2Korin 2:3 - Matu Chin New Testament 2006

³ Tedawngah ni ca ka thut tih nangmi tengla kavan pat. Kai he kaw aka hoe sak nangmi lawng kawtheboepla na awm u lak atah nangmi tengah law nawh hamla te ka ngaih. Metihtiah kai ka awmngaih atah nangmi boeih khaw na awmngaih u van tite ka ming.

Matu Bible

³ Ka pawk vaengah kothaenah ka khueh pawt ham ni hekah he ka daek. Amih kah a omngaih ham ni ka kuek. Nangmih boeih kah omngaihnah te kai kah omngaihnah ni tila nangmih boeih te kan ngaitang thil coeng.

2Korin 2:3 Iomraidhean Croise

1Korin 4:21

Nangmi tengah cungpoelh oen aw ka law ai? tih nawh atah lungna, kawdawna oen aw ka law ai? Ame ang na ngaih u?

2Korin 1:15

He ang thli he ka tangna khaklal dawngah nangmi lawng yotheenna arepla na dangna u ham lamhacuekla nangmi tengah yin hamla ka kamthlah.

2Korin 1:23

Pathen tah kai ham sausi la awm, amah lawng ka thinkaw a ming! Kawrin khaaw la law nawh ham kaw ka poek he tah nangmi na sa a suengna ham ni.

2Korin 12:11

Thlaangngau angla ni ka thawh ka tat poen he - nangmi lawng kai he nan ngau sak u. Nangmi lawngah ni kai hamla ngaikhuekna na van sai u ham a awm de. Kai he metila khaw ka awm aih nawh de nangmi lawng “Celtuih” na ti u thlaang hue lak ah te soetca khaw ka heem thloei nawh.

2Korin 12:21

Nangmi tengla ka law koep vengah te ka Pathen lawng nangmi haiah yaraula n'khueh hau vetih n'hu vengah aka thawlh thlaang thli oen thinkaw ciimcaihna nawh boeih oen amami kah a sai pumsa hue-ngaihna, hutaa tawngpa thawlhna a yut u nawh dawngah te ka rap hau ai tite ka lakueng.

2Korin 13:10

Nangmi tengah he capat he athlahlang kalawng kavan thut he, nangmi teng kavan pha vengah te Bawipa kah peek saithaina aana te nangmi sawah atlawh hlang la hawna ka ngaih nawh dawngah ni, te kah saithaina aana tah nangmi te phena ham nawh tih nangmi lawng na roengna ham ni.

2Korin 2:9

N'hu vengkah nangmi tengah ca kavan pat te tah noekdakna na tawng u vengah metihtlukla acakla na pai tih kan thuituenna awl te vai ham oepsoeh la na awm aw tite ming ham ka ngaih dawngah ni.

2Korin 7:12

Tedawngah te kah capat nangmi tengah ka thut te tah thlaang pakhat kah thawlhna, tihnawhtah, thlaang pakhat kah saithawlhna dawngah kavan thut nawh ni. Pathen mik huh ah kaimi ham ataktang la nangmi lawng pum na peek u tite tueng sak ham ni kavan thut.

2Korin 7:16

Nangmi te kan uepna rapcaat thai poen dawngah ka awmngaih tangkiik.

2Korin 7:6

Tede kawmoetkawma la aka awm thlaang thli te thathlue thakaw la aka awm sak Pathen lawngah kaimi tengah aka law Titas rang oen tha avan thlue sak.

2Korin 7:8

Metihtiah ka capat lawngah nangmi te na kaw van the sak mai cakhaw te capat te kavan thut dawngah ka kaw the nawh. Te capat lawng kawlkalh ah nangmi na kaw avan the sak te ka ming vengah ngaaithe laat la ka awm.

2Korin 8:22

Tedawngah kaimi lawng ahih rawi oen haih ah thlaangtloe boenhui pakhat kavan tuih u; ahih te kaimi lawng ka noek ka dak khiing u tih bawmcem ngaihna thinkaw a khueh poepa tite ka huh u. Tahe ah khaw nangmi sawah ueppangna a khueh poen tih bawm hamla a tha thlue soeh poen.

Galati 5:10

Tede nangmi kawngah te tahetoe ka ngaitluep hun. Mami kah hingna Bawipa oen pumkhatla awmna lawngah he nangmi te poekna tloe n'khueh sak tang manawh tila ka ngai a tluep sak tih a-u khawseh nangmi te khup pletla aka sai te tah Pathen lawng dan a tat ai.

2Thessalonika 3:4

Bawipa lawng kaimi he nangmi te ueppangna ham m'peek tih kan uepna, kaimi lawng kavan thui te tahe ah na sai u angla hailam ben ah khaw na sai poe u poen ai tila ka tangna.

Philemon 1:21

He ca dawngah ka thut angla kavan bih he na sai ngaai ai tila ka tangna tih yahawh ngaai pateng na sai tangtang ai tila ka ming.