2Korin 3:6 - Matu Chin New Testament 2006

⁶ awlkam thaai bii he kaimi aka bi sak thai tah Pathen amah ni. Te awlkam thaai te tah ca oen thut la aka awm phungawl nawh tih Muithla te ni. Ca oen a thut phungawl lawngtah duekna te a thoeng sak tih Muithla lawngtah hingna te a peek.

Matu Bible

⁶ Anih loh paipi thai kah a tueihyoeih la mamih n'saii. Tedae cabu nen pawt tih mueihla nen ni n'saii. Cabu loh a ngawn dae mueihla loh a hing sak.

2Korin 3:6 Iomraidhean Croise

Mathai 13:52

Tedawngah Jesuh lawng, “Phung-awl cangpueikung timkah thlaang pakhat, Vaan ram ah hubang pakhat la aka awm tah kaawn a khuehna im khui-kah thaihu aruem oen athaai aka sat oen lo u,” a tina.

Mathai 26:28

“He tah ka thi ni. Pathen kah awlkhueh thaai acakna oen thlaang boeih kah thawlh khawdawp ngaaina hamla ka hok ka thisen ni.

Marku 14:24

Jesuh lawng, “He tah thlaang yahawh hamla ka hok ka thi ni, Pathen awlkam acakna ka thi ni.

Luka 22:20

Tetih toengtoeng la thlembuh caak coengah boengloeng te ahimi a peek tih, “He kah boengloeng he tah nangmi ham ka hok ka thi oen ah ka cak sak Pathen kah awlkam thaai ni.

Johan 5:21

Ana Pa lawng thlaangduek a thawh sak tih hingna a peek angla Capa lawngkhaw amah lawng a ngaih thlaang thli te hingna a peek.

Johan 6:63

Hingna pekung tah Pathen Muithla ni; thlaanghing tharana tah a poei ni. Nangmi tengah kavan thui awl lawngah hingna aka pe Pathen Muithla te avan law puei.

Rom 1:5

Ahih rang oen Pathen lawng celtuih la awmna m'peek tih thlaangphun boeih lawng oengna oen awlngaaina a khueh thaina ham oen ah mawt ham kai he n'tuih.

Rom 3:20

Phungawl vaina rang oen Pathen haiah a-u khat khaw thlaangdoeng la awm nawh. Phungawl kah bii sai tah thlaang lawng thawlhna a sai te ming sak ham mai ni.

Rom 4:15

Phungawl lawngtah Pathen thinsana avan khuen, phungawl a awmna nawh huen atah phungawl eekna khaw awm van nawh.

Rom 4:17

Caciim lawng, “Nang tah nam tawm thlaangphun kah Pahaam la kan sai poen” tila a thui angla awm. Tedawngah he awlkam he tah Pathen haiah theen tih Abraham lawng a oeng Pathen tah thlaangduek thawhsakkung oen awm nawh te awmsakkung ni.

Rom 7:6

Tede tahe tah Phungawl kah piinna thong khuiah te n'duek u poen dawngah Phungawl dawng kalawng n'loeih u poen. Tahe atah ca oen a thut phungawl lawngpui ruem ah bii m'bi u tlaih nawh tih Muithla ben kah lawngpui thaai ah ni bii m'bi u poen.

Rom 8:2

Metihtiah Khrih Jesuh oen pumkhatla hingna ah mami aka ceh puei Muithla kah phungawl lawng duekna oen thawlhna phungawl khui kalawng mami te n'loeih sak poen.

1Korin 11:25

Te tih van angla thlembuh a caak u coeng khoeng ah boengloeng te a lawh tih, “He boengloeng he tah ka thisen oen ka cak sak Pathen kah awlkam paipi athaai ni. Nangmi lawng na awkk u veng roekk ah kai he nan ming poena ham sai uh.” tila a thui.

1Korin 12:28

Khrihcabu khuiah he ang thli boeih he Pathen lawng a khueh; lamhacuek ah celtuih he a khueh, pahihna ah tawngha thli a khueh tih a pathumna ah cangpueikung thli te a khueh; tecoengah kawpoek rai aka sai thlaang thli te a khueh tih thlaangtlo hoeih sak thaina aka dang thlaang thli, thlaang aka bawmcemkung thli, thlaang uktemkung thli oen ming nawh awl aka cal thlaang thli lawng a thoei u.

1Korin 15:45

Metihtiah Caciim lawngah, “Lamhacuek tawngpa Adam te thlaanghing la a sai.” ti, tede hukhueng Adam te tah hingna pekung Muithla ni.

1Korin 3:10

Pathen kah peek kutdo te ka hawna tih im sak aka thoem tangkiik angla bii ka bi tih lungdang ka suem, te sawah te thlaangtloe lawng im a sak. Tede metila ka sak u tite a-u khaw ngaithuen rip u seh.

