2Korin 2:17 - Matu Chin New Testament 2006

¹⁷ Kaimi tah Pathen kah awl te aphu aka awm nawh thaihu thaiha la aka sai thlaangtloe hue oen ka lo u nawh; tede Pathen lawng kaimi he n'tuih u dawngah, Khrih kah tuihyoeihthlaang la ka awm u van angla Pathen haiah te thinkaw ciimna oen ka thui.

Matu Bible

¹⁷ Pathen kah olka aka yoi la muep ka om uh moenih. Tedae Pathen taeng lamkah vanbangla, cimcaihnah neh Khrih khuiah ni Pathen hmaiah ka thui uh.

2Korin 2:17 Iomraidhean Croise

Mathai 24:24

Metihtiah Messiah rawlrap oen tawngha rawlrap thli pho u vetih a coengg thai atah Pathen kah thlaangtuek Pateng thailatna ham kawpoekrai miknoekna oen kawpoekrai thaihu a lentloe a sai u ai.

Caeltueih 20:20

Thlaang rangpui haiah khaw, namami im ah khaw, nangmi kah hoeikhangna koei te khatca khaw thuh phah muehla ka thui tih kan cang puei u te na ming u.

Caeltueih 20:27

Metihtiah Pathen kah a kamthlahna te thuh phah muehla apum boeih la nangmi tengah biit kavan thui poen.

1Korin 5:8

Tedawngah mami kah Kaantaak Poei te thawlhna tawlru ruem oen athe-arana te thuum ohla tawlru aka thuum nawh takawi, aciim acaih awltak takawi oen ah sai u sih.

2Korin 1:12

Kaimi lawng ka thangpawmna u tah he dilai dawng hing vengah awlpuila nangmi oen tuhkaina ah he thlaanghing kah cuihna nawh tih Pathen kah lungvatna huham tharana oen ah Pathen kah peek thinkaw ciimna oen thinkaw doengna oen ah ukna he athe atheen pekbona thinkaw oen m'ming sak he ni.

2Korin 1:18

Pathen tah uep-awm la awm tih awltak a thui angla nangmi tengkah ka awlkam he khaw, “Oeih,” ti oen ah, “Nawh ni” tila kawpoek thlumthle awl nawh ni.

2Korin 11:11

Nangmi te kan lungna nawh dawngah aw he tila ka thui? Nangmi kan lungna te Pathen lawng a ming!

2Korin 12:19

Nangmi haiah kamami kah thlip adahna hamla a yawm puet tila khaw nan poek u mai ai. Tetih nawh ni! Khrih lawngah kaimi thui sak hamla a ngaih angla te Pathen haiah ka thui u, ka lungna ka paya thli, kaimi lawng ka sai boeih he nangmi bawmna ham ni ka sai u.

2Korin 4:2

Kaimi lawng ahuepla thaihu sai boeih oen yarau saina boeih te ka hoett u poen; kaimi lawng thailatna ka sai u nawh, Pathen kah awl khaw asoeng a kam nawh la ka thui u nawh. Kaimi tah Pathen mik huh ah awltak aangna dawngah ka hing u tih thlaang boeih kah athetheen mingna kawpoek te atheenna ham kamami oen kamami he phep u ham ka yawm u.

2Korin 6:7

awltak awlthang te phawngna oen, Pathen kah huham tharana oen ah Pathen kah tuihyoeihthlaang la ka awmna te ka tueng sak u. Kaimi lawng raal teekna ham khawseh, kamami pum thloetna ham khawseh, doengna te awva angla ka hawna u.

Galati 1:6

Ka kawpoek rai tangkiik mah aw! Khrih kah lungvatna oen nangmi khuekung te bawtbet khawlai kawl-kalhca maiah na hoett u tih awlthang theen atloe te na do u.

1Thessalonika 2:4

Pathen lawng kaimi he n'noemcai tih ueppang koei, tueng-aleng a ti dawngah Awlthang Theen thui ham bii m'peek u tih amah lawng thui sak ham a ngaih angla te ka thui u. Kaimi lawng thlaang kah kawtawngna te ka yawm u nawh tih kaimi kah poekna noekdakkung Pathen kaw te tawng ham ni ka yawm u.

Titus 1:11

Te ang thlaang thli te awlthui toeng sak ham angoe; metihtiah, ahimi lawng cang puei koei nawh te a cang puei dawngah imkhuikaw boeih te a thek u, te tila a cang puei boeih te yaraula aka awm tangka dang ngaih maiah ni.

Hebrew 11:27

Mosi lawng sengpahrang kah thinsana te rih tlaih ohla Iyipt ram a pooeng taak te tah oengna rang oen ni. Huh nawh Pathen te ahih lawng hu nooek ang a ti maila mel koep ham a thana.

1Peter 4:11

Thaihu soeprep dawngah Jesuh Khrih rang oen Pathen lawng thangpawmna te a dang thaina ham a-u lawngkhaw awl a thui atah Pathen awlthang te thui seh; A-u lawngkhaw bii a bi atah Pathen lawng a peek tha-awm tharana oen bi seh, ruep-awmna oen huham tharana tah dungyan toela amah tengah awm hawn seh. Amen.

1Johan 4:1

Ka lungna ka paya thli, Muithla ka khueh tila aka thui boeih te tangna u boel, tede ahimi kah Muithla khueh te Pathen tengkah aka law tang aw tite noekdak uh. Metihtiah, tawngha rawlrap thli, yahawh hlang dilai han ah yingyo u poen.

Jude 1:4

Metihtiah Pathen n'tu la aka sak nawh thlaang khatsut ming mai muehla mami tim ah ahuepla va kuun u tih amami kah cuk-halhna te thlipdahna ham Pathen kah lungvatna kawng awlthang te akhuppalet la a thui u tih mami kah pakhat bueng bawimanghai oen Bawipa la aka awm Jesuh Khrih te a hoett u. He ang thlaang thli tah dan a tat ai tila caciim lawngah aruem veng kalawng a thui oepsoeh poen.

Olphong 12:9

Dilai pum thailatnakung Seitan, tihnawhtah Raaibawi aka miingna suenyan kah ruultluung bohlang te a vanthlaang thli oen dilai la avan thlaak haih.

Olphong 19:20

Satluung oen ah ahih kah haiah kawpoekraina aka sai tawngha rawlrap te a tuuk haih tih thong ah a thlaak u. (Te kah tawngha rawlrap tah satluung miknoekna aka khueh thli oen satluung kah kutsaimuei aka bok thli te kawpoekrai saina oen aka thailatnakung te ni) Satluung oen tawngha rawlrap te pahih bokla kat hai-alh khuiah a hing sailapla a dawng.

Olphong 2:20

Tede na sawah ka kaw a lawna nawh tah he ni: amah oen amah Pathen kah celtuih la ka awm aka ti hutaa Jezebel te nang lawng na thlahphaam sut te ni. Ahih lawng a cangpueina rang oen ka thlaang thli te hutaa tawngpa thawlhna oen kutsaimuei thli thawthuengna caak awkk te caak hamla a mawt thawlh.