2Korin 3:14 - Matu Chin New Testament 2006

¹⁴ Ahimi kah thinkaw tah khai u khoep tangtang tih tihin toe ah khaw awlkam ruem cabu te a tae u veng roekk ah a thinkaw tah te kah bailoeng lawng te a khuk toengtoeng hun. Thlaang he Khrih oen a tuhkai u deng bueng ah ni te bailoeng te a thlih hun.

Matu Bible

¹⁴ Tedae amih kah poeknah loh ning uh. Amah tihnin khohnin duela paipi rhuem kah taenah dongah lumuekhni neh om pueng tih a lim pawt te Khrih ah a khoe coeng.

2Korin 3:14 Iomraidhean Croise

Mathai 13:11

Jesuh lawng, “Vaan ram kawng awlhuep mingna te nangmi tengah kan peek poen, tede ahimi tah ka pe thlan.

Mathai 16:17

Jesuh lawng, “Johan capa Simon, na yo theen phoeih,” He awltak he thlaanghing teng kalawng na tengla law nawh, tede vaan ah aka awm a Pa kah peek ni.

Mathai 6:23

Tede na mik a theen nawh atah na pum boeih yiinna khuiah awm ai. Tedawngah na khuikah aangna lawng a yiin khoep boeih atah te yiinna tah metila rih ham a awm tangkiik ai.

Johan 12:40

“Pathen lawng ahimi mik te a pum sak tih lung among sak, ‘Tetih atah ahimi mik lawng hu nawh vetih, ahimi kah thinkaw lawng ming nawh vetih ahimi te hoeih sak hamla ka tengla a law u nawh ai’ tila Pathen lawngah ti” tila te a thui.

Johan 12:46

A-u khaw kai aka tangna tah yiinna khuiah a awmna nawh ham kai tah dilai ah aangna la ka law poen.

Johan 8:12

Jesuh lawngah Farasi thlaang thli nala te, “Kai tah dilai aangna ni, a-u khaw ka hu ah aka bang tah hingna aangna te a khueh vetih yiinna khuiah yingyawi tlaih manawh.

Caeltueih 13:15

Mosi Phungawl oen tawngha thli kah cathut te a tae coeng atah sinakok bok-im ukkung thli lawngah ahimi nala te: “Maya manau thli, thlaang yahawh ham thaphawhna awl thui ham a awm atah na thui u ham ka ngaih u de” a tina u.

Caeltueih 15:21

Metihtiah sinakok bok-im ah n'cui veng kalawng Mosi kah Phung awl te Sabbath khawhin roekk ah a tae poepa u tih khaw tawm ah ahih awl te khaw a phawng u poen.” a tina.

Caeltueih 16:14

Ahimi timkah hutaa pakhat himbai lingdiik aka yoeikung Tiatira khaaw kah Lidia lawngah kaimi awl te a hutung. Ahih tah Pathen aka bok hutaa pakhat la awm tih Pawl kah awl thui te hutung nguenthuen ham Pathen lawng a thinkaw a awng pe.

Caeltueih 26:18

Nang lawng ahimi te a mik na daai sak vetih yiinna kalawng aangna la, Seitan kah tharana khui kalawng Pathen tengla na mang sak ai, te dengah ni ahimi lawng kai he oengna rang oen ah thawlh khawdawp ngaaina te a khueh u vetih Pathen kah thlaangtuek thli tim ah ahuen amawl a dang u van ai’ tila avan thui” a tina.

Rom 11:25

Ka maya manau thli, nangmi lawng ka cuih ka hoe heet poen tila na poek u nawh ham nangmi te ming sak ka ngaih awlhuep pakhat awm. Te awlhuep tah he ni. Israel thlaang thli a thin a haam khaklal he aboet toe ham nawh ni, Gental thlaang thli Pathen tengah asoepcala apha thlan khui ham bueng ni.

2Korin 3:15

Tihin toe ah pateng khaw Mosi kah Phungawl te a tae u veng roekk ah ahimi kah thinkaw te bailoeng lawng a dah hun.

2Korin 3:6

awlkam thaai bii he kaimi aka bi sak thai tah Pathen amah ni. Te awlkam thaai te tah ca oen thut la aka awm phungawl nawh tih Muithla te ni. Ca oen a thut phungawl lawngtah duekna te a thoeng sak tih Muithla lawngtah hingna te a peek.

2Korin 4:6

Khrih kah mik-hai dawngah aka aang Pathen kah ruep-awmna te ming thaina ham mami kah lungbui khuiah amah kah aangna te aka vaang sak Pathen oen ah “Yiinna khui kalawng aangna te vaang ai!” tila aka thui te atloe nawh tih Pathen amah toeng toeng ni.

Ephesa 4:18

Ahimi lawngah mingna tehca khaw khueh u nawh tih a thin a haam khaklal dawngah Pathen kah peek hingna te dang ham koei la awm nawh.