2Korin 6:4 - Matu Chin New Testament 2006

⁴ Te tila te sai ohla khawdeng mingna, raina, patang khangna boeih he kawdaw thinsan oen ka ueh u tih soeprep boeih ka saina dawngah Pathen kah tuihyoeihthlaang la ka awmna te ka tueng sak u.

Matu Bible

⁴ Tedae soeprhaep dongkah Pathen kah tueihyoeih rhoek vanbangla, muep uehnah dongah, phacip phabaem dongah, a kueknah dongah, citcai dongah,

2Korin 6:4 Iomraidhean Croise

Luka 21:19

Acakla pai lah, tetih atah namah oen namah te na thlawn u ai.

Johan 16:33

Nangmi lawng kai oen ah tuhkaina rang oen ngaimawngna na khuehna ham he he kavan thui. Dilai lawng nangmi raina m'peek ai. Tecakhaw na thin cak sak uh! Kai lawng dilai ka taa poen!” a tina.

Caeltueih 2:22

Ka puei Israel thlaangphun thli, ka awl he hutung u lah! Nazaret khaaw kah Jesuh lawng Pathen kah saithaina aana a khueh tite ahih rang oen Pathen lawng a sai kawpoekrai miknoekna oen kawpoekrai thaihu oen ah aciimphanla a tueng sak poen. Te ang thli te namami mik huh ah a sai dawngah nangmi lawng na ming u.

Caeltueih 20:34

Ka paya laikoei thli oen kamah kah ngoe ngaihna boeih te dang hamla kamah lawng ka kut oen bii ka bi te nangmi lawng na ming u.

Caeltueih 9:16

Tecoengah kamah roeroe lawngah kamah kawngah patang a khang ham koei boeih te ka huh sak ai.” a tina.

Rom 14:18

He tila Khrih kah bii te aka bi lawngtah Pathen te a awmngaih sak tih thlaang lawngkhaw a koeh.

Rom 16:10

Khrih ah uep-awm Apellis khaw kan toei. Aristobulas imkhuikaw khaw kan toei u.

Rom 3:5

Tede nangmi kah thaihu the saina dawngah Pathen kah thaihu sai a soeng te a tueng sak atah metila a awm ai? Pathen lawng mami te thawlh m' peel tih dan n'tat atah Pathen he soeng nawh n'ti ai aw? (Thlaanghing poekna oen thui atah).

Rom 5:8

Tede, thlaangthawlh la n'awm vengah Khrih tah mami ham a duekna oen Pathen lawng mami he metila n'lungna tite a tueng sak poen.

1Korin 3:5

Ataktang atah Apollos he a-u? Pawl he ta a-u? Kaimi he tah nangmi lawng Pathen te na tangna u hamla mawtkung Pathen kah thlaang thli mai ni. Kaimi lawngah Bawipa lawng sai hamla m'peek bii te ni ka bi u.

1Korin 4:1

Nangmi lawngah kaimi he Pathen kah awlhuep awltak khoembelkung, Khrih kah tuihyoeih-thlaang la nan poek u ham awm.

1Korin 9:11

Kai hih lawngah muithla caangti te nangmi tim ah ka tuh poen. Nangmi tengkah thaihu apuung ataai te kaimi lawng ka ah u te yahawh aih aw?

2Korin 11:23

Ahimi te Khrih kah tuihyoeihthlaang aw? tede kai tah ahimi lak ah atheen ngaai tuihyoeihthlaang la ka awm tite thlaangngau angla ka thui! Kai tah bii rai yahawh ngaai ka bi; thong ah ka tla poepa, cungpoelh oen voei yahawh hlang la m'bawh u, alak avai atah duek dalh la ka awm.

2Korin 11:27

Thatlawh thaboepla bii sai ham koei awm, ih mueh ih naai la ka awm taitu; buhpawng tuihalh la ka awm poepa; kuepyingna im khueh mueh la, caak awkk khoeknoen khaw khueh ohla, nakbai khaw khueh ohla ka awm poepa.

2Korin 11:9

Tecoengah nangmi tengah ka awm vengah te tangka ka ngoe ah khaw bawmna kavan bih nawh; Macidonia kah aka law maya manau thli lawngah ka ngoe thaihu boeih te kai ham avan khuen u. N'hu vengkah ka awm angla ni hailam ben ah khaw ka awm ai: Nangmi ham thalrih la ka awm aih manawh.

2Korin 12:10

Khrih rang oen atah ka tha a yokna dawngah, thekhana dawngah, raina dawngah, heemtekna oen patang khangna dawngah ka awmngaih poen. Metihtiah ka tha a awm nawh vengah ni ka tha a ra.

2Korin 12:12

Celtuih pakhat la ka awmna te nangmi tengah kawdaw thinsanna oen kawpoekrai miknoekna, kawpoekrai thaihu yahawh hlang saina oen ka tueng sak poen.

2Korin 2:17

Kaimi tah Pathen kah awl te aphu aka awm nawh thaihu thaiha la aka sai thlaangtloe hue oen ka lo u nawh; tede Pathen lawng kaimi he n'tuih u dawngah, Khrih kah tuihyoeihthlaang la ka awm u van angla Pathen haiah te thinkaw ciimna oen ka thui.

