2Korin 7:1 - Matu Chin New Testament 2006

¹ Ka lungna paya thli, he awlkam boeih he mami tengah ni a sai. Tedawngah pumtaksa khawseh, muithla khawseh, aka ciim sak nawh soeprep boeih dawng kalawng mami he ciimcaih u silang Pathen hinyahna oen aciimsuekla hing u sih.

Matu Bible

¹ Thintlo rhoek aw olkhueh he om tangloeng ta, pumsa neh mueihla kah a tihnai boeih lamloh mah neh mah cilpoe uh sih. Pathen rhihnah dongah cimcaihnah te soep sak uh sih.

2Korin 7:1 Iomraidhean Croise

Mathai 12:33

“Athaih theen dang ham thingkung theen khueh a ngoe. Thingkung the na khueh atah athaih the van ai. Ame ang thingkung tite athaih rang oen m'ming thai ai.

Mathai 5:48

Vaan kah na Pa a soep van angla nangmi khaw na soep u van ham awm.”

Mathai 5:8

“Thinkaw lungbui aka ciim tah yotheen kam-awmna aka lawng thlaang la awm; Ahimi lawng Pathen te a huh u ai!

Caeltueih 9:31

Judia Tecoeng atah ram, Galili ram oen Samaria ram kah khrihcabu tah ngaimawngla awm u. Bawipa te hinyahna oen khaw a sak u tih Ciim Muithla kah bawmna rang oen a tha ra u tih puung tare u.

Rom 5:20

Phungawl he tah thawlhpalhna a puungna ham ni, tede thawlhna apuungna huen ah Pathen kah lungvatna khaw puung tare.

1Korin 6:20

nangmi te aphu oen ni n'lai u. Tedawngah na pum te Pathen kah ruep-awmna ham hawna uh.

2Korin 1:20

Metihtiah ahih tah Pathen awlkam boeih dawngah “Oeih” tina ni. Tedawngah Jesuh Khrih rang oen Pathen kah ruep-awmna ham mami lawng, “Amen”, tila n'thui u.

Ephesa 2:3

Ataktang atah mami boeih he ahimi angla ni ng'awm u van tih mami lawng pumsa ngaihna angla khaw n'sak u, mami thinkaw oen pumsa lawng ahue angaih boeih te n'sai u. Mami khaw m'mah kah awm ih angla te thlaangtloe angla Pathen thinsana aka yawkk ham koei ni.

1Thessalonika 3:13

He tila nangmi te amah lawng tha avan ra sak vetih Bawipa Jesuh amah kah thlaang boeih oen a law vengah nangmi tah Pa Pathen haiah thlaangsoep thlaangciim la na awm u ai.

1Thessalonika 4:7

Pathen lawng mami he cuk-halhna dawngah bawlneeng sak hamla n'khue nawh tih aciim acaihla awm ham ni n'khue u.

1Thessalonika 5:23

Ngaimawngna pekung Pathen lawng soeprep ah n'ciim sak u hawn seh, mami kah Bawipa Jesuh Khrih a law vengah nangmi kah pum boeih, na muithla, na hingna, oen pumtaksa te amah lawng kuem selang tah thawlhpalhna boeih kalawng n'loeih sak seh.

Hebrew 12:23

Vaan ah miing thut la aka awm Pathen kah a ca camiing hue awmngaih kawhoe la a tunna ah nangmi tah na law u. Thlaang boeih awlcekkung oen thlaangdoeng thli kah muithla thlaangsoep la aka sai Pathen tengla te na law u.

Hebrew 12:28

Tedawngah awmngaih u lah sih, metihtiah mami lawng hinghuen thai nawh ram te m'pang u poen. Mami lawng uem u silang tah amah kawhoena koei hinyahna oen rihsakna oen ah Pathen te bok u sih;

Hebrew 4:1

Tahe atah, Pathen lawng duemna huen a thui te pha thaina ham awlkamna m'peek poen. Te kah awlkam sut duemna khuiah te pha ohla awm hau nawh ham ngaithuen u sih.

Hebrew 6:9

Ka paya thli he tila nangmi tengah awl kavan thui de nangmi kawngah ka ngai mawng, nangmi lawng yotheen kam-awmna atheen ngaai thlawnna na khueh u te kaimi lawng ka ming.

James 4:8

Pathen tengah yoeii u lah, ahih tah nangmi tengla law vetih va yoeii van ai. Nangmi thlaangthawlh hue na kut te sil u lah! nangmi thlaangdoeng la aka sa u thli, na lungbui thinkaw te ciim sak u lah!

1Peter 1:15

Nangmi khuekung Pathen te aciim van angla nangmi khaw na saina boeih dawngah aciimla awm uh.

1Peter 1:17

Nangmi lawng Pathen tengah na thangthui u vengah ahih te a Pa tila na khue u, ahih lawng atah thlaang boeih te a saina taring ah pekbona awm ohla awl a cek. Tedawngah he dilai dawng na hing khuiah he amah te hinyahna langtah hing u lah.

1Peter 1:22

Tahe ah nangmi lawng awltak te na vaina rang oen nangmi tah na ciim u poen tih oengca na puei na paw thli te lungna taktak oen na lungna u poen, tedawngah nangmi khat oen khat thinkaw tak oen lung u tare lah.

1Peter 2:11

Ka lungna paya thli, he dilai han ah kamyin kamlai oen thlaangpoeng poedoe angla aka awm nangmi tengah reenna kavan bih! Muithla oen aka raal u poepa pumsa ngaihna lawngah nangmi te n'taa u hau boel seh.

1Peter 5:10

Tede nangmi lawng atue soetca ah patang na khang u kawlkalh coeng atah lungvatna boeih kah Pathen, Khrih ah pumkhat la awmna rang oen amah kah dungyan ruep-awmna te paang van hamla nangmi khuekung Pathen amah lawng nangmi te thlaangdoeng la n'khueh vetih acakla pai thaina oen tha-awm tharana te m'peek ai.

1Johan 1:7

Tede ahih tah aangna la a awm angla mami lawng aangna ah ng'awm u atah pakhat oen pakhat pawlneengna mami lawng n'khueh u tih a Capa Jesuh thisen oen soeprep thawlhna kalawng mami n'silh poen.

1Johan 1:9

Tede mami lawng thawlhna boeih te Pathen tengah m'phawng u atah ahih tah a awlkam cak tih thaihu doeng a sai dawngah mami thawlhna boeih te khawdawp a ngaai vetih mami kah sai thawlh boeih te avan ciim sak ai.

1Johan 3:3

A-u khaw Khrih ah he ang ngaiuepna aka khueh lawngtah Khrih aciimcaih van angla amah oen amah te aciimcaihla awm van.