2Korin 5:19 - Matu Chin New Testament 2006

¹⁹ Kaimi lawng ka thui u awlthang tah Pathen lawng Khrih rang oen thlaang boeih te amah kah paya la a sai ti he ni. Pathen lawng ahimi kah thawlhna te cayin cabu khuiah khueh pe tlaih nawh; ahimi te amah paya la a saina awlthang theen te kaimi he m'peek.

Matu Bible

¹⁹ Pathen tah Khrih ah om tih amah ham diklai a moeithen. Amih kah tholhdalhnah te amamih taengah thoelh pah voel pawh. Mamih taengah khaw moeithennah olka te a khueh coeng.

2Korin 5:19 Iomraidhean Croise

Mathai 1:23

Hulaa cuem pakhat tah vawn vetih capa a cuun ai, a miing tah Immanu-el a sak u ai” (Immanu-el thuingaihna tah “Pathen mami tengah tengah awm” tina ni.)

Johan 14:20

Te khawhin te apha atah, kai he a Pa khuiah ka awm tih nangmi khuiah ka awm van angla nangmi khaw ka khuiah na awm te na ming u ai.

Johan 17:23

Ahimi khuiah kai ka awm tih kai khuiah nang na awm, ahimi lawng pum khat la a awmna rang oen nang lawng kai nan tuih tih nan lungna van angla ahimi khaw na lungna tite dilai lawng a ming ai.

Rom 11:15

Metihtiah ahimi te hoett sut la a awm vengah thlaangtloe boeih te Pathen kah raal la awmna kalawng a paya laikoei la a sai. Tedawngah ahimi Judah thlaangphun te a do koep veng atah metila a awm tare ai? Thlaangduek thli ham hingna la coengg ai.

1Korin 13:5

lungna tah khawboe the nawh, amah ham bueng poek nawh, a thin toi nawh; lungna lawngtah thlaang kah thawlhpalhna te poek khuep nawh;

Kolosa 2:9

Metihtiah Khrih thlaanghing pumsa dawngah Pathen kah pumsa asoepbirla awm tih,

1Timothy 3:16

Mami kah bokna dawngah aka awm alenduet awlhuep he a-u lawngkhaw oelhtaih thai manawh; Ahih tah thlaanghing pumsa la va thoeng, soeng tangtang tite muithla lawng a tueng sak, vanthlaang thli lawng a huh u, Ahih kawng te thlaangphun boeih tengah a thui u tih dilai peng tawm thlaang lawng a oeng u, tecoengah ahih tah vaan la luui hang poen.

1Johan 4:10

Lungna ti he tah he tila ni: mami lawng Pathen n'lungna te nawh ni, tede amah lawng mami he n'lungna tih mami kah thawlhna khawdawp ngaaina ham a Capa avan tuih he ni.