2Korin 5:16 - Matu Chin New Testament 2006

¹⁶ Tedawngah tahe atah kaimi lawng a-u khat khaw thlaanghing siing oen ah alan atang ka thlit u tlaih nawh. N'hu veng atah Khrih he khaw thlaanghing siing angla alan atang ka thlit u de tahe atah te tila ka sai u tlaih nawh.

Matu Bible

¹⁶ Te dongah tahae lamkah tah kaimih loh pumsa la kam ming uh moenih. Khrih te pumsa la m'ming uh ngawn dae tahae ah m'ming uh voel pawh.

2Korin 5:16 Iomraidhean Croise

Mathai 10:37

“A-u khaw kai lak ah a manu oen ana pa te a thintlawhna ngaai atah kai kah hubang la koeih nawh: A-u khaw kai lak ah a capa oen a canu te a thintlawhna ngaai atah kai kah hubang la koeih nawh.

Johan 15:14

Nangmi lawng ka awlpeek he na sai u atah ka paya la na awm u.

Johan 2:4

Jesuh lawngah, “Nang lawng sai koei te van thui boel, kai lawng sai hamla atue pha thlan.” a tina.

Johan 6:63

Hingna pekung tah Pathen Muithla ni; thlaanghing tharana tah a poei ni. Nangmi tengah kavan thui awl lawngah hingna aka pe Pathen Muithla te avan law puei.

Johan 8:15

Nangmi lawngtah thlaanghing siing la awl na cek u; Kai lawngah a-u khat khaw awl ka cek nawh.

2Korin 11:18

Tede thlaanghing kah akawng-alam mailai dawngah te thlaang yahawh lawng a oekthloen u dawngah kai khaw te tila ka oekthloen u van lah ai.

Galati 5:6

Khrih Jesuh oen mami pumkhatla ng'awm u atah yahhuivuen reet khaw, reet nawh khaw athloeina awm nawh; awlpui tah lungna oen bii aka bi oengna te ni.

Philipi 3:4

Atak tang atah te ang thaihu thli te kai lawngkhaw ka uepna thai van ta. Asaw ahan kah saina te ka uepna thai tila thlaang pakhat khat lawng a poek atah te tila poek ham koei la kai lawng akawng alam yahawh ngaai ka khueh.

Kolosa 3:11

Te tila mingna dawng atah Gental oen Judah, yahhuivuen reet oen reet nawh, thlaangngau paathuu, n'tu khaw aka ming nawh thlaang, sal oen thlaangcuem tila ahimi laklaw ah pekbona awm tlaih nawh; Khrih tah soeprep tih soeprep dawngah Khrih tah awm.

James 3:17

Tede saw benkah cuihna tah atloe boeih lak ah ciim, te tah ngaimawngna, boe-ngaaina oen beroepna la awm, te tah reenna oen betoet tih atheen saina athaih theen te a thaih sak; te lawngtah thlaang pekthlena khueh nawh tih thlaang theen la khaw sa u nawh.