2Korin 4:7 - Matu Chin New Testament 2006

⁷ Tede Pathen tengah saithaina asang koek te awm tih mami tengah awm nawh tite a tuengna ham Muithla ben ro thaihu khuehkung mami he tah dilai-am mailai la ni n'awm mai.

Matu Bible

⁷ Hekah khohrhang he diklai hno dongah tah ng'khueh uh coeng. Te daengah ni thaomnah dongkah a puehkan tah Pathen kah koe la om vetih mamih kah la a om pawt eh.

2Korin 4:7 Iomraidhean Croise

Mathai 13:44

“Vaan ram tah he oen lo u. Thlaang pakhat lawng lo ah khawh-arang a thuh te a huh. Ahih lawng atheenla a up koep tih awmngaihla im la cet. A khueh thaihu boeih te a yoeih coengah meel koep tih te kah lohuen te a lai.

Mathai 13:52

Tedawngah Jesuh lawng, “Phung-awl cangpueikung timkah thlaang pakhat, Vaan ram ah hubang pakhat la aka awm tah kaawn a khuehna im khui-kah thaihu aruem oen athaai aka sat oen lo u,” a tina.

Johan 16:33

Nangmi lawng kai oen ah tuhkaina rang oen ngaimawngna na khuehna ham he he kavan thui. Dilai lawng nangmi raina m'peek ai. Tecakhaw na thin cak sak uh! Kai lawng dilai ka taa poen!” a tina.

1Korin 1:28

Dilai lawng awlpuila a poek te phe hamla dilai lawng dapsitla a huh thlaang, thlaangnuih pariing la aka awm, thlaang la khaw a toehtham nawh thlaang te Pathen lawngtah a tuek noeng roe ni.

2Korin 10:10

Thlaang khatsut lawng atah, “Pawl lawng he a capat dawngah ngoen tah awl phawh tlo tih akhing awm mai, tede mami oen awm haih veng atah birih sut tih a ralthe, a awl thui khaw alawng-ala awm nawh,” ti u mai ai.

2Korin 13:4

Metihtiah a tha a yoek dawngah thinglam ah ngawn la awm tih duek cakhaw Pathen kah huham tharana oen hing poen. Ahih oen pumkhatla awmna ah mami khaw n'tha yoek u; tede nangmi oen kaimi tuhkaina tah Pathen kah tharana te ahih kah hingna dawngah mami lawng n'cuut u haih.

2Korin 4:1

Pathen lawng reenna oen he kah bii he bi hamla kaimi m'peek dawngah kaimi tah ka kaw boet nawh.

2Korin 5:1

He dilai dawngah mami kah awmna mami pum riim-im he phe la awm atah, mami awmna ham Pathen amah kah sai dungyan aka cak im, vaan ah avan khueh ai tila mami lawng m'ming u.

2Korin 6:10

Kaw avan the sak u de ka awmngaih u yoeyah; kaimi khawdeng thlaang angla ka awm u de, thlaang yahawh te ka bawi sak u, thaihu khat khaw khueh nawh angla ka awm u de, atak tang atah kaimi lawng soeprep ka khueh ka toen u.

Ephesa 2:5

Mami lawng awl n'ngaai nawh dawngah muithla ben ah n'duek vengah te Khrih oen haih mami he n'hing sak. Nangmi thlawn la na awm u he tah Pathen kah lungvatna rang oen ni.

Ephesa 3:8

Kai tah Pathen kah thlaang boeih lak ah huhsit koek la ka awm de, Khrih kah thuilek thuina nawh a bawilenna kawng Awlthang Theen te Gental thlaangphun tengah thui hamla,

Kolosa 1:27

Pathen kah mengtengna tah thlaang boeih hamla a khueh pe lenna oen ruep-awm tangkiik awlhuep te a thlaang boeih tengah phawng hamla ni. Te awlhuep tah nangmi khuiah aka awm Khrih te ni, thuingaihna tah Pathen kah ruep-awmna te nangmi lawng na khueh u van ai tina ni.

Kolosa 2:12

Metihtiah nangmi lawng Baptisma na dang u vengah te Khrih oen haih up la na awm u poen tih duekna kalawng Khrih thawhsakkung Pathen kah huham tharana te nangmi lawng na oengna rang oen ah Khrih oen na tho haih u van poen.

Kolosa 2:3

Khrih tah Pathen kah cuihna oen mingna kaawn thuh la aka awm boeih te awngna caabi ni.

1Thessalonika 1:5

Metihtiah Awlthang Theen te nangmi tengla kavan khuen u vengah awl bueng nawh tih huham tharana oen Ciim Muithla khaw, awltak asoengna te asoepa kavan khuen haih poen. Nangmi tengah ka awm u vengkah kaimi kah khawsakna te na ming u poen; te tah nangmi lawng na theenna ham ni.

1Thessalonika 4:4

Nangmi tawngpa boeih lawngah aka ciim tih hinyah koei la na yu oen benbaw benpang ham te ming uh,

2Timothy 2:20

lmpui phulum khuiah um, am thaihu acungkuem awm: khatsut te tah sui, ngun oen a sai tih atloe te tah thing oen a sai khaw awm tih amlai oen a sai khaw awm; khatsut tah khawniingtuikaa ah hawna ham tih atloe te tah awmthoet awmroelh ah hawna ham ni.