2Korin 6:10 - Matu Chin New Testament 2006

¹⁰ Kaw avan the sak u de ka awmngaih u yoeyah; kaimi khawdeng thlaang angla ka awm u de, thlaang yahawh te ka bawi sak u, thaihu khat khaw khueh nawh angla ka awm u de, atak tang atah kaimi lawng soeprep ka khueh ka toen u.

Matu Bible

¹⁰ Ko aka thae puet loh omngaih la, rhep aka khodaeng loh boei la, aka khueh pawt loh boeih aka khueh la ng'om uh.

2Korin 6:10 Iomraidhean Croise

Mathai 5:12

“Awmngaih u langtah na kaw hoe sak uh, nangmi ham vaan ah kutdo abohlang awm, he tila ni nangmi na awm thlan vengkah tawngha thli khaw aheem atek u roe poen.

Mathai 5:4

“Kawthe oen aka rung aka rap thli tah yotheen kam-awmna aka dawng thlaang la awm; Pathen lawng ahimi te a thloep a hoelh ai!

Luka 6:21

“Tahe ah buh mueh buhpawng la aka awm thli tah yotheen kam-awmna na dawng u; Nangmi tah na bung hah ai! Tahe ah aka ruungrap nangmi hue tah yotheen kam-awmna na dawng u; nangmi nuihcalna te awm badai!

Johan 16:22

Te tila te nangmi khaw na awm u van ai: tahe ah na kaw the u, tede nangmi te koep kan huh u vetih na awmngaih tangkiik u ai; te tah a-u khat lawngkhaw a lawh thai nawh awmngaihna ni.

Caeltueih 16:25

Yiinthuem tang yunyan atah Pawl oen Silas lawng thangthui hih tih Pathen koehna laa a sak hih, atloe thongtla thli lawng ahih rawi kah laa sak awl te a hutung u.

Caeltueih 3:6

Tede Piter lawng ahih nala, “Tangka ka khueh thamhalh nawh, tede ka khueh te kan peek: Nazaret Jesuh miing oen ah awl kan peek, tho langtah cet lah!” a tina.

Caeltueih 5:41

Celtuih hue tah awlcekna Khonsil kalawng a ceh u vengah awmngaih u tangkiik, metihtiah ahimi te Jesuh kawngah yarau ming ham tueng roe la Pathen lawng a poek dawngah ni.

Rom 11:12

Judah thlaang thli kah thawlhna lawng dilai ah yotheen kam-awmna yahawh avan khuen tih ahimi kah sung-adeuhna lawng Gental hue hamla yotheen kam-awmna yahawh hlang avan khuen. Tecoengah Judah thlaang yahawh lawng asoepcala a thuum u van veng atah yotheen kam-awmna te metihtlukla asoep tare ai!

Rom 12:15

Awmngaih thlaang thli tengah awmngaih u van. Rungrah oen aka awm thlaang thli tengah rap u van.

Rom 15:13

Ciim Muithla tharana oen nangmi kah ngaiuepna te roep poepa ham ngaiuepna kungpui, Pathen lawngah amah te na oengna rang oen awm-ngaihna oen ngaimawngna boeih oen ah nangmi te abetoetla n'toi hawn seh.

Rom 8:32

Pathen lawng a Capa khueh duen pateng haih ohla mami ham m'peek! Mami hamla a Capa pekung lawng soeprep boeih he ayoela mami peek muehla awm ai aw?

Rom 9:2

Ka thlaangphun ka thi ka sa la aka awm thli hamla ka kaw the tangkiik tih ka thinphatna lawng boet nawh.

1Korin 1:5

Metihtiah Khrih oen pumkhatla awmna rang oen ah awlcal thingkaa oen thoemthai cuihna boeih ah khaw soeprep boeih ah na bawireng soeh u poen.

2Korin 2:4

Nangmi tengah lakuengna oen thinphatna oen ah mikphi oen ni ca te ka van thut. Kai lawng mengtengna tah nangmi te kawthe sak ham nawh tih nangmi boeih te kai lawng metihtlukla kan lungna tite ming sak ham ni.

2Korin 4:15

He ang thli boeih he tah nangmi hamla ni, Pathen lungvatna lawng thlaang yahawh tengah a pha tare van angla Pathen ruep-awmna hamla ahimi lawng awmngaih ciil a thui khaw yahawh van ai.

