2Korin 3:18 - Matu Chin New Testament 2006

¹⁸ Tedawngah mami boeih tah mik-hai aka dah khoep tlaih nawh dawngah Bawipa kah ruep-awmna te aka tueng sak thlaang poen ni; te ruep-awmna tah Muithla la aka awm Bawipa teng kalawng law tih mami he amah oen aka lo u ruep-awm tare la n'sai.

Matu Bible

¹⁸ Mamih boeih loh Boeipa kah thangpomnah maelhmai neh n'lim uh tih amah mueimae te kap coeng. Te dongah Boeipa mueihla lamkah van bangla thangpomnah lamkah thangpomnah la n'thohai uh coeng.

2Korin 3:18 Iomraidhean Croise

Johan 1:14

Te awl te tah thlaanghing la coengg tih lungvatna oen awltak oen ah betoet, mami tim ah he awm. Mami lawng amah kah ruep-awmna te n'huh u, te ruep-awmna te tah ana Pa kah khuehduen pakhat bueng Capa la a awm te ni.

Johan 12:41

Isaiah lawng Jesuh kah ruep-awmna te a huh dawngah ni ahih lawng te tila a thui.

Johan 17:22

Nang oen kai he pumkhat la n'awm van angla ahimi khaw pumkhat la a awmna u ham nang lawng nan peek ruep-awmna te ang van te ahimi ka peek.

Johan 17:24

“A Pa! Dilai suen thlan vengah nan lungna tih ruep-awmna nan peek, te kah ruep-awmna te nang lawng ka tengah nan peek thlaang thli lawng a huhna u ham kai ka awmna ah ahimi te awm sak ham ka ngaih.

Rom 12:2

He dilai khawsak siing angla khaw sa u tlaih boel, tede Pathen lawng nangmi thinkaw a khui ben te asoepbirla van thaw pan hawn seh. Te atah aka theen thaihu, aka soep thaihu oen amah kawtlaak te nangmi lawng na ming u thai ai, he tah Pathen amah kawngaih ni.

Rom 13:14

Bawipa Jesuh Khrih kah awva te lo uh, na pumsa kah thawlh sai ngaihna oen thawlhna kah kawkhuekna te toeng u loeih.

Rom 8:29

Pathen lawng a tuek tangte thlaang thli te amah Capa angla a coenggna ham a thloekcala a thloeng, te tila a sai he tah amah aka oeng thlaang yahawh tim ah a Capa te ahaamkoek camiing awmthang la awm sak ham ni.

Rom 8:4

Pathen lawng he tila a sai he tah thlaanghing pumsa ngaihna angla nawh tih Muithla ngaihna angla aka hing mami pum dawngah Phungawl lawng akuek doengna te asoepna ham ni.

Rom 8:7

Tedawngah thlaanghing lawng amami pumsa ngaihna angla a awm a tah Pathen raal la awm; ahimi lawng Pathen kah phungawl te vai nawh, ahimi lawngah vai khaw vai thai roe nawh.

1Korin 13:12

Tahe ah mami lawng thaihu n'huh u he tah thlalang dawngah arui araila muei ame aka tueng angla ni a awm; vuenvai ah ngoen tah haitang heet la n'hu poen ai. Tahe ah kai lawng ka ming he avaang athal mai ni; Pathen lawng kai m'mingna he asoepbir van angla vuenvai ah ngoen tah asoepcala ka ming van ai.

1Korin 15:49

Dilai oen a sai thlaang kah muei asam oen ah mami n'khuk adah u van angla vaan ben thlaang kah muei-asam oen ah te mami n'khuk adah u van ai.

2Korin 3:17

Tahe ah he awl dawngah, “Bawipa” a ti he tah Muithla ti ngaihna tih; Bawipa Muithla awmna huen atah loeihna awm.

2Korin 4:4

He dilai kah raaibawi pathen lawng ahimi kah thinkaw te yiinna khuiah a khueh dawngah ahimi lawngah tangna u nawh. Ahih lawngah Pathen oen aka lo u tangtang Khrih kah ruep-awmna kawng Awlthang Theen dawng kalawng aka thoeng aangna, ahimi sawah aka vangg aangna te huh nawh ham a dah khoep.

2Korin 4:6

Khrih kah mik-hai dawngah aka aang Pathen kah ruep-awmna te ming thaina ham mami kah lungbui khuiah amah kah aangna te aka vaang sak Pathen oen ah “Yiinna khui kalawng aangna te vaang ai!” tila aka thui te atloe nawh tih Pathen amah toeng toeng ni.

2Korin 5:17

A-u khaw Khrih oen a tuhkai u coeng atah, ahih tah thlaang thaai poen ni; a hing ruem tah khum tih athaaila hing poen.

Galati 6:15

Thlaang pakhat lawng yahhuivuen reet oen reet nawh he awlpui tlaih nawh ni; thlaang thaai la awm he ni awlpui poen.

Kolosa 3:10

He thlaang thaai hingna saikung Pathen lawng amah mueime oen aka lo u tare ham boet ohla athaai sak poepa. Te tila athai sak he tah nangmi lawng amah te atheenla na mingna ham ni.

1Timothy 1:11

Te ang cangpueina te tah kai lawng ka thui ham koei la m'peek awlthang theen dawngah te awm tih, ruep-awm oen theenduet Pathen tengkah Awlthang Theen ni.

Titus 3:5

mami he ahih lawng n'thlawn poen. Te tah mami kah thaihu theen saina dawngah nawh tih a lungna oen ni mami he ahih lawng n'thlawn. Ciim Muithla rang oen athaaila cuunna oen athaaila hingna pekung lawng n'silh dawngah ni.

James 1:23

A-u khaw a awl te hutung hong la hutung doek tih ataktangla aka hawna nawh tah thlalang dawngah dan u tih amah muei te aka hu thlaang oen ni a lawh u.

1Johan 3:2

Ka lungna ka paya thli, tahe ah mami tah Pathen kah ca-anau la ng'awm u poen, tede hai ben ah mami he n'tu oen n'lawh u ai ti he tah m'ming thlan hun. Tede Khrih a law vengah Khrih amah oen n'lo u ai tila m'ming u, metihtiah ahih tah amah roeroe la te mami lawng n'huh ai.