2Korin 6:8 - Matu Chin New Testament 2006

⁸ Kaimi lawng hinyahna khaw ka tawng u tih thekhana khaw ka tawng u; sal-aphaamna khaw ka tawng u tih koehna khaw ka tawng u. Kaimi he thlaangthaipalat la n'ngaai u de awltak ka thui u;

Matu Bible

⁸ thangpomnah neh yahpohnah dongah, olthae neh olthen dongah, laithae laidang neh oltak bangla mamih n'tueng uh.

2Korin 6:8 Iomraidhean Croise

Mathai 10:25

Tedawngah sengcamoe lawng saya angla, tamnaa lawng a bawi angla a awm atah a kaw a tluep ham awm mai. Imkhuikaw kah a luu koek te Beelzebul tila a khue u atah, a cakaw hue tare tah te lak ah anauh ngaai miingthe oen a khue u ai!” a tina.

Mathai 22:16

Tecoengah amami kah hubang khatsut hue oen Herod kah thlaang khatsut hue te Jesuh tengla a tuih u tih, ahimi lawng,” Saya, nang lawngtah awl doeng na thui tila ka ming u. Pathen kah kawngaihna a kawng he khaw thlaang lawng metila a poek ti khaw rih ohla na cang puei tih a-u kah mik-hai khaw na bueh nawh.

Mathai 27:63

“Bawipa hoem thui thlaang ahih lawng te a hing vengah, ‘Kai tah duekna kalawng ka tho koep ai’ tila a thui te ka ming u.

Marku 12:14

A tengla te law u tih, “Saya, nang tah awltak na thui yoeyah, thlaang kah poekna khaw n'tu la na ngaai nawh. Nang lawngtah thlaang mik-hai khaw na dan nawh tih Pathen kawngaih awltak te thlaang na cang puei tite ka ming u. Rom Sengpahrang Sangluel tengah mangmu peek he mami kah Phungawl oen kalh u kai aw? Ahimi he mangmu peek ham tueng aw, peek tueng nawh aw? van thui lah,” a tina u.

Johan 7:12

Thlaangping tim ah ahih kawng te tuemtuem a thui u. Thlaang khatsut lawng, “Ahih te thlaang theen ni,” ti u tih khatsut lawng, “Thlaangthe ni.” ti u.

Caeltueih 10:22

Ahimi lawng, “Raalbawi Kornilias lawng n'tuih u. Ahih tah Pathen aka bok thlaang theen pakhat la awm tih Judah thlaang boeih lawngah a hinyah tangkiik u. Nang lawng na thui thli te ahih lawng a yaakna hamla Pathen kah vanthlaang pakhat lawng nang te amah im ah ceh puei ham a thui pe.” a tina u.

Caeltueih 16:39

Tedawngah ahih rawi tengla ahimi te cet u tih reenna a bih u, tecoeng ahimi lawngah te rawi te thongim khui kalawng a thlah u tih khawpui khui kalawng ceh loeih hamla reenna a bih u.

Caeltueih 22:12

Te khawpui khuiah Ananias aka miingna thlaang pakhat awm, ahih tah bokna ben ah tlungmu tih mami kah Phungawl te a vai, te ah aka awm Judah thlaang boeih lawng a hinyah tangkiik u.

Caeltueih 24:5

Kaimi lawng he kah thlaang he thlaang teekyaakkung la ka huh u: ahih lawng he dilai pum kah Judah thlaang thli tengah awlpuungna a sai tih Nazarin bu kah mawtkung la awm,

Caeltueih 28:22

Tede peng tawm ah he bu he athela a thui u dawngah namah kah poekna te kaimi lawng yaak ham ka ngaih u.” a tina.

Caeltueih 4:21

Tedawngah awlcekna khonsil thlaang thli lawng ahih rawi te anauh ngaai la ngaithuenna a peek tih a tuih hih. He tila thaihu aka awm dawngah he thlaang broe lawng Pathen te a thangpawm u tih ahih rawi te dan peek hamla coengg thai nawh.