2Korin 3:6

awlkam thaai bii he kaimi aka bi sak thai tah Pathen amah ni. Te awlkam thaai te tah ca oen thut la aka awm phungawl nawh tih Muithla te ni. Ca oen a thut phungawl lawngtah duekna te a thoeng sak tih Muithla lawngtah hingna te a peek.

2Korin 4:17

Tecoengah mami lawngah raina tehca kawlkalh ah n'tawngna lawngah he, he kah raina lak ah abo ngaai dungyan ruep-awmna te apueh asawmla m'peek ai.

2Korin 4:2

Kaimi lawng ahuepla thaihu sai boeih oen yarau saina boeih te ka hoett u poen; kaimi lawng thailatna ka sai u nawh, Pathen kah awl khaw asoeng a kam nawh la ka thui u nawh. Kaimi tah Pathen mik huh ah awltak aangna dawngah ka hing u tih thlaang boeih kah athetheen mingna kawpoek te atheenna ham kamami oen kamami he phep u ham ka yawm u.

2Korin 4:8

Mami lawng patang raina tah n'tawng poepa de n'rek tang tang aih nawh; alak avai atah kawpoek cawm-am sut de kawpoek boet dingri aih nawh;

2Korin 7:11

Nangmi kah kawthena te Pathen lawng metila a hawna tite ming u lah: nangmi te tha avan thlue sak poen; na thawlh u nawh tite tueng sak ham metihtlukla na kaw a thluembuek u! Na thin sa u, na lakueng u, nan ngaai tangkiik u poen, doengna te sai ham na ngaih u poen; sai thawlhna te dan peek ham oepsoehla na awm u! He thaihu boeih dawngah he nangmi tah thawlhpalhna awm nawh tite namami lawng na tueng sak u poen.

Kolosa 1:11

Soeprep boeih te thinsan kawdaw oen na ueh thaina ham Pathen ruep-awmna huham dawng kalawng aka law tharana boeih oen n'cak sak u seh.

Kolosa 1:24

Tahe ah nangmi ham patang palai ka khangna dawngah he ka awmngaih, metihtiah Khrih lawng amah kah pum la aka awm khrihcabu ham patang khang hamla aka awm hun te asoepna ham ka pumsa patang khangna oen a yueng ka theng pe.

1Thessalonika 3:7

Tedawngah maya manau thli, kaimi lawng raina oen thekhana ka tawng cakhaw nangmi kah kawng lawngah ka tha avan thlue sak,

1Thessalonika 5:14

Maya manau thli, nangmi lawngah thayong thlaang te ngaithuenna pe uh, riyawp thlaang te thincakna pe uh, tha aka yoek thlaang te bawmcem uh, thlaang boeih tengah na kaw daw sak ham kan uen u.

1Timothy 2:15

Tede hutaa lawngah acuep amueih la oengna, lungna oen ciimna dawngah acakla a awm atah camoe cuunna rang oen ah thlawnna a dang ai.

1Timothy 4:6

He kah thuituenna thli he maya manau thli tengah na thui pe atah nang tah Khrih Jesuh kah atheen tuihyoeihthlaang la na awm ai; namah oen namah muithla ben na cawm na cah u van angla te oengna awl oen aka soeng cangpueina namah lawng na vai te hawna lah.

1Timothy 6:11

Tede nang tah Pathen kah thlaang la na awm dawngah he thaihu thli boeih he rel-aram hawn. Doengna, Pathen hinyahna, oengna, lungna, uehthaina oen kawdawna te khueh hamla yawm lah.

2Timothy 1:8

Tecoengah mami kah Bawipa kawng te thui hamla yak boel; Khrih kawngah thong aka tla kai kah kawngah khaw yak boel. Pathen lawng tharana m'peek angla te Awlthang Theen hamla khawdeng patang khang hawn.

2Timothy 2:24

Bawipa kah tuihyoeihthlaang tah tawhsi u ham awm nawh. Ahih tah thlaang boeih aka reen, kawdaw thlaang, cangpueikung saya theen la awm ham ni,

2Timothy 4:5

Tede nang tah me ang akawng alam dawngah khawseh namah oen namah te kuemsuem uh, patang palai te ueh hawn, Awlthang Theen phawngkung la na awmna bii te bi langtah Pathen kah tuihyoeihthlaang la na awm van angla na bi koei boeih te sai.

Hebrew 12:1

Tedawngah he yoeh aih la sausi yahawh lawng mami he n'yaawl khoep poen dawngah mami cehna lawngpui ah kanghalhkung thaihu soeprep boeih oen mami pum ah aka bat mangkhak thawlhna boeih te dul u silang tah mami haiah avan khueh lansak benla te loehlang u silang heng u sih.

Olphong 1:9

Kai tah nangmi kah maya Johan ni. Jesuh kah hubang la ka awm van angla a Ram khuiah aka awm hue kah patang khangna aka ming haih na puei na paw van ni. Pathen kah awl oen awltak, Jesuh lawng a phawng te ka thui dawngah Kai he Patmos tuisanglak ah n'khueh.

Olphong 3:10

Thinsan kawdaw oen ueh hamla awl kan peek te na vai u dawngah, dilai sawkah thlaang boeih noekdakna hamla dilai dawngah aka law ham koei patang raina atue ah kan loeih sak ai.