2Korin 4:7

Tede Pathen tengah saithaina asang koek te awm tih mami tengah awm nawh tite a tuengna ham Muithla ben ro thaihu khuehkung mami he tah dilai-am mailai la ni n'awm mai.

2Korin 8:9

nangmi lawng mami Bawipa Jesuh Khrih kah lungvatna te na ming u; ahih tah bawi soeh mai de nangmi kah theenna ham khawdeng thlaang la coengg, he tila khawdeng la a awmna oen ah nangmi te kuirang thlaanglen la coengg sak ham a ngaih dawngah ni.

Ephesa 3:16

Nangmi kah akhuiben thinkaw tharana ham amah Muithla rang oen ah a ruep-awm bawilenna dawngkah tharana te nangmi m'peekna ham ka bih tih,

Ephesa 3:8

Kai tah Pathen kah thlaang boeih lak ah huhsit koek la ka awm de, Khrih kah thuilek thuina nawh a bawilenna kawng Awlthang Theen te Gental thlaangphun tengah thui hamla,

Philipi 2:17

Nangmi lawng oengna oen na nawn thaihu angla Pathen tengah na nawn u luciik dawngah ka hingna thisen he duei mai cakhaw ka awmngaih vetih nangmi boeih oen haih ka awmngaih ai.

Philipi 4:4

Bawipa oen pumkhatla na awm u dawngah awmngaih poepa u lah. Koep ka thui; awmngaih u lah!

Kolosa 1:24

Tahe ah nangmi ham patang palai ka khangna dawngah he ka awmngaih, metihtiah Khrih lawng amah kah pum la aka awm khrihcabu ham patang khang hamla aka awm hun te asoepna ham ka pumsa patang khangna oen a yueng ka theng pe.

Kolosa 3:16

Khrih kah awl acungkuem ah aka soep te nangmi kaw khuiah awm seh. Cuihna aka awm boeih oen nangmi khat oen khat tuukkiik u lang toelthaam uh. Saam laa, Koehna laa oen laa ciim te sa uh; Na kaw khuikah awmngaihna laa oen Pathen te koeh uh;

1Thessalonika 1:6

Nangmi lawng kaimi oen Bawipa kah moeiboe te na oett u, patangraina yahawh hlang na tawng u vengah khaw, Ciim Muithla tengkah aka law awlthang te awmngaih oen na do u.

1Thessalonika 5:16

Awmngaih poepa u lah,

1Timothy 4:8

Pumsa oen cangna he aphu tah awm thoem van, tede muithla ben cangna lawngtah soeprep ah aphu awm, metihtiah, tahe veng hingna ham khaw, hailam ben hingna ham khaw pahih bok hamla awl a kam.

1Timothy 6:18

Ahimi lawngah atheen thaihu sai ham, bii theen te bina oen kuirang la awmna u ham, moeihoeihla thlaangtloe a do adan thaina u ham van thui peh.

Hebrew 10:34

Nangmi lawng thongtla thli te patang na khang puei tih na khueh thaihu boeih te avan rot u vengah na sung na deuh te awmngaih oen na ueh u. Metihtiah te ang thli lak ah atheen ngaai dungyan thaihu awm tila na ming u dawngah ni.

James 2:5

Maya manau thli aw, hutung u lah! Pathen lawngah he dilai dawngkah khawdeng thlaang thli he oengna ah kuirang la awm ham, amah aka lungna thlaang thli ham a kam pe vaan ram te pang hamla a tuek.

1Peter 4:13

Te lak atah Khrih kah patang khangna te na khang u van dawngah awmngaih u lah. Te ah ni ahih kah ruep-awmna a tueng vengah nangmi lawng awmngaihna oen na betoet ai.

Olphong 2:9

Patang raina na tawng te ka ming; na khawdeng te khaw ka ming, tede nang tah kuirang tangtang! Judah thlaang nawh de, Judah thlaang la ka awm aka ti hue lawng na thaang a the sak u te ka ming; Ahimi tah Seitan kah thlaang ni!

Olphong 21:7

Taakung la aka awm boeih lawngtah ka tengkah thaihu he a dang ai: Kai tah ahimi kah Pathen la ka awm vetih ahimi tah kai kah ca anau la awm ai.