2Korin 5:14 - Matu Chin New Testament 2006

¹⁴ Thlaang boeih hamla thlaang pakhat duek tih ahih kah a duekna ah te thlaang boeih duek van tite m'ming u dawngah Khrih kah lungna lawngah mami he n'uk poen.

Matu Bible

¹⁴ Khrih kah lungnah loh mamih n'nan dongah ol a tloek he. Pakhat loh hlang boeih yueng a duek dongah hlang boeih tah duek coeng.

2Korin 5:14 Iomraidhean Croise

Mathai 20:28

Te tila ni Thlaanghing Capa khaw thlaangtloe te bii bi sak ham law nawh tih thlaang kah bii bi ham oen thlaang yahawh te tlang ham oen ah hingna peek ham ni a law,” a tina.

Luka 15:24

Metihtiah ka capa he duek poen de tahe ah hing koep; ahih tah vi vik poen de tahe ah phumpho koep.’ a tina. Tecoeng atah poei te a sai u.

Luka 15:32

Tede na nau he tah duek poen de tahe ah hing koep; ahih tah vi poen de tahe ah phumpho koep, tedawngah ka awmngaih tih poei ka sai u,’ tila a thui pe.” a tina.

Luka 24:29

tede terawi lawng ahih te a tuuk tih, “Kaihih tengah pah van mai; khaw tla thuk poen tih khaw yiin tawm poen.” a tina. Tedawngah te rawi oen pah haih hamla te cet.

Johan 1:29

Avuen khawhin atah amah tengla Jesuh a law te Johan lawng a huh tih, “Dilai thawlhna aka phuei Pathen kah Tuuca ke bueh u lah!

Johan 11:25

Jesuh lawng Marta nala te, “Kai tah thawhkoepna oen hingna ni. A-u khaw kai he aka tangna tah duek mai cakhaw hing ai;

Johan 5:25

Awltak kavan thui u: Pathen Capa awl te thlaangduek thli lawng a yaakna atue te law ai, te kah atue te avan pha poen, te awl aka ya boeih tah hing ai.

Caeltueih 18:5

Macidonia kalawng Silas oen Timote avan pha hih atah Pawl lawng atue atang boeih te awlthang phawngna ham a hawna tih Jesuh tah Messiah ni tila Judah thlaang thli teng ah acairaula a thui pe.

Rom 2:2

He tila thaihu the aka sai thli Pathen lawng awl a cek vengah asoeng thaihu a sai tite na ming u.

Rom 5:15

Tede thlaang pahih te vai ahih nawh; metihtiah Pathen kah ayoe peek kutdo tah Adam kah thawlhna oen lo u nawh, te thlaang pakhat kah thawlhna dawng maiah thlaang yahawh duek ti he tah soeng ta-ngak. Tede Pathen kah lungvatna tah, te thlaang kah athe-arana lak ah apueh ngaaila bo tih tetih van toengtoengla thlaang pakhat Jesuh Khrih lungvatna rang oen thlaang yahawh ham aka thoeng Pathen kutdo tah bo tare ai.

Rom 6:13

Tecoengah na pumvaang ame ang mai te khaw thaihu the saina ah hawna hamla thawlhna ah pe u tlaih boel. Te lak atah duekna kalawng hingna ah n'thawh sak koep angla doengna sai ham na pum boeih te Pathen te pe u hawn.

Rom 6:6

Mami kah hing ruem te Jesuh Khrih oen thinglam dawngah khiing haih la awm poen tite m'ming u. Te tila a khiing haih he tah thawlhna oen aka be pumsa hing ruem te phe boeih tih thawlhna sal la awm tlaih nawh ham ni.

1Korin 16:22

Bawipa te aka lungna nawh thlaang tah kawsi yawkk seh! Marana tha. Kaimi Bawipa, law hawn loeih!

1Korin 2:14

A-u khaw Muithla aka khueh nawh te tah Pathen Muithla dawng kalawng aka law kutdo te dang thai manawh. Te ang thlaang lawngtah yaakming thai tang manawh; ahih hamla tah apoeila ni a awm, metihtiah Muithla ben kah kutdo thli te tah Muithla bueng oen ni ming thai la a awm.

2Korin 3:7

Phungawl te lungpeel dawngah ca la a tarik tih peek la a awm vengah Pathen kah ruep-awmna te tueng. Mosi mik-hai dawngkah aka aang rawngtheng te yum khap u thuk poen de, aangna te atak aih hun dawngah Israel thlaang thli lawng ahih te rangpatang la bueh thai nawh. Duekna aka thoeng sak Phungawl pateng khaw te tila ruep-awmna oen a law atah,

2Korin 3:9

Thlaanghing awlcekna avan khuen te te tila ruep-awm tangkiik atah thlawnna akavan khuen bii saina te tah metihtlukla ruep-awm tare ai.

Galati 2:20

tedawngah aka hing he tah kai tlaih nawh tih ka khuiah aka hing tah Khrih poen ni. Tahe kah hingna he tah kai n'lungna tih hingna pekung Pathen Capa oengna rang oen ka hing.

Ephesa 6:24

Mami kah Bawipa Jesuh Khrih te aka duek nawh lungna oen ah aka lungna boeih sawah Pathen lungvatna awm hawn seh.

Kolosa 2:13

Yan atah nangmi he phungawl khueh nawh Gental thlaang la na awm u tih namami kah thawlhna dawngah Muithla ben ah na duek u. Tede tahe tah Pathen lawng nangmi te Khrih oen haih ng'hing sak poen. Pathen lawng mami kah thawlhna boeih te khawdawp a ngaai poen.

Kolosa 3:3

Metihtiah nangmi tah na duek u poen tih nangmi kah hingna tah Khrih oen haih Pathen dawngah thuh u poen.

1Timothy 2:6

Te tah atue atang apha khuek vengah Pathen lawng thlaang boeih thlawn ham a ngaih te tueng sakna ni.

1Timothy 5:6

Tede pumsa awmtheen awmyaalna aka boenn huhai tumtee thli tah hing van ruung mai de aka duek poen ni.

Titus 3:3

Metihtiah n'hu vengah mami khaw ng'ngau u tih awl ngaai nawh lawnghang la ng'awm u. Pumsa ngaihna oen awmtheenna soeprep kah sal la ng'awm u. Mami kah hingna he uett-eena oen thaihu naai ah mami lawng n'hawna; Mami te thlaang tloe lawng n'thina tih ahimi te mami lawng n'thina van.

Hebrew 2:9

Tede mami lawngah Pathen kah lungvatna oen thlaang boeih ham duek hamla vanthlaang thli lak ah ahem bet la aka awm Jesuh te n'huh u. Te tila te duekna patang a khangna rang oen tahe atah ruep-awmna oen hinyahna lumuek te a muek poen tite n'huh u.

Hebrew 6:10

Pathen he atuueng aleeng nawh Pathen aih nawh ni. Nangmi lawng bii na bi u te khaw, amah na lungna u te tueng sak ham Khrihca na puei na paw bawmna na peek u tih tahe toe ah na do na dan u te khaw Pathen lawng hilh manawh.

1Peter 1:8

Nangmi lawng amah te na hu u nawh de na lungna u, tahe ah na hu u nawh de na tangna u. Tedawngah awl oen thui thai nawh awmngaihna alentloe oen asang koek kawhoena te na khueh u,

1Johan 5:19

Dilai pum he Seitan kah ukna khuiah awm de mami tah Pathen kah thlaang la ng'awm tite m'ming u.