2Korin 6:5 - Matu Chin New Testament 2006

⁵ Kaimi he cungpoelh oen n'bawh u, thong ah n'thlaak u tih rangpui kah awlpuung kaacaan la saina te ka yawkk u. Kaimi he duemdawng ohla bii n'bi sak u tih ih mueh ih naai la, buh mueh buh pawng la n'khueh u.

Matu Bible

⁵ lucik dongah, thongim dongah, soekloeknah dongah, thatlohnah dongah, mikhue dongah, yaehnah dongah,

2Korin 6:5 Iomraidhean Croise

Mathai 14:10

Tedawngah thongim khuikah Johan luu te a tloek sak.

Mathai 14:3

Teveng thlan ah Herod lawng Johan te a tuuk sak tih thong khuiah a thlaak. Ahih lawng tila a sai he tah a manau Filip kah a yu Herodias kawng dawngah ni.

Mathai 9:15

Jesuh lawng, “Yuluipoei ah yulokung a awm khuiah poei aka bur kamyin thli te a kaw the u ai aw? Tede ahimi teng kalawng yulokung te athlala a khuenna khawhin apha vengah ahimi lawng buh a yeh u badai.

Caeltueih 13:3

Ahimi lawng buh a yeh u tih thangthui u, ahih rawi sawah kut a tloeng pe u tih tecoeng atah ahih rawi te a tuih u.

Caeltueih 14:19

Pisidia ram khuikah Antiok khaaw oen Ikoniam khaaw kalawng Judah thlaang khatsut te law u tih thlaangping te amami benla a doek u thai, Pawl te lungto oen a de u, duek poen tila a poek u tih khawpui adaubenla te a mawt u.

Caeltueih 14:23

Ahih rawi lawng khrihcabu roekk ah ahaamca thli te a khueh pe, ahih rawi lawngah buhyeh thangthuina oen ahimi te a uepna Pathen tengah a nawn.

Caeltueih 17:5

Tede Judah thlaang thli lawngtah a uett a ee u tih lawngteng lawngvai kah boethe halang thlaang thli te a cawi tun tih thlaangping la a tingtun sak. Ahimi lawngah khawpui khuiah cumplaam la tho u, Jason kah im te a muk u tih Pawl oen Silas te thlaangping tengah khuen hamla a tlap u.

Caeltueih 20:31

Tedawngah ngaithuen uh, kum thum khui puet ah khawyiin khawdaai mikphi oen kan cang puei u te hilh u boel.

Caeltueih 23:10

Awlpuungna te solaan tare hang tih Pawl te petpet a doek u hau mai ai ti tih lakueng u. Tedawngah raalkap thli te thlaangping tengla a tuih tih, ‘Pawl te ceh puei u langtah raaltoetna vawngup la khuen uh’ a tina.

Caeltueih 23:35

Ahih lawngah, “Nang te taya aka cawikung thli avan pha u vengah nang kah lumlai he kavan thui badai” a tina. Tecoengah Pawl te ram ukbawi amah kah yungimpui ah khueh tih raalkap thli lawng toet hamla awl a peek.

Caeltueih 24:27

Khaw kum hih a awm coeng atah Filik te Porcias Fitas lawng avan thaw tih ram ukbawi la awm. Filik lawng Judah thlaang thli te a kaw hoe sak ham a ngaih dawngah Pawl te thong khuiah poe a khueh.

Caeltueih 26:10

Jerusalem ah te tila te ka sai. Kai lawng khawsoeih ahaamca thli tengkah saithaina aana te ka dang tih Pathen kah thlaang yahawh hlang mai te thong ah ka thlaak; Ahimi te a ngawn u vengah khaw ngawn ham roe la kai lawng ka ngaih puei van.

Caeltueih 26:29

Pawl lawngah, “Atue soetca ah khaw, asan hlang ah khaw, he kah thiirui he tah thui muehla nang oen tihin ah ka awlthui aka hutung nangmi boeih he kai angla awm van ham Pathen tengah ka thangthui!” a tina.

Caeltueih 28:30

Pawl lawng im a vat tih kum hih khui te ah te awm. Amah tengla aka law boeih te atheenla a do.

Caeltueih 5:18

Ahimi lawngah celtuih hue te a tuuk u tih rangpui kah thongim ah te athlaak u.