Caeltueih 5:13

thlaang thli lawng ahimi te a koeh u de, amami bu khuikah thlaang nawh lawngtah ahimi oen tuhkai u ham te tong-aa haitawk u.

Caeltueih 6:3

Tedawngah maya manau thli, Cuihna oen Ciim Muithla oen ah aka betoet namami timkah thlaang pasarih ah tuek uh, ahimi te he kah thaihu kawng khawkhankung la ka khueh u ai.

Rom 3:8

Tedawngah, “thaihu theen a tuengna hamla thaihu the sai u sih” n'ti u nawh kai? Tetih roe la awl na thui tite khatsut hue lawng thawlh n'peel u tih ka thaang a the sak u. Te ang thlaang hue te thawlh peel tuueng la a awm dawngah thawlh peel la awm ai.

2Korin 1:18

Pathen tah uep-awm la awm tih awltak a thui angla nangmi tengkah ka awlkam he khaw, “Oeih,” ti oen ah, “Nawh ni” tila kawpoek thlumthle awl nawh ni.

2Korin 11:21

Te ang thli te sai hamla kaimi tah ka tong-aa sut tih ka dok poen ti ham khaw ka yak sut oh poen! Tede, thlaangngau angla awl ka thui lah ai, a-u khaw thaihu pakhat khat dawngah a oekthloen u ngam atah kai khaw ka oekthloen u ngam van.

2Korin 12:16

Kai he nangmi ham thalrih la ka awm nawh tite namami lawngkhaw soeng na ti u van cawini. Tede khatsut lawngtah, kai lawngah nangmi te kan thaina doelh tih hoem awl oen khup plet la a thai alatna ti u mai ai.

2Korin 4:2

Kaimi lawng ahuepla thaihu sai boeih oen yarau saina boeih te ka hoett u poen; kaimi lawng thailatna ka sai u nawh, Pathen kah awl khaw asoeng a kam nawh la ka thui u nawh. Kaimi tah Pathen mik huh ah awltak aangna dawngah ka hing u tih thlaang boeih kah athetheen mingna kawpoek te atheenna ham kamami oen kamami he phep u ham ka yawm u.

1Thessalonika 2:3

Nangmi tengah kaimi lawng reenna kavan bih u he asoeng nawh oen kawpoek ciimna nawh oen nawh tih, a-u khaw thailatna ham te ka ngaih u nawh dawngah ni.

1Timothy 3:7

Ahih tah khrihcabu khuiah aka awm nawh thlaang lawngkhaw a hinyah thlaang seh, te atah a thang the nawh vetih seitan kah dong dawngah te man manawh.

1Timothy 4:10

Mami lawngah he thlaang boeih thlawnkung, awlpuila aka oeng thlaang thli kah thlawnkung aka hing Pathen dawngah ngaiuepna te n'khueh u tih mami lawng patangplai oen arai acaangla bii m'bi u.

Hebrew 13:13

Tedawngah rehbukk adauben ah amah tengla te cet u silang ahih kah yarau a phueih te phuei u van sih.

1Peter 4:14

Khrih hubang la na awm u dawngah nangmi te n'thui theet u atah na kaw hoe sak u lah; he tah Pathen Muithla ruep-awmna oen aka be muithla te nangmi sawah awm ti ngaihna ni.

3Johan 1:12

Demetrias kah theenna he thlaang tawm lawng a thui; awltak roe lawng ahih kah theenna he a thui. Mami lawngkhaw atheenna te n'thui u tih kai lawng ka thui he soeng tila na ming u.

Olphong 3:9

Hutung lah! Judah thlaang la ka awm ti u tih Judah thlaang tak nawh hoem thui hue te tah Seitan kah thlaang thli te nangmi haiah kavan law sak vetih na khow kungah ka buekuep sak ai. Nang kan lungna te ahimi boeih lawng a ming ai.