2Korin 5:10 - Matu Chin New Testament 2006

¹⁰ Metihtiah mami boeih he amah lawng awl cek ham Khrih haiah te m'pha boeih ai. Pumtaksa la hing vengah a the khaw, atheen khaw soeprep saina taring ah ating-atawkk la rip n'dang u ai.

Matu Bible

¹⁰ Mamih he Khrih kah khotloeng hmaiah boeih a phoe ham a kuek. Te daengah ni pakhat rhip loh pumsa kah khoboe te bangla, a thae khaw, a then khaw a dang eh.

2Korin 5:10 Iomraidhean Croise

Mathai 16:27

Thlaanghing Capa tah ana Pa kah ruep-awmna oen amah kah vanthlaang thli oen ah va rum thuk vetih thlaang boeih te bii a bina taring ah kutdo a peek ai.

Caeltueih 10:42

Thlaang boeih tengah awlthang theen thui hamla, thlaangduek oen thlaanghing awlcekkung la Pathen lawng ahih te a khueh te aka mingkung sausi la kaimi he awl m'peek u.

Caeltueih 17:31

Metihtiah amah lawng a tuek oepsoeh thlaang pakhat rang oen ah dilai pumpui he doengna oen awlcek hamla atue khawhin a nuen poen. Ahih lawng te thlaang te duekna kalawng a thawh sak rang oen thlaang boeih tengah asoengna te a tueng sak!” tila a thui.

Rom 2:16

Tedawngah Awlthang Theen ka phawng angla awlcekna Hin ah Pathen lawng Jesuh Khrih rang oen thlaanghing boeih kah ahuepla poekna thli te awl a cek ai.

Rom 6:19

(Nangmi lawng yaakmingna pumsa ben ah na khueh u nawh dawngah yaakming thai koei tihinhang kah awl ka hawna) N'cui veng atah nangmi lawng athe sai hamla aciimcaih nawh oen athe-arana ah na pum te sal la na peek u rapcaat. Tetih van la tahe tah aciimcaih saina hamla na pum te doengna sal la pe u rapcaat loeih.

1Korin 4:5

Tedawngah atue a pha thlan ah nangmi lawng a-u khaw awl cek u boel. Hukhueng awlcekna tah Bawipa a law vengah ni a awm hun ai; ahih lawngtah thlaanghing thinkaw ah ahuepla a poek thli te a pho sak vetih yiinna khuikah awlhuep thli te aangna dawngah a tueng sak ai. Teveng atah thlaang boeih lawng amah kah a taring ah Pathen kah koehna te a dang ai.

2Korin 7:3

He tila ka thui he nangmi te sal-aphaamna ham ka thui moenih; kaimi lawngah nangmi oen duek haih hing haih hamla ka thinkaw ah kan tleng-elh u tite n'hu vengah kavan thui u poen.

Ephesa 6:8

Bawipa lawngah thlaang boeih he sal khawseh, thlaangcuem khawseh, amami kah atheen saina dawngah kutdo a peek ai tite poek uh.

Hebrew 9:27

Thlaang boeih he vai at tah duek ai, tecoengah Pathen lawng awl a cek ai.

1Peter 4:5

Tede thlaangduek oen thlaanghing awlcek ham oepsoeh la aka awm Pathen tengah ahimi lawng a hingna oen a saina boeih te a thui u ai.

Olphong 2:23

Ahih kah a hubang hue te khaw ka ngawn boeih vetih tevengah kai tah thlaang boeih kah poekna oen kawngaihna mingkung tila Khrihcabu boeih lawng a ming ai. Nangmi pakhat rip he na saina taring ah kan thung ai.

Olphong 22:12

Jesuh lawng, “Hutung lah! Kai tah ka law yue poen ai! Thlaang boeih te a saina taring ah peek rip hamla Kai lawng kutdo kavan khuen ai.