1Korin 15:10

Tede Pathen lungvatna rang oen tahe kah ka awm angla he ka awm tih lungvatna m'peek te khaw apoei-oepla ka khueh van nawh. Atloe celtuih hue lak ah kai tah apuehla bii ka bi ngaai, tede kai lawng ka bi ti ham awm nawh tih ka tengkah Pathen lungvatna lawng ni a bi.

1Korin 4:11

Tahe vengah khaw buhpawng tuihalh oen ka rera u; hinaak himbai pawn sawi ka buen ka naak u; thlaang lawngah kaimi n'tam u; ahuen atloe tloe la ka pooeng reroe u;

1Korin 7:5

Nangmi lawng kawlkalh thangthuina ham ah kawvaina na khueh u atue bueng te nawh atah namami khat oen khat kah ngaihna te thana u boel; tecoeng atah na awm nooek la te awm koep uh. Te atah na kuemsuem thai u vetih Seitan kah suek-halhna te na taa u thai ai.

2Korin 11:27

Thatlawh thaboepla bii sai ham koei awm, ih mueh ih naai la ka awm taitu; buhpawng tuihalh la ka awm poepa; kuepyingna im khueh mueh la, caak awkk khoeknoen khaw khueh ohla, nakbai khaw khueh ohla ka awm poepa.

Ephesa 3:1

He kawngah ni Khrih Jesuh kah thongtla Kai Pawl lawng nangmi Gental thlaangphun ham Pathen tengah ka thangthui.

Philipi 1:13

He kawngah he, sengpahrang impui aka toet raalkapbu boeih oen he kah thlaangtloe boeih lawngah, Khrih kah tuihyoeihthlaang la ka awm dawngah thong ka tlaak he a ming u.

1Thessalonika 2:9

Maya manau thli, kaimi lawng thatlawh thaboepla bii ka bi u te na hilh nawh cawini! Pathen tengkah Awlthang Theen nangmi teng ka thui vengah te nangmi kah thalrih la ka awm nawh ham yiin, daai bii ka bi u.

1Timothy 4:10

Mami lawngah he thlaang boeih thlawnkung, awlpuila aka oeng thlaang thli kah thlawnkung aka hing Pathen dawngah ngaiuepna te n'khueh u tih mami lawng patangplai oen arai acaangla bii m'bi u.

2Timothy 1:8

Tecoengah mami kah Bawipa kawng te thui hamla yak boel; Khrih kawngah thong aka tla kai kah kawngah khaw yak boel. Pathen lawng tharana m'peek angla te Awlthang Theen hamla khawdeng patang khang hawn.

2Timothy 2:9

Metihtiah kai lawng Awlthang Theen ka phawng dawngah patang ka khang tih lumlai aka hu thlaanghuuen angla thiirui oen n'khih u. Tede Pathen kah awl tah thiirui oen khit thai nawh.

2Timothy 4:5

Tede nang tah me ang akawng alam dawngah khawseh namah oen namah te kuemsuem uh, patang palai te ueh hawn, Awlthang Theen phawngkung la na awmna bii te bi langtah Pathen kah tuihyoeihthlaang la na awm van angla na bi koei boeih te sai.

Hebrew 11:36

Khatsut hue te nuihbu kamring la a sai u tih cungpoelh oen a bawh u, khatsut hue te thiirui oen a khih u tih thong ah a thlaak u.

Hebrew 13:17

Nangmi aka mawtkung thli kah awl te ngaai u lang ahimi kah awl thui te vai uh. Ahimi lawngah amami kah biibina kawng te Pathen tengah thui ham koei la a awm dawngah duemdawng ohla nangmi kah hingna te a doen a cang u. Nangmi lawng a awl na ngaai pe u atah ahimi lawngah awmngaih kawhoe la bii te a bi u ai; a awl te na ngaai pe u nawh atah ahimi lawng kawthe ruila bii te a bi u vetih nangmi ham hoeikhangna awm manawh.

Hebrew 13:23

Mami kah manau Timote te thong khui kalawng a thlah u poen tite nangmi ming sak ham ka ngaih. Ka tengla avan pha yue atah nangmi kan hip vengah ahih te kavan law puei ai.

Olphong 2:10

Nang lawng patang khang ham koei me ang khaw rih boel. Hutung lah! Seitan lawng nangmi noekdakna ham thlaangvaang te thong ah a thlaak ai; nangmi kah patang khangna te hin ha khuiah boet ai. Duek toela kai ham uep-awm la awm lah; taana kutdo la hingna kan pe ai.