2Korin 13:7 - Matu Chin New Testament 2006

⁷ Nangmi lawng thawlhpalhna te na sai nawh ham Pathen tengah ka thangthui u, kaimi lawng noekdakna te ka taa tite tueng sak ham nawh ni, tede kaimi he aka tlim dingri angla ka awm mai cakhaw nangmi lawngtah asoeng thaihu te na saina ham ni.

Matu Bible

⁷ Nangmih te a thae la n'saii loengloeng pawt ham ni Pathen taengah ka thangthui uh. Kaimih loh ueppang la ka phoe uh mai pawt cakhaw nangmih tah a then mah saii uh mai. Kaimih he a lolhmaih lam khaw ka om uh mai thai.

2Korin 13:7 Iomraidhean Croise

Mathai 6:13

Noekdakna aka rai hlang kaimi sawah pha sak ohla, Seitan kut khui kalawng n'deem sak u lah, tila thangthui uh.’

Johan 17:15

Dilai dawng kalawng ahimi he na lawh hamla kavan bih nawh, tede Thlaangthe Puei teng kalawng ading asuekla thlipdah ham ni kavan bih.

Rom 1:28

Pathen kawng cuihna taktak te thlaanghing lawng a thinkaw khuiah khueh ham a ngaih u nawh dawngah aciimcaih nawh thinkaw lungbui khueh ham Pathen lawng a thlahphaam. Tedawngah sai koei nawh athe thaihu a sai u.

Rom 12:17

Nangmi sawah thlaang lawng athe a sai atah ahih te athe oen thung u boel. Thlaang boeih lawng theen tila a poek te sai hamla yawm.

Rom 13:13

Hingthun khawse ah aka awm thlaang thli angla mami lawng akoeih avaihla hing u sih, khawpaw rang au la awm u boel, yuuruui buh hah oen awm tlaih u boel, hutaa tawngpa thawlhna, boethe halangna awm boel seh, tawhsina oen uett-eena awm boel seh.

Rom 16:10

Khrih ah uep-awm Apellis khaw kan toei. Aristobulas imkhuikaw khaw kan toei u.

1Korin 11:19

(Asoengna ben ah aka awm thlaang thli te aciimla huhna ham ah nangmi tim ah pekbona a awm te soeng mai.)

2Korin 10:10

Thlaang khatsut lawng atah, “Pawl lawng he a capat dawngah ngoen tah awl phawh tlo tih akhing awm mai, tede mami oen awm haih veng atah birih sut tih a ralthe, a awl thui khaw alawng-ala awm nawh,” ti u mai ai.

2Korin 10:18

Metihtiah Bawipa amah lawng thlaang theen la a pawm te ni a do, amah oen amah aka thangpawm u thlaang te tah do nawh.

2Korin 13:6

Kaimi tah noekdakna dawngah ka tlim u nawh tite nangmi lawng na ming u ai tila ka ngaiuep.

2Korin 13:8

Metihtiah awltak te kaimi lawng ka oel e-tla vetih thaihu khat khaw ka sai manawh, tede awltak ham bueng ni ka tlungmu u dai poen ai.

2Korin 13:9

Kaimi ka tha a yoek u vengah nangmi tah na tha a ra u dawngah ka awmngaih. Tedawngah nangmi thlaangsoep la na awmna thai ham kaimi lawngkhaw nangmi hamla ka thangthui u.

2Korin 6:4

Te tila te sai ohla khawdeng mingna, raina, patang khangna boeih he kawdaw thinsan oen ka ueh u tih soeprep boeih ka saina dawngah Pathen kah tuihyoeihthlaang la ka awmna te ka tueng sak u.

2Korin 8:21

Kaimi lawng atah Bawipa kah mik huh bueng ah nawh tih thlaanghing kah mik huh ah khaw aka doeng thaihu te ni sai hamla ka kamthlah u.

Philipi 4:8

Aboetna ah ka boenhui thli, nangmi lawng na thinkaw te aka theen tih thangpawm koei ataktang thaihu, aphu aka awm thaihu, aka soeng tih aciim thaihu, lungna koei thaihu, hinyah koei thaihu oen be sak uh.

1Thessalonika 5:23

Ngaimawngna pekung Pathen lawng soeprep ah n'ciim sak u hawn seh, mami kah Bawipa Jesuh Khrih a law vengah nangmi kah pum boeih, na muithla, na hingna, oen pumtaksa te amah lawng kuem selang tah thawlhpalhna boeih kalawng n'loeih sak seh.

1Timothy 2:2

Mami lawng ading asuekla awmna ham, Pathen hinyahna oen ngaimawngla khaw sak tih khawboe ramlang theenna oen awm thaina ham ah sengpahrang thli oen saithaina aana aka khueh boeih ham thangthui uh.

2Timothy 2:15

Nang tah bii aka yah puei nawh, Pathen kah awltak te asoengla aka cangpueikung la na awm van angla Pathen kawtlaakna te na dangna ham yawm lah.

2Timothy 4:18

Bawipa lawng athe-arana boeih kalawng n'loeih sak tih amah kah vaan Ram ah te adingsuekla n'ceh puei ai. Amah tengah ruep-awmna dungyan toe awm hawn seh! Amen.

James 1:12

Noekdakna a tawng vengah acak rap uep-awm la aka pai tah yotheen a dawng u, metihtiah te ang noekdakna te a taa thai tih Pathen lawng amah aka lungna thlaang thli ham awl a kam hingna te kutdo la a dang ai.

1Peter 2:12

Nangmi kah khawboe ramlang he Pathen aka ming nawh thlaang thli tim ah atheen soeh ham awm, ahimi lawng nangmi te athe saikung la m'peel mai cakhaw nangmi kah moeiboe theen te a huh u vetih Pathen a lawna Khawhin ah amah te a thangpawm u badai.