2Korin 2:9 - Matu Chin New Testament 2006

⁹ N'hu vengkah nangmi tengah ca kavan pat te tah noekdakna na tawng u vengah metihtlukla acakla na pai tih kan thuituenna awl te vai ham oepsoeh la na awm aw tite ming ham ka ngaih dawngah ni.

Matu Bible

⁹ Cungkuem dongah olngai la na om uh nim tila nangmih kah khinngainah te ming ham ni he khaw ka daek.

2Korin 2:9 Iomraidhean Croise

2Korin 10:6

Nangmi lawngah uep-awm tangtang la na awm u te na tueng sak u coeng atah uep-awm nawh la saina boeih te dan tat ham oepsoehla ka awm ai.

2Korin 2:3

Tedawngah ni ca ka thut tih nangmi tengla kavan pat. Kai he kaw aka hoe sak nangmi lawng kawtheboepla na awm u lak atah nangmi tengah law nawh hamla te ka ngaih. Metihtiah kai ka awmngaih atah nangmi boeih khaw na awmngaih u van tite ka ming.

2Korin 2:4

Nangmi tengah lakuengna oen thinphatna oen ah mikphi oen ni ca te ka van thut. Kai lawng mengtengna tah nangmi te kawthe sak ham nawh tih nangmi boeih te kai lawng metihtlukla kan lungna tite ming sak ham ni.

2Korin 2:8

Nangmi lawngah ahih na lungna tangtang te ming sak uh tila reenna kavan bih u.

2Korin 8:2

Ahimi tah patang khangna oen noekdak la awm u, tede ahimi tah awmngaih u tangkiik mai, amami ngoen khawdeng u mai de peekna ben atah a moeihoeih u tangkiik.

2Korin 8:24

Nangmi kah akawng-alam, kaimi lawng ka phoekthloerna u te ahimi lawngkhaw, khrihcabu boeih lawngkhaw soeng tangtang tite anepla a mingna u thai ham nangmi kah lungna te ahimi tengah tueng sak uh.

Philipi 2:12

Tedawngah ka lungna ka paya thli, nangmi oen haih ka awm vengah ka awl na ngaai u poepa angla te tahe athla hlang la ka awm vengah khaw, ka awl he na ngaai u ham awlpui koek la awm. Nangmi kah thlawnna asoepna ham birih haitawk oen bii te bi yoeyah uh,

Philipi 2:22

Ahih lawngtah bii te a palki tih kai oen Paca angla awlthang theen ham bii ka bi hih te nangmi lawng na ming u.

2Thessalonika 3:14

He kah capat khuiah aka awm awl he aka vai nawh thlaang khaw awm mai ai. Te ang thlaang te a awm atah noek u langtah ayah laat la a awmna ham ahih oen te benbaw benpang u boel.

Philemon 1:21

He ca dawngah ka thut angla kavan bih he na sai ngaai ai tila ka tangna tih yahawh ngaai pateng na sai tangtang ai tila ka ming.