2Korin 5:20 - Matu Chin New Testament 2006

²⁰ Tedawngah kaimi lawng Khrih yueng la awl ka thui u; Pathen amah lawng nangmi te n'ceel angtoekla ni kaimi lawng kan ceel u. Nangmi lawngah Pathen kah raal la awmna kalawng a paya la awm u loeih tila kaimi lawng Khrih yueng ah kan ceel u.

Matu Bible

²⁰ Te dongah Khrih yueng la ka laipai uh. Kaimih ah Pathen kah n'hloep vanbangla Pathen neh na moeithen uh ham te Khrih yueng la kan hloep uh.

2Korin 5:20 Iomraidhean Croise

Luka 10:16

Jesuh lawng a hubang thli nala te, “A-u khaw nangmi kah awl a hutung u atah kai kah awl ni a hutung u; a-u khaw nangmi kah awl te a hutung nawh atah kai kah awl ni a hutung nawh poen; a-u khaw kai he aka hoett tah kai tuihkung te ni a hoett poen.” a tina.

Luka 14:23

Tedawngah a bawi manghai lawng a tuihyoeihthlaang nala te, ‘Ka im khuiah thlaang abetoetna ham manglai lawngpui oen lawnglak boeih ah cet langtah thlaang boeih te van law puei.

Johan 20:21

Jesuh lawng ahimi nala te, “Nangmi tengah ngaimawngna awm seh, a Pa lawng kai n'tuih van angla nangmi he kan tuih u.” tila koep a thui pe.

Rom 5:10

Mami tah Pathen kah raal la ni n'awm u, tede a Capa duekna rang oen mami he paya laikoei la n'sai poen. Tahe atah Pathen kah paya laikoei la n'awm u poen dawngah Khrih hingna lawng mami he metihtlukla n'thlawn tare ai.

2Korin 12:10

Khrih rang oen atah ka tha a yokna dawngah, thekhana dawngah, raina dawngah, heemtekna oen patang khangna dawngah ka awmngaih poen. Metihtiah ka tha a awm nawh vengah ni ka tha a ra.

2Korin 3:6

awlkam thaai bii he kaimi aka bi sak thai tah Pathen amah ni. Te awlkam thaai te tah ca oen thut la aka awm phungawl nawh tih Muithla te ni. Ca oen a thut phungawl lawngtah duekna te a thoeng sak tih Muithla lawngtah hingna te a peek.

2Korin 5:11

Bawipa he rih ham awm tite thui-ngaihna ka ming u, tedawngah kaimi lawng thlaangtloe te ceel hamla ka yawm u. Pathen lawng kaimi he anep heet la m'ming tih nangmi lawngkhaw na thinkaw oen kai he atheen heet la nan ming u cawini tila ka ngaiuep.

2Korin 6:1

Tedawngah kaimi tah Pathen oen bii aka bi haih la ka awm u dawngah Pathen kah lungvatna aka dang nangmi lawng te lungvatna te apoeila coeng sak u boel tila reenna kavan bih u.

Ephesa 6:20

Tahe ah kai he thong khuiah ka awm de, he awlthang theen ham laipai la ka awm. Ka thui ham tuueng awlthang theen kawng te raltheen oen ka thuina ham thangthui uh.

Kolosa 1:20

Tecoengah Pathen lawng a Capa rang oen khawhipuempa boeih he amah tengla doek koep hamla a ngaih. Pathen lawng a Capa thinglam dawngah a duekna rang oen roeproeina a sai tih vaan oen dilai ah aka awm thaihu boeih te amah tengah a doek koep.

1Thessalonika 4:8

Tedawngah a-u khaw he kah cangpueina he aka vai nawh tah thlaanghing te hoett nawh, tede amah kah Ciim Muithla pekung Pathen te ni a hoett poen.