oen Timote te Aaten khaaw ah a ring vengah te kah khawpui tah kutsaimuei oen abehuepla a awm te a huh tih a kaw the tangkiik.

Rom 11:20

Te ngoen tah soeng tangtang. Ahimi lawng a oeng u nawh dawngah a tloek tangtang, nangmi tah na oeng u dawngah na awmna huen ah te na awm u. Tede he kawngah oekthloen u boel lang rih lat u hawn.

Rom 14:18

He tila Khrih kah bii te aka bi lawngtah Pathen te a awmngaih sak tih thlaang lawngkhaw a koeh.

Rom 3:5

Tede nangmi kah thaihu the saina dawngah Pathen kah thaihu sai a soeng te a tueng sak atah metila a awm ai? Pathen lawng mami te thawlh m' peel tih dan n'tat atah Pathen he soeng nawh n'ti ai aw? (Thlaanghing poekna oen thui atah).

1Korin 12:25

Tedawngah pum dawngah he pekbona awm nawh, a beek atloetloe lawngah khat oen khat kah theenna te a sai u.

1Korin 5:2

Tedawngah metila nangmi na oekk u thai dai lauh mai? Tetih ohla nangmi tah na kaw the u vetih te ang thaihu aka sai thlaang thli te namami kah bu khui kalawng na hek u ham awm de ta.

2Korin 13:7

Nangmi lawng thawlhpalhna te na sai nawh ham Pathen tengah ka thangthui u, kaimi lawng noekdakna te ka taa tite tueng sak ham nawh ni, tede kaimi he aka tlim dingri angla ka awm mai cakhaw nangmi lawngtah asoeng thaihu te na saina ham ni.

2Korin 2:6

Nangmi thlaang yahawh lawng ahih dan na tat u te khoek poen.

2Korin 6:4

Te tila te sai ohla khawdeng mingna, raina, patang khangna boeih he kawdaw thinsan oen ka ueh u tih soeprep boeih ka saina dawngah Pathen kah tuihyoeihthlaang la ka awmna te ka tueng sak u.

2Korin 7:1

Ka lungna paya thli, he awlkam boeih he mami tengah ni a sai. Tedawngah pumtaksa khawseh, muithla khawseh, aka ciim sak nawh soeprep boeih dawng kalawng mami he ciimcaih u silang Pathen hinyahna oen aciimsuekla hing u sih.

2Korin 7:7

Titas a law dawngah kaimi he awmngaih sak te bueng nawh tih ahih te nangmi lawng tha navan peek u dawngah khaw ka awmngaih u. Nangmi lawng kai he huh hamla na ngaih u tangkiik, metihtlukla na kaw a the u tih nangmi lawng kai he nan pai puei u tite Titas lawng kaimi tengah avan thui tih tahe ah ka awmngaih tare ngai.

2Korin 7:9

Tede, tahe tah ka awmngaih poen, nangmi te kaw kavan the sak dawngah nawh tih na kawthena lawng nangmi te thinkaw avan thaw dawngah ni. Te kawthena te Pathen lawng ni a hawna, kaimi lawng nangmi te nganbawh kan peek aih moenih.

2Korin 9:2

Nangmi lawngah bawm hamla na kaw tho tite ka ming tih, Macidonia ram kah thlaang thli tengah nangmi kawng te ka phoekthloerna poen. “Akhaia ram kah maya manau thli tah bawmna peek hamla te n'hu kum kalawng ah oepsoeh la awm u poen” ka tina. Nangmi kah thinkaw thluembuekna lawng ahimi yahawh ngaai te kaw a thawh sak poen.

Ephesa 4:26

Nangmi na thin a sa atah na thinsana lawng thawlhna khuila m'mawt boel seh, khawyungkhun na thin sa sak boel.

Ephesa 5:11

Yiinna khuiah aka awm thlaang thli lawng a sai thaihu, aphu aka awm nawh thaihu te sai u boel. Te ang thaihu te aangna dawngah daih lang tueng sak uh.

Philipi 2:12

Tedawngah ka lungna ka paya thli, nangmi oen haih ka awm vengah ka awl na ngaai u poepa angla te tahe athla hlang la ka awm vengah khaw, ka awl he na ngaai u ham awlpui koek la awm. Nangmi kah thlawnna asoepna ham birih haitawk oen bii te bi yoeyah uh,

1Thessalonika 4:6

Tecoengah he kawngah he a-u lawngkhaw khrihca paya laikoei sawah thawlhpalhna sai boel seh, koeih vaih nawh la proeih mak boel seh. Te tila aka sai boeih tah Pathen lawng dan a peek ai tite kavan thui u tih nangmi te ngaithuenna kan peek u poen.

1Timothy 5:20

Thlaangtloe hue lawngkhaw thawlh sai a rihna van ham thawlhna aka sai boeih te rangpui haiah toelthaam peh.

2Timothy 2:15

Nang tah bii aka yah puei nawh, Pathen kah awltak te asoengla aka cangpueikung la na awm van angla Pathen kawtlaakna te na dangna ham yawm lah.

Titus 3:8

He awl tah awltak ni. He kah awl he awlpuila na khueh ham ka ngaih, Pathen aka oeng thlaang thli lawngtah thlaang boeih boeih ham thaihu theen saina ben ah amami kah atue atang te a hawna ham awm, te tah aka theen tih aphu aka awm ni.

Hebrew 4:1

Tahe atah, Pathen lawng duemna huen a thui te pha thaina ham awlkamna m'peek poen. Te kah awlkam sut duemna khuiah te pha ohla awm hau nawh ham ngaithuen u sih.

James 3:17

Tede saw benkah cuihna tah atloe boeih lak ah ciim, te tah ngaimawngna, boe-ngaaina oen beroepna la awm, te tah reenna oen betoet tih atheen saina athaih theen te a thaih sak; te lawngtah thlaang pekthlena khueh nawh tih thlaang theen la khaw sa u nawh.

1Peter 1:17

Nangmi lawng Pathen tengah na thangthui u vengah ahih te a Pa tila na khue u, ahih lawng atah thlaang boeih te a saina taring ah pekbona awm ohla awl a cek. Tedawngah he dilai dawng na hing khuiah he amah te hinyahna langtah hing u lah.

1Peter 2:2

Camoe thangpek angla awm u langtah muithla ben kah suuktui ciim te hall yoeyah uh, muithla ben suuktui ciim te na awkk u atah na roeng hang vetih thlawn la na awm u ai.

Jude 1:23

Hai khuikah thlaang thli te rot u langtah thlawn uh; thlaangtloe tengah te rihna oen reenna khueh uh, tede ahimi kah pumsa ngaihna thawlh noknakna himbai te tah thina uh.

Olphong 3:19

Kai lawngtah ka lungna thlaang boeih te ka toel ka thaam tih dan ka tat. Tedawngah na tha thlue sak lang na thawlhna yut lah.