1Korin 3:5

Ataktang atah Apollos he a-u? Pawl he ta a-u? Kaimi he tah nangmi lawng Pathen te na tangna u hamla mawtkung Pathen kah thlaang thli mai ni. Kaimi lawngah Bawipa lawng sai hamla m'peek bii te ni ka bi u.

2Korin 11:23

Ahimi te Khrih kah tuihyoeihthlaang aw? tede kai tah ahimi lak ah atheen ngaai tuihyoeihthlaang la ka awm tite thlaangngau angla ka thui! Kai tah bii rai yahawh ngaai ka bi; thong ah ka tla poepa, cungpoelh oen voei yahawh hlang la m'bawh u, alak avai atah duek dalh la ka awm.

2Korin 3:14

Ahimi kah thinkaw tah khai u khoep tangtang tih tihin toe ah khaw awlkam ruem cabu te a tae u veng roekk ah a thinkaw tah te kah bailoeng lawng te a khuk toengtoeng hun. Thlaang he Khrih oen a tuhkai u deng bueng ah ni te bailoeng te a thlih hun.

2Korin 3:3

He ca he tah Khrih amah lawng a thut tih kaimi tah daakphuei mai ni tite aciimla tueng. He ca he tah catui cahaang oen thut nawh tih, aka hing Pathen kah Muithla oen a thut ni, lungpeel dawngah thut nawh tih thlaanghing lungbui ah ni a thut.

2Korin 3:7

Phungawl te lungpeel dawngah ca la a tarik tih peek la a awm vengah Pathen kah ruep-awmna te tueng. Mosi mik-hai dawngkah aka aang rawngtheng te yum khap u thuk poen de, aangna te atak aih hun dawngah Israel thlaang thli lawng ahih te rangpatang la bueh thai nawh. Duekna aka thoeng sak Phungawl pateng khaw te tila ruep-awmna oen a law atah,

2Korin 3:9

Thlaanghing awlcekna avan khuen te te tila ruep-awm tangkiik atah thlawnna akavan khuen bii saina te tah metihtlukla ruep-awm tare ai.

Galati 3:21

Tetih atah Phungawl lawngah he Pathen awlkam te a oelh a taih ti ngaihna aw? Nawh ni, oelhtaih nawh! Metihtiah hingna aka pe thai phungawl te thlaanghing lawng dang kawinih te phungawl te vaina rang oen ah Pathen oen thlaanghing boeih he roeproeina awm ai.

Ephesa 2:1

Anoekbuet atah nangmi lawng awl na ngaai u nawh tih na thawlh u dawngah muithla ben ah na duek u.

Ephesa 2:5

Mami lawng awl n'ngaai nawh dawngah muithla ben ah n'duek vengah te Khrih oen haih mami he n'hing sak. Nangmi thlawn la na awm u he tah Pathen kah lungvatna rang oen ni.

Ephesa 3:7

Awlthang theen biibikung la ka awm he Pathen kah kutdo ni, he tah amah kah huham tharana oen a sai tih m'peek ni.

1Timothy 4:6

He kah thuituenna thli he maya manau thli tengah na thui pe atah nang tah Khrih Jesuh kah atheen tuihyoeihthlaang la na awm ai; namah oen namah muithla ben na cawm na cah u van angla te oengna awl oen aka soeng cangpueina namah lawng na vai te hawna lah.

2Timothy 1:11

Pathen lawng Awlthang Theen phawngkung la kai he celtuih la khaw, cangpueikung la khaw n'khueh poen,

Hebrew 12:24

Abel thisen kah sai lak ah thaihu theen ngaai te a thisen dueina oen aka sai, awlkam thaai roekbahkung Jesuh tengla nangmi tah na law u.

Hebrew 13:20

Tuudoen Bo la aka awm mami kah Bawipa Jesuh lawngah amah kah thawthueng duekna rang oen dungyan la awlkamna te a cak sak poen dawngah Pathen lawng ahih te duekna kalawng a thawh sak poen.

Hebrew 7:22

He tila alakloela a awm he tah Jesuh te atheen ngaai paipi aka caksakkung la te a sai.

Hebrew 8:13

Te tila awlkam thaai kawng a thui dawngah lamhacuek awlkam te Pathen lawng aruem araw la a coengg sak tih aruem araw oen apawn apit thaihu te tah kawlkalh ah ha-ata poen ai.

1Peter 3:18

Metihtiah Khrih tah thlaangthawlh boeih yuengla vai at ah akhoek koeng la duek poen, nangmi te Pathen teng ceh puei ham thlaangthawlh yueng la thlaangdoeng te duek. Ahih te pumsa ben atah duek de, muithla ben atah hing koep tih,

1Johan 1:1

Acuekca veng kalawng aka awm tangte hingna Awl kawng te nangmi tengah ca oen kavan thut u. Te kawng te kaimi lawng ka yaak u, mik oen ka huh u tih ka kut oen ka tek u.