2Korin 6:9 - Matu Chin New Testament 2006

⁹ a-u lawngkhaw a ming nawh thlaang angla n'sai u de, thlaang boeih lawng m'ming u; thlaang duek angla n'poek u de, nan huh u angla ka hing u hun. Dan tah n'tat u de n'ngawn u nawh;

Matu Bible

⁹ Mangvawt loh mingtung la, Aka duek loh aka hing la, Aka ueih sak rhoek tah aka duek sak pawt la,

2Korin 6:9 Iomraidhean Croise

Caeltueih 17:18

Epikuras kah cangpueina aka vai thli kah cangpueikung hue oen khaw, Stoik a ti u cuihna te aka cangpueikung hue oen khaw ahih tah oelhtaih u. Ahimi tim-kah khatsut lawngah, “He kah thlaang koeih pavaih nawh lawng he n'tu nuem a thui van ca?” ti u. Thlaangtloe hue lawngah, “Ram tloe kah pathen kawng ni a thui muema he.” a tina u. Pawl lawngah Jesuh kawng oen a thawhkoepna kawng a thui dawngah ni ahimi lawng te tila te a tina u.

Caeltueih 19:26

Tahe ah Pawl lawng a sai te nangmi lawng na huh thai tih na yaak thai u. Ahih lawngah, ‘Thlaanghing lawng a sai pathen thli he pathen tangtang nawh ni’ tila a thui tih Efesa khaaw oen Asia ram pum kah thlaang boeih te a yaakming sak poen.

Caeltueih 25:19

Ahimi boeih lawng awlpuungna a thui he tah amami kah bokna kawng oen aka duek tangte Jesuh aka miingna thlaang kawng te mai ni; tede Pawl lawngtah ahih te hing tila a thui.

Caeltueih 25:26

Tede ahih kawng he Sengpahrang sangluel tengah acek aneh la ca thut ham ka khueh nawh. Tedawngah he ah he nangmi boeih oen awlpui la Sengpahrang Akrippa haiah kavan law puei! Ahih kah lumlai he thuikhaan coeng atah cathut koei khat khaw awm ai aw ka ti mai dawngah ni.

Rom 15:19

kawpoek rai saina oen khawseh, kawpoek rai tharana oen khawseh, Pathen Muithla tharana oen khawseh, Khrih kah a sai bueng te ni raltheenla ka thui ai.

Rom 8:36

Caciim lawngah, “Nangmi kawngah kaimi tah mueirihtamyiin duekna oen ah saringrupla khawyungkhun ka awm u; Ngawn ham a teeng mangkhak tuu angla kaimi he ka awm u” tila a thui angla awm tangtang.

1Korin 11:32

Tede mami tah he dilai oen phe haih nawh hamla Bawipa lawng mami he awl n'cek tih dan m'peek u.

1Korin 15:31

Maya manau thli, kai tah khawhin roekk ah pacil pahaai duek thlipit la ka awm poepa! Nangmi he tah mami kah Bawipa Khrih Jesuh oen pum khat la awmna ah ka pawmsangna la na awm u dawngah he tila ka thui ni.

1Korin 4:9

Metihtiah kaimi celtuih thli he rangpui haiah ngawn ham koei thlaang, dilai oen vaan kah vanthlaang thli oen thlaangphun boeih lawng dan mailai ham a hukhueng koek la Pathen lawng n'khueh tila ni ka poek poen.

2Korin 11:6

Kai he awlcal thingkaa tah ka thoem nawh mai ai, tede mingna ben tangtang atah ka voet roe nawh; He he nangmi tengah acaihla mevengah khaw thaihu soeprep ah kavan tueng sak u poen.

2Korin 4:2

Kaimi lawng ahuepla thaihu sai boeih oen yarau saina boeih te ka hoett u poen; kaimi lawng thailatna ka sai u nawh, Pathen kah awl khaw asoeng a kam nawh la ka thui u nawh. Kaimi tah Pathen mik huh ah awltak aangna dawngah ka hing u tih thlaang boeih kah athetheen mingna kawpoek te atheenna ham kamami oen kamami he phep u ham ka yawm u.

2Korin 5:11

Bawipa he rih ham awm tite thui-ngaihna ka ming u, tedawngah kaimi lawng thlaangtloe te ceel hamla ka yawm u. Pathen lawng kaimi he anep heet la m'ming tih nangmi lawngkhaw na thinkaw oen kai he atheen heet la nan ming u cawini tila ka ngaiuep.