2Korin 13:9 - Matu Chin New Testament 2006

⁹ Kaimi ka tha a yoek u vengah nangmi tah na tha a ra u dawngah ka awmngaih. Tedawngah nangmi thlaangsoep la na awmna thai ham kaimi lawngkhaw nangmi hamla ka thangthui u.

Matu Bible

⁹ Kaimih loh ka tattloel uh vaengah nangmih loh tatthai la na om uh dongah ka omngaih uh. Nangmih kah na cungkuemnah ham ni ka thangthui uh van he.

2Korin 13:9 Iomraidhean Croise

Rom 15:2

Te lak ah, mami kah maya manau lawngah theenna koei, oengna ah a roengna koei te mami boeih lawng sai ham awm.

1Korin 1:10

Maya manau thli, mami Bawipa Jesuh Khrih kah saithaina aana oen nangmi boeih tengah reenna kavan bih u, nangmi tim ah pekbona a awmna nawh ham awlthui kaalai dawngah na kaw vai u sak. Poekna pakhat, mengtengna pakhat oen ah awm uh.

1Korin 2:3

Tedawngah nangmi teng ka law vengah te ka tha yoek sut tih rihna oen ka thuen,

1Korin 4:10

Kaimi he Khrih hamla thlaangngau la ka awm u; tede nangmi tah Khrih oen pumkhatla awmna rang oen ah thlaangcuih la na awm u! Kaimi tah ka tha yoek sut, tede nangmi tah na tha ra u! Kaimi tah thlaang kah hep-ahap la ka awm u, nangmi tah hinyah koei la na awm u!

2Korin 11:30

Kai lawngah ka oekthloen u atah, kamah kah tharana nawh aka tueng sak thaihu dawngah ni ka oekk-thloen u ai.

2Korin 13:11

Maya manau thli, tahe atah sading-la anna awm uh! Thlaangsoep la awm ham tha huer uh; reenna kavan bihna awl he ngaai u lah; pakhat oen khat roeproei uh; ngaimawngna oen awm uh. Te atah lungna oen ngaimawngna Pathen te nangmi tengah awm ai.

2Korin 13:4

Metihtiah a tha a yoek dawngah thinglam ah ngawn la awm tih duek cakhaw Pathen kah huham tharana oen hing poen. Ahih oen pumkhatla awmna ah mami khaw n'tha yoek u; tede nangmi oen kaimi tuhkaina tah Pathen kah tharana te ahih kah hingna dawngah mami lawng n'cuut u haih.

2Korin 4:12

He kah thuingaihna tah kaimi pum dawngah he duekna lawng bii a bi de, nangmi pum dawng atah hingna lawng bii a bi.

2Korin 7:1

Ka lungna paya thli, he awlkam boeih he mami tengah ni a sai. Tedawngah pumtaksa khawseh, muithla khawseh, aka ciim sak nawh soeprep boeih dawng kalawng mami he ciimcaih u silang Pathen hinyahna oen aciimsuekla hing u sih.

Kolosa 1:28

Tedawngah kaimi lawng thlaang boeih tengah Khrih kawng he ka thui u. Thlaang boeih lawng Khrih oen pumkhatla awmna ah pakhat rip te thlaangsoep la Pathen haiah pha puei ham cuihna boeih oen ngaithuenna ka peek u tih ka cang puei u.

Kolosa 4:12

Khrih Jesuh kah tuihyoeihthlaang, namami kah paya laikoei Epafras lawng n'toei u. Ahih lawngah thinkaw tak oen nangmi ham thangthui poepa tih nangmi acakla na paina u ham, Khrihca thlaangsoep la na awmna u ham oen ah na oengna te aciimphanla na mingna u ham, Pathen kawngaih te asoepla na vaina u hamla a bih poepa.

1Thessalonika 3:10

Nangmi te pumpakla kan huh thai tih na oengna dawngah angoena te tawm athap hamla thinkaw tang oen yiin daai ka bih poepa.

2Timothy 3:17

te ah ni Pathen bii aka bi thlaang lawngah thoemthaina soep vetih thaihu theen phun soeprep sai hamla phawlip te asoepcala a khueh ai.

Hebrew 12:23

Vaan ah miing thut la aka awm Pathen kah a ca camiing hue awmngaih kawhoe la a tunna ah nangmi tah na law u. Thlaang boeih awlcekkung oen thlaangdoeng thli kah muithla thlaangsoep la aka sai Pathen tengla te na law u.

Hebrew 13:21

Nangmi lawngah ngaimawngna akung Pathen kah kawngaih te na sai u thai ham thaihu theen na ngoe boeih te m'pe hawn seh; Jesuh Khrih rang oen amah kawngaih te mami kaw khuiah sai hawn seh. Jesuh tengah ruep-awmna tah dungyan toe ayoeyahla awm hawn seh! Amen.

Hebrew 6:1

Tedawngah haila cawh u sih, lamhacuek kah khrihca kawng cangna te ceh taak u poen silang tah aka soep cangna ben la te cawh u sih. Aphu aka awm nawh bii ceh taak tangte te khaw, Pathen oengna te khaw, akung kalawng tong koep tlaih boel sih;

1Peter 5:10

Tede nangmi lawng atue soetca ah patang na khang u kawlkalh coeng atah lungvatna boeih kah Pathen, Khrih ah pumkhat la awmna rang oen amah kah dungyan ruep-awmna te paang van hamla nangmi khuekung Pathen amah lawng nangmi te thlaangdoeng la n'khueh vetih acakla pai thaina oen tha-awm tharana te m'peek ai.