2Korin 5:8 - Matu Chin New Testament 2006

⁸ Mami tah thincak oen n'awm u tih pumtaksa he ceh taak tih Bawipa oen im ah awm haih hamla te n'ngaih u.

Matu Bible

⁸ N'sayalh uh dongah pumsa lamkah m'vi uh ham neh Boeipa taengah naeh ham te n'lungtlun uh ngai.

2Korin 5:8 Iomraidhean Croise

Mathai 25:21

A bawi lawng ‘Nang tah, ueppangna koei tuihyoeihthlaang la na awm! Thaihu yoehca dawngah ueppang koei la na awm dawngah thaihu yahawh kuemkung la kan khueh ai. Law langtah ka awmngaihna khuiah kuun van,’ a tina.

Mathai 25:23

A bawi lawng ‘Theen tangkiik, Nang khaw tuihyoeihthlaang ueppang koei la na awm. Thaihu yoehca dawngah ueppang koei la na awm dawngah thaihu yahawh kuemkung la kan khueh ai. Law lang ka awmngaihna khuiah kuun van lah,’ a tina.

Luka 2:29

“Bawipa, tahe ah na awlkam te na soep sak poen tih na salpa he ngaimawng ngaitoe la nan ceh sak poen ai.

Johan 12:26

A-u khaw kai kah bii he bi hamla a ngaih atah ka hu ah bang seh, te dengah ni kai kah tuihyoeihthlaang thli lawngah ka awmna ah a awm u van ai. Kai kah bii aka bi te tah a Pa lawng a thangpawm ai.” a tina.

Johan 14:3

Kai lawng ka cet vetih nangmi hamla ahuen te ka roekbah coengah ka law koep vetih kai ka awmna ah nangmi awm van ham kan lawh ai.

Johan 17:24

“A Pa! Dilai suen thlan vengah nan lungna tih ruep-awmna nan peek, te kah ruep-awmna te nang lawng ka tengah nan peek thlaang thli lawng a huhna u ham kai ka awmna ah ahimi te awm sak ham ka ngaih.

Caeltueih 21:13

Tede ahih lawng, “Me tih na ti u, he tila na rah u he ka thin navan hoepp sak u! Jerusalem ah piin ayeen ham bueng oepsoehla ka awm nawh, te ah te Bawipa Jesuh kawngah duek ham pateng khaw oepsoehla ka awm poen.” a tina.

2Korin 5:6

Tedawngah mami lawng thincak oen n'awm u poepa. He pumtaksa im dawngah mami n'awm khui roekk atah Bawipa kah im oen ah n'thla u tite m'ming u.

2Korin 5:9

Tedawngah mami lawng he kah pumtaksa im ah n'awm ah khawseh, ke kah im ah n'awm u ah khawseh, atloe boeih lak ah amah te awmngaih sak ham ni n'ngaih u.

1Johan 3:2

Ka lungna ka paya thli, tahe ah mami tah Pathen kah ca-anau la ng'awm u poen, tede hai ben ah mami he n'tu oen n'lawh u ai ti he tah m'ming thlan hun. Tede Khrih a law vengah Khrih amah oen n'lo u ai tila m'ming u, metihtiah ahih tah amah roeroe la te mami lawng n'huh ai.

Olphong 22:3

Pathen lawngah a tap avoep thaihu khatca khaw te khawpui khuiah awm manawh. Pathen oen Tuuca kah bawingawlhcoen tah te khawpui khuiah awm tih amah kah a tuihyoeih-thlaang thli lawngah ahih te a bok u.