2Korin 6:16 - Matu Chin New Testament 2006

¹⁶ Metila Pathen kah tempal bok-im te aka oeng nawh kutsai mueime oen a roep hih thai ai? Metihtiah mami tah aka hing Pathen kah tempal bok-im ni! Pathen amah lawngah, “Kai lawngah ka awmna im te ka thlaang thli oen ka sak vetih ahimi tim ah ka awm ai; Kai tah ahimi kah Pathen la ka awm vetih ahimi te kai kah thlaang la awm u ai,” ti.

Matu Bible

¹⁶ Pathen kah Bawkim te mueirhol taengah ba olkhueh lae aka om? Mamih tah aka hing Pathen kah bawkim ni. Pathen loh, “Amih khuiah kho ka sak vetih ka hil ka dong. Amih kah Pathen la ka om vetih amih khaw ka pilnam la om ni,” a ti.

2Korin 6:16 Iomraidhean Croise

Mathai 16:16

Simon Piter lawng, “Nang tah aka hing Pathen Capa Messiah ni,” a tina.

Mathai 6:24

“A-u lawngkhaw bawi pahih kah bii te bi thai manawh. Pakhat te a thina vetih pakhat te a lungna ai. Pakhat te a hinyah vetih pakhat te a huhsit ai. Pathen oen tangka kah bii te pahih bokla na bi thai manawh.

Luka 5:36

Jesuh lawng ahimi tengah he kah thuidoetna he khaw a thui pe: “A-u lawngkhaw angki aruem te hisa athai oen ah baw nawh, angki aruem te hisa athaai oen a baw atah hisa athaai te angki aruem oen ah roepcap manawh.

Johan 14:23

Jesuh lawng, “A-u khaw kai aka lungna tah kan cang puei he a vai ham awm. Ahih te a Pa lawng a lungna ai, kai oen a Pa te a tengla ka law vetih ahih tengah te ka awm hih ai.

Johan 6:56

A-u khaw ka ngan he a caak tih ka thi he aka aw tah kai dawngah hing tih kai khaw ahih dawngah ka hing.

Rom 8:11

Jesuh te duekna kalawng aka thawh sak Pathen Muithla te nangmi khuiah a awm atah, Khrih te duekna kalawng aka thawh sak Pathen Muithla nangmi khuiah a awm dawngah nangmi kah aka duek ham koei pum te hingna a peek van ai.

Rom 8:9

Tede nangmi tah thlaanghing pumsa ngaihna ah na awm u nawh, Pathen Muithla nangmi khuiah ataktangla a awm atah Muithla kawngaih angla na awm u. A-u khaw Khrih Muithla aka khueh nawh tah Khrih amah koe la awm nawh.

Rom 9:26

‘Nangmi tah ka thlaang la na awm u nawh' a tina huen roe ah nangmi tah aka hing Pathen kah ca-anau thli ni a tina ai,” tila a thui.

1Korin 10:21

Nangmi lawngah Bawipa kah boengloeng oen raai kah boengloeng te khaw na aw renten thai nawh vetih Bawipa kah caboi oen raai thli kah caboi te khaw vai at la na veel thai manawh.

1Korin 6:19

Nangmi kah pum te tah namami kaw khuiah aka awm Pathen kah peek Ciim Muithla a awmna tempal bok-im ni tite na ming u nawh aw? Nangmi tah namami kah koe la na awm u nawh tih Pathen kah koe la ni na awm u;

Ephesa 2:20

Nangmi khaw celtuih thli oen tawngha thli lawng lungdang a suem tangte dawngah a sak im la te na awm u van poen tih Khrih Jesuh amah te imkil lungto la awm.

Ephesa 2:22

Amah oen pumkhatla awmna rang oen ah nangmi khaw thlaangtloe hue boeih oen a sak haih Pathen lawng amah Muithla oen a awmna im la na coengg u poen.

Ephesa 3:17

oengna rang oen ah nangmi kah thinkaw lungbui ah Khrih lawng a im te sa seh tila ka thangthui. Nangmi lawng lungna dawngah akung na liing tih thlengyung na thlaakna ham khaw ka thangthui,

1Timothy 3:15

Tede ka law haai nawh oh atah aka hing Pathen kah khrihcabu, tuungtang la aka pai tih awltak aka hing puei, Pathen imkhuikaw ah mami lawng metila khaw n'sak ai tite he capat lawngah avan thui ai.

2Timothy 1:14

Mami khuiah aka hing Ciim Muithla kah tharana rang oen ah nang tengah avan tloeng thaihu theen te anepla kuem-akawl.

Hebrew 3:6

Tede Khrih tah Pathen im khuiah ukkung uep-awm a Capa la awm. Mami lawng ngaiuepna dawngah thincakna n'khueh tih uepvoetna a awm nawh atah mami tah amah kah im ni.

Hebrew 8:10

Tecoengah Bawipa lawng, “Aka law ham koei khawhin ah Israel thlaangphun oen he tila paipi te ka sai ai; Kai lawngah kamah kah phungawl thli te a thinkaw ah Ka khueh pe vetih a lungbui ah ka thut pe ai. Kai tah ahimi kah Pathen la ka awm vetih ahimi tah ka thlaangphun la awm ai.

James 4:5

Caciim lawngah, “Pathen lawng mami kaw khuiah avan khueh muithla tah rih-awm hue-angaihna oen betoet,” tila a thui te a thui ngaihna tangtang awm nawh tila poek hau u boel.

1Peter 2:5

Nangmi khaw aka hing lunghiim angla law u langtah, namami roe te muithla ben kah tempal bok-im sakna la sai u lah. Te huen ah te aciim khawsoeih angla bii na bi u vetih Pathen lawng a do ham koei muithla ben kah luciik te Jesuh Khrih rang oen Pathen tengah na nawn u ai.

1Johan 4:12

Pathen te a-u lawngkhaw hu noek nawh, tede pakhat oen khat n'lung u atah Pathen tah mami oen pumkhatla awm tih a lungna tah mami dawngah soep.

1Johan 4:15

A-u khaw Jesuh tah Pathen Capa ni tila a phawng atah ahih te Pathen oen pumkhatla awm tih Pathen khaw ahih oen ah pumkhatla awm.

Olphong 2:1

“Efesa khaaw, Khrihcabu tengah he tila thut lah: A bantang kut ah aisi pasarih aka pawm tih sui haivangna pasarih tim ah aka yingyawi kah awl te tah he tila ni.

Olphong 21:3

Bawingawlhcoen dawng kalawng awl angaihhlangla a thui te ka yaak: “Tahe tah Pathen im te thlaanghing tengah awm poen! Pathen tah ahimi oen awm haih vetih ahimi tah Pathen kah thlaang la awm poen ai. Pathen amah roe te ahimi oen awm haih vetih ahimi kah Pathen la awm poen ai.

Olphong 21:7

Taakung la aka awm boeih lawngtah ka tengkah thaihu he a dang ai: Kai tah ahimi kah Pathen la ka awm vetih ahimi tah kai kah ca anau la awm